JOSHUA 7:5 - Hawa Naga Bible 2001

⁵ Ai ghaq jix rueq tsuinghez kuex yurc vtueq ghaqyungx palx kaluix maq svt wvnc tueq kanx yaz lvmx wvlex miq waz 36 thvt gay tueq. Kvruex yimaq Israel miqsaz htenc thuinz htumx vtueq hiyaz wuez tueq.

ASII LAKDAP Bible (BSI)

⁵ Ai chelati raq Israilnok ka, chela kilamchong maq joho raüta, long piikii chang binjü kiina saüli johoto. Raüta kra lamhong binjü kiiwiili Ai chelati raq, Israilnok ka maiq roqtsamri wetrok tin tsatbaiqto. Kra ningkhan Israilnok ka tsaiji ajom she riito kiimaq ahai she riito.

JOSHUA 7:5 Referencias Cruzadas

Tvtsvmc 22:14

Ngvy hungc vlaungc kuex ghaq htauk nuex yuix shvy gay shix ikhoc ruic wvnc tueq. Ngvy ruk vrawz htenc muinz lotlaz rvpek wvnc tueq; ngvy thuinz vmungx muinz rvp ikhoc yuimx wvnc vtuex.

Tvtsvmc 58:7

Tsuingshiq kuex ruic wvnc yaq yuix ikhoc mmoz wvnc kueq; lvmx nuex kemz yaq httuingx ikhoc tsuingshiq kuex vnyek nuiuz gay mrvhumc kueq.

ISAIA 13:7

Miq ruip rawx yauk htenc kuex nulx wvnc vtueq, kvruex hez kuex vtawz rvkaz wuez tuex.

EJEKIEL 21:7

Tsuingshiq rueq mnoz yvmx ngoz tueq lac kvbot nyvnx kaz tuiux, ngoz tueq mnoz muex wiz ruiux yuq, kvruex kuex httuiuc wvnc yaq wawc thuix thaungx ningkhvnc nuex rvtueq ngoz tueq tsuingshiq muex jungx shuiuz. Kvruex thaungc kuex httuiuc wvnc ruiux yuq, tsuingshiq thuinz vmungx nuex vhiz yaz thuinz mvrc wvnc vtueq, tsuingshiq yauk htenc nulx wvnc ruiux tsuingshiq nuex httax yaq khvmc thuinz kuex yomx wvnc vtueq tsuingshiq laungkuix htenc kuex kv-khuirc wvnc tuex. Kvruex yaungx wvnc tuex vkhing kuex vyuq httuiuc waung shex.” Johvlc Yehowa rueq jungx tueq.

LEWI 26:36

“Nuimshiq kuex mungganc nuex httuiuc kaz tuinx kvkaq raungguil koq yuq tvruingx yaq pulx yauk tvruingc kuex tay ruiux doc muinz kawc yawc vtueq yuz wvnc tuinx. Nuimshiq kuex ralx rulc rvlungc vtueq ralx rueq yurc ruiux yuz tuinx ikhoc yuz wuez tuinx, nuimshiq hep nuex ralx waz vguez ngoz ruiux muinz rul wvnc tuinx.

NAHUM 2:10

Ninewe kuex tvbac gay tueq, tuip gay shec tueq, kuiyqshuik kuiyq khvmx yaungx tueq! Hisvy thuiuz muex thuinz vmungx yuimx wvnc khvm-khvmz; laungkuix htenc kvkhuirc dvn-dvnz, hungc vlaungc vguez; htvlx phawc htenc luiz lep lep shex.

TRI CHONGKE 1:44

Kvkaq kuz hong nuex httax yaq Amori miqsaz phvnx rueq nyaq daungx rueq ikhoc dung vtueq nuimshiq kuex khvt wuez tueq. Tsuingshiq rueq nuimshiq kuex yurc khvt vtueq Edom mungx Horma ghaq maq nuimshiq kuex ralx sumx wuez tuit.

JOSHUA 2:11

Kvruex thaungc htenc kuex nuiyshiq rueq lvmz lvy dvyx tay vtueq hisungx wuez vtix; nuimshiq ningkhvnc nuex nuiyshiq kuex thuinbac vtueq hungc vlaungc yomx wuez yaq. Yehowa nuimshiq Tishox kuex raungmungx nuex muinz, ghaq htauk nuex muinz Tishox rvtueq.

JOSHUA 2:9

tsuingnueyc muex ngoc, “Yehowa rueq nuimshiq muex vruex mungx kuex kuq tueq lvmz ngaz rueq tuiuz yaq. Vruex mungx wuinz kuex nuimshiq muex hisungx wuez yaq.

JOSHUA 5:1

Israel miqsaz rueq Yodan ruilx yanc wvnc lot nuex httuiuc laz Yehowa rueq Yodan ruilx tvruic gay tueq lvmz, Yodan ruilx maq shalx nyuip kox nuex httax yaq Amori hokhvmx bix lotlaz nuiyc Svmuktvrax Mediteranean kawx nuex httax yaq Kanaan hokhvmx bix lotlaz rueq tay lvp wuez tueq. Israel miqsaz ningkhvnc nuex tsuingshiq kuex hiyaz kawc yawc wvnc wuez vtueq thuinbac thuinz htumx wuez tueq.