JOSHUA 3:17 - Hawa Naga Bible 2001

¹⁷ Miq htenc rueq yanz wvnc lot tueq nuex httuiuc laz Yehowa Bomkhvrc Jep pic jix shomc waz bix kuex Yodan ruilx yvmc nuex yuix muinz vguez httuiz rok rok hvlc ghaq nuex jvp wuez tueq.

ASII LAKDAP Bible (BSI)

¹⁷ Nokwe raq jükok ka süroqroq hea konü jüreko niishe jin wanto. Mungmaiqse kunli konü jüreko na mijin wan lot shaq wiiwii, ramwebi ka Tatiwe Tongshong Tek kra pishat maq Jordan raikhü mong ba na phii süroqroq hea kriijaq chapruq li chapto.

JOSHUA 3:17 Referencias Cruzadas

2 HOKHVMX 2:8

Kvruex yimaq Elia rueq piq hungluz khvy kuex put ruiux tul vtueq yuix kuex wung tueq; yuix kuex vnueyc muex tvhtaq ruk rv-phvlc wvnc tueq, piq nuiyc Elisha kuex yuix ral kox nuex wulthawk thawk hvlc ghaq htauk maq yanz wvnc wuez tueq.

Tvtsvmc 66:6

Vpiq rueq svmuktvrax kuex wulthawk taung ghaq muex tvyaungc gay tueq; naungshiq jix vwaz tamx rueq yuix ruilx kuex yaz maq yanz wvnc tueq. Vpiq rueq shuimx wvnc tueq yauk shuimc htenc ningkhvnc nuex naungshiq kokez wuez vtix.

DUNGWVNC 14:21

Moshe rueq svmuktvrax htauk nuex yauk kuex tenz koq tueq, Yehowa rueq shaldungc raungguil hungc hvlc kuex tvguil vtueq svmuktvrax yuix kuex tvyek tueq. Wvrx taungx svmuktvrax yuix kuex tvyek gay koq tueq, ghaq kuex wulthawk yaungx tueq. Yuix kuex rv-phvlc wvnc vtueq,

DUNGWVNC 14:22

Israel miqsaz kuex yuix daungx nueyc hvlwvl ghaq wulthawk htauk maq khuemx wvnc vtueq svmuktvrax kuex yanz wvnc wuez tueq.

DUNGWVNC 14:29

Yuq muinz Israel miqsaz kuex yuix daungx nueyc hvlwvl nuex ghaq wulthawk htauk maq khuemx wvnc vtueq svmuktvrax kuex yanz wvnc tueq.

ISAIA 25:8

Johvlc Yehowa rueq vthueyc kuex pattup tvbac gay shuex! Miq lotlaz muik phic svrc yaq kuex tuit kuq ruiux, vpiq miq htenc mungkawx baung ruip nuex rvhumc wvnc tueq yvlc svy juing htenc muinz lvmz kuq gay shuex. Yehowa vpiq pumz maq jungx tueq.

WEAWEA 33:51

Israel tvkoc phvnc juing kvjaz htenc kuq tueq kuex vkhoc rvtueq: “Nuimshiq rueq Yodan ruilx kuex yanz wvnc vtueq Kanaan mungx nuex httuiuc kaz tuinx yuq,

Hebrews 11:29

Kvmluimx vtueq Israel miqsaz htenc rueq Yuix Shawx Jumx kuex taung lvmx maq vkhuemx ikhoc rvp wvnc wuez tueq; Ejip miqsaz htenc rueq muinz kvkhoc rvp talx koq tueq htuip thueyc wvnc wuez tueq.

JOSHUA 4:1

Miq phvnx wvtaungx rueq Yodan ruilx kuex yanz wvnc lot tueq nuex Yehowa rueq Yoshua muex ngoc,

JOSHUA 4:10

Miq htenc rueq shuimc kay tvkoc Yehowa rueq Yoshua muex nvr tueq shuimc vkay htenc lot nuex httuiuc laz, Yodan ruilx vmungx baung nuex shomc waz bix kuex jvp wuez tueq. Vruex kuex Moshe rueq vnvr shec lvmz rvtueq. Miq htenc rueq yuix ruilx kuex htat htat yanz wvnc wuez tueq.

JOSHUA 4:11

Tsuingshiq lotlaz yuix ral nuex rvp wvnc yix, shomc waz bix rueq Yehowa Bomkhvrc Jep kuex pix vtueq miq htenc kvruex max nuex kaz wvnc wuez tueq.

JOSHUA 4:22

nuimshiq rueq tsuingshiq muex Israel miqsaz rueq Yodan ruilx kuex httuiz rok rok maq yanz wvnc tuit jauz wawc lvmz kuex jungx kuq shuinz.

JOSHUA 4:3

tsuinghez kuex shomc waz bix jvp yaq Yodan ruilx vmungx baung wawc lung rokshiz rac vnueyc kuex pic wvnc tvkoc nvr shuiuz. Tsuinghez rulc vdvmz lung kuex tsenc wvnc vtueq, majuiuc raungyac jerak tec wvnc shuinz baung kvyuq tvy tvkoc jungx shuiuz,” ngoz tueq nvr tueq.

JOSHUA 5:1

Israel miqsaz rueq Yodan ruilx yanc wvnc lot nuex httuiuc laz Yehowa rueq Yodan ruilx tvruic gay tueq lvmz, Yodan ruilx maq shalx nyuip kox nuex httax yaq Amori hokhvmx bix lotlaz nuiyc Svmuktvrax Mediteranean kawx nuex httax yaq Kanaan hokhvmx bix lotlaz rueq tay lvp wuez tueq. Israel miqsaz ningkhvnc nuex tsuingshiq kuex hiyaz kawc yawc wvnc wuez vtueq thuinbac thuinz htumx wuez tueq.