JOSHUA 4:14 - Hawa Naga Bible 2001

¹⁴ Kvruex raungnuiyq Yehowa rueq shuimx tueq kuex Israel miqsaz htumc nuex Yoshua kuex wv-ngauz wv-ngax miq vshiz ikhoc tvmaung dvyx tvrvhumc ningkhvnc nuex, Moshe muex tsuingshiq rueq tvtsanc nganc kuq tueq ikhoc Yoshua muex muinz piq rullungx wvlex tvtsanc nganc wuez tueq.

ASII LAKDAP Bible (BSI)

¹⁴ Kra ranaiq Tatiwe raq jaqsham kuqtaq kra chhiraüta mungmaiqse raq, Joshua ka ajong pinthumwe dea nguta tak wanto. Tsangshiq raq Mosheq ka jamkho shreng wantaq kra phanphan Joshua kiimin arilung pattup tsangshiq raq shreng wanto.

JOSHUA 4:14 Referencias Cruzadas

1 HOKHVMX 3:28

Solomon rueq phox kuq tueq lvmz kuex Israel mungx miqsaz rueq tay wuez vtueq, Tishox rueq piq muex tvrac vlvmz maq phoc kuy lot juing taksux tharc kuq tueq kuex tuiuz wuez vtueq, tsuingshiq lotlaz rueq piq muex pinhtumc hiyaz tvtsanc nganc wuez tueq.

2 HOKHVMX 2:15

Yerikho ghaq wawc shvmmax waz 50 rueq piq kuex khiz vtueq, “Elia luimc vkawc kuex Elisha htauk nuex httax yaq ix!” ngoz tueq. Piq rulc rvhumc kay tsuinghez kaz vtueq piq khaungkac nuex bumx nawk wuez ruiux,

1 KAÜWA WERAÜ 29:25

Yehowa rueq wv-phvnx tuimx Solomon muex tvtsanc nganc kuy nuiyc Israel mungx guimz wvnc tueq vganc hokhvmx htenc ukhaq htauk nuex muinz piq kuex jvnc vtueq ngauz vngax tvhttax tueq.

2 KAÜWA WERAÜ 30:12

Hokhvmx waz nuiyc piq vyungx vlaungx bix rueq tvtay nvr tueq bomc kuex phvnx vtueq vpiq thuinroc phvnx lvp laz juing ngoz tueq Tishox rueq muinz Yuda mungx nuex yauk shuimc jix miq htenc muex tsuinghez rueq htvp htaz tueq rulc rv-ngvlc rungx raz lvmz tvtsuir taq tueq.

DUNGWVNC 11:3

Ejip miqsaz htenc rueq Israel miqsaz muex tvtsanc nganc kuy tvkoc Yehowa rueq tvhungx htaungx kuq tueq. Rvkhauk laz kuex, vyungx vlaungx bix nuiyc mungx miqsaz lotlaz rueq Moshe kuex pinhtumc vyungx vlaungx miq washiz ngoz tueq tvmaung taq wuez tueq.

DUNGWVNC 14:31

Israel miqsaz kuex Yehowa rueq luimc vkawc yunghvlc maq Ejip miqsaz htenc khvt gay tueq kuex khiz vtueq, Yehowa muex hiyaz tvtsanc nganc wvnc wuez tueq; tsuingshiq kuex Yehowa muex nuiyc vpiq nvrc waz Moshe muex kvmluimx wvnc wuez tueq.

TAKSU LAK 24:21

Isaz lex Yehowa muex hiyaz kvpiq nvyx kuiuz, hokhvmx waz muex tvtsanc nganc shuiuz. Tsuingshiq khawc lvlc jix miq rulc nauk rvkung kaz;

Romans 13:4

yvmx khoc lac ngoz ruiux lec piq kuex mnoz muex vjux httaz laung nuex Tishox nvrc waz rvtueq. Yuq muinz mnoz rueq honc vbac yauk shuimc shuimx ruiux yuq kuex piq muex kvhiz kuiuz, piq kuex murx tvgurc kuq lot yaq luimc vkawc vsuing lvp tvy jix waz rvtueq. Piq kuex Tishox nvrc waz ningkhvnc nuex honc vbac yauk shuimc jix waz muex Tishox rueq phoc kuy murx gurx shuex rvtueq.

1 Corinthians 10:2

Tsuingshiq kuex phuemx nuiyc svmuktvrax nuex yuix lvp lvmz vtueq Moshe yix phvnc jix htenc muex yaungx wvnc tueq.

JOSHUA 3:7

Yehowa rueq Yoshua muex ngoc, “Ngaz kuex Moshe rulc vdvmz httax tauk ikhoc mnoz rulc muinz vdvmz nuex httax vtaungx kuex tsuingshiq rueq tuiuz wvnc lvp laz juing, majuiuc raungnuiyq ngaz rueq mnoz kuex Israel miqsaz lotlaz htumc nuex miq yunghvlc washiz ikhoc tvtsanc nganc vphaungx.

JOSHUA 4:13

Ralx khvt tvkoc Yehowa khaungkac nuex tvyoalc yoalx jix kuex miq munc bvlic tanc raz tueq Yerikho ghaq hep wawc tvnx nuex yanz wvnc wuez tueq.

JOSHUA 4:15

Kvkaq Yehowa rueq Yoshua muex ngoc,

1 SAMUEL 12:18

Kvkhoc rvtueq Samuel rueq vjux thoz tueq rulc rv-ngvlc kvruex raungnuiyq kvkaq dvyx Yehowa rueq raungx tvmuk vtueq raungx tvyunc tueq. Kvkaq miq lotlaz kuex Yehowa muex nuiyc Samuel muex hiyaz kawc yawc wuez vtueq,