JOSHUA 4:3 - Hawa Naga Bible 2001

³ tsuinghez kuex shomc waz bix jvp yaq Yodan ruilx vmungx baung wawc lung rokshiz rac vnueyc kuex pic wvnc tvkoc nvr shuiuz. Tsuinghez rulc vdvmz lung kuex tsenc wvnc vtueq, majuiuc raungyac jerak tec wvnc shuinz baung kvyuq tvy tvkoc jungx shuiuz,” ngoz tueq nvr tueq.

ASII LAKDAP Bible (BSI)

³ Laüta tsangshiq ma, ramwebi chap chang ba Jordan rai jümong ba jüphii kiiwa, longkaü kaüroqshi ri kaü nai dowan ronglaq nguta chonglaq. Raüta longkaü thun ka piwan raüta athi rawa ümbano piitiip tei wan tlan kiijaq phong rong laq.”

JOSHUA 4:3 Referencias Cruzadas

RAPHA HIQWA LAK 28:22

Ngaz rueq shungc shec vshaungx lungshungc vruex kuex Yehowa muex nawk palx juing baung muex yaungx tuex, ngaz rueq muinz mnoz rueq kuq phux kvwawc lvp shaungx phvnx htenc kuex mvnz rokshiz wawc mvnshiz htawc shaungx,” ngoz tueq kvtuemc taq tueq.

Tvtsvmc 103:2

Ngvy siyac lex, Yehowa muex tvtsvmc shuiuz, vpiq kejux htenc kuex nauk lauk gay kaz.

Tvtsvmc 11:4

Yehowa kuex vpiq vsawc shomc yuimx nuex httax yaq; Raungmungx nuex vpiq hoc daungraungc httax yaq. Baung ruip saz nuex httax yaq miqsaz htenc kuex vpiq rueq lawc vtueq tsuingshiq rueq shuimx kaz yaq htenc kuex tuiuz yaq.

Luke 19:40

Yesu rueq, “Ngaz rueq nuimshiq muex jungx kuq ix, vruex hez kuex kuiyqshuik httax ruiux yuq lung htenc kuex guyc wuez tuex,” ngoz tueq tvralc tueq.

JOSHUA 24:27

Piq rueq miq lotlaz muex ngoc, “Vruex lungkuiux kuex naungshiq lotlaz muex hakhix m-yaungx kueq. Naungshiq muex Yehowa rueq jungx phuex kvjaz lotlaz kuex tay tueq shex. Kvkhoc rvtueq nuimshiq Tishox muex nauk khawx lvlx wuez kaz, vruex kuex nuimshiq tvkoc hakhix muex yaungx tuex,” ngoz tueq jungx tueq.

JOSHUA 3:13

Ghaq lotlaz guimz yaq Yehowa Bomkhvrc Jep kuex pic jix shomc waz bix rueq yuix kuex tsuinghez yaz maq nuiuz shuex rulc rv-ngvlc, yuix khux kox maq kaz yaq yuix kuex thauk kaz vtueq baungshiz nuex dvyx kvshuing kaz tuex,” ngoz tueq jungx tueq.

JOSHUA 4:4

Kvruex yimaq Yoshua rueq vthvlc vruez taq waz rokshiz rac wanueyc kuex gvl vtueq,

JOSHUA 4:8

Israel miqsaz htenc rueq muinz Yoshua rueq nvr yaq htenc kuex shuimx kaz tueq. Yehowa rueq Yoshua muex nvr tueq rulc rv-ngvlc Israel phvnx rokshiz rac vnueyc tvkoc lung poz rokshiz rac poz nueyc kuex Yodan ruilx mungx baung wawc tsuinghez rueq pix wvnc vtueq jerak nuex tvwoalc taq wvnc wuez tueq.

1 SAMUEL 7:12

Kvruex yimaq Samuel rueq lung vshiz tsenz vtueq Mizpa nuiyc Shen hvlwvl nuex shungc ruiux, “Yehowa rueq nuiyshiq muex lvmx wvlex romc kuq phuex,” ngoz tueq jungx tueq, kvkhoc rvtueq lung kv-ngoc, “Romc kuy jix Lung,” (Ebeneza) ngoz tueq muingc tueq.