JOSHUA 24:25 - Hawa Naga Bible 2001

²⁵ Kvkhoc rvtueq kvruex raungnuiyq nuex Yoshua rueq miqsaz htenc rulc bomkhvrc kuex tvhungx tueq yix, tsuingshiq rueq phvnc juing tvrac htenc nuiyc guimz lawc tvrac htenc kuex Shekhem ghaq maq kuq tueq.

ASII LAKDAP Bible (BSI)

²⁵ Krai mren, Joshua raq kra ranaiq niili mungmaiqse miitu tongshong kuqto. Raüta apaiq raq kra Shekhem chela kiimaq tsangshiq ma thungtri raütu kiimaq aming raütu tsangshiq raq lang chang thun kra kuqto.

JOSHUA 24:25 Referencias Cruzadas

RAPHA HIQWA LAK 35:4

Kvkhoc rvtueq tsuingshiq kox nuex httax yaq vganc tishox htenc muinz, tsuingshiq rueq jic juing najic htenc muinz Yaku muex kuq tueq. Yaku rueq kvruex hup svmx htenc kuex Shekhem ghaq hep wawc khauk rauk jungx yaz nuex luip gay shec tueq.

2 HOKHVMX 11:17

Shomc waz Jehoiada rueq Hokhvmx Joash nuiyc mungx miqsaz htenc kuex Yehowa miqsaz yaungc tvkoc ngoz tueq Yehowa rulc bomkhvrc taq tueq; piq rueq hokhvmx waz nuiyc mungx miqsaz htenc hvlwvl nuex bomkhvrc tvtaq tueq.

2 KAÜWA WERAÜ 15:12

Tsuingshiq kuex Yehowa tsuingshiq jix vwaz tamx Tishox muex thuinz vmungx nuiyc gvnngvmx lotlaz maq nawk palx tvkoc rungx raz bomkhvrc taq wuez tueq.

2 KAÜWA WERAÜ 15:15

Vruex bomkhvrc kuex tsuingshiq thuinz vmungx lotlaz maq tvtsuir tv-phaungx tvy ningkhvnc nuex Yuda miqsaz lotlaz thuinhvlx kokez wuez tueq. Yehowa muex nawk palx lvmz nuex tsuingshiq rueq raungc raq wuez tueq, vpiq rueq tsuingshiq kuex lvp wvnc vtueq baung ruip saz nuex nomic mungx piauc kuq tueq.

2 KAÜWA WERAÜ 23:16

Shomc waz Jehoiada rueq Hokhvmx Joash nuiyc mungx miqsaz htenc piq rulc rvhumc hemc vtueq Yehowa miqsaz m-yaungx wvnc wuez kueq ngoz tueq bomkhvrc tvtaq wuez tueq.

2 KAÜWA WERAÜ 29:10

“Majuiuc ngaz rueq Yehowa Israel Tishox rulc bomkhvrc tvy tvkoc dvnc vshaungx, vpiq kuex naungshiq muex loayc hvlc kuex khaq tuex rvmuq.

NEHEMIA 9:38

Vruex lvmz lotlaz yaungx wvnc tueq ningkhvnc nuex, naungshiq Israel miqsaz rueq rungx raz vtix lvmz bomkhvmc vshiz wuiyq vshix, naungshiq walaungx bix, naungshiq Lewi miqsaz htenc nuiyc naungshiq shomc waz bix tsuingshiq rueq kvyuq sohic htuing wuez tueq.

DUNGWVNC 15:25

Moshe rueq Yehowa kox wawc daungdaungx vjux thoz koq tueq, Yehowa rueq piq muex pulx htaq vshiz tvkhic kuq tueq, piq rueq pulx htaq kvruex yuix nuex tuip koq tueq, yuix khuip kuex yuix ruimx muex yaungx kaz tueq. Yehowa rueq kvruex hong kvmaq, tsuingshiq rueq phvnc tvkoc tvrac htenc kuex kuq tueq, vpiq rueq tsuingshiq kuex taruiyx lawc tueq.

DUNGWVNC 24:3

Moshe kuex Israel miqsaz kox nuex yek kaz vtueq, Yehowa rueq nvr tueq lotlaz nuiyc kvjaz htenc kuex jungx kuq koq tueq, miq htenc lotlaz rueq vdvmz nuex tvralc tueq kuex, “Yehowa rueq jungx tueq lotlaz kuex nuiyshiq rueq phvnx shix,” ngoz tueq.

TRI CHONGKE 29:1

Vruex kuex Moba mungx nuex httuiuc kaz tueq Israel miqsaz htenc rulc Yehowa rueq Moshe muex nvr vtueq vtvtsuir shec bomkhvrc rvtueq. Kvruex lotlaz kuex Sinai Kanx maq tsuingshiq muex Yehowa rueq vtaq kuq bomkhvrc tvrvp yek rvtueq.

JOSHUA 24:1

Yoshua rueq Israel phvnx lotlaz kuex Shekhem nuex tvtuimx tueq. Piq rueq walaungx bix, vyungx vlaungx bix, phoc waz bix nuiyc Israel miqsaz phukhux walaungx bix kuex gvl koq tueq, Tishox httax yaq nuex tsuingshiq kaz wuez tueq.

JOSHUA 24:26

Yoshua rueq vruex nvrc kvjaz htenc kuex Tishox Tvrac luik dvp nuex wuiyq taq shec tueq. Kvruex yimaq lungkuiux yunghvlc vshiz kuex lvmz vtueq Yehowa vsawc baung wawc khauk rauk jungx yaz nuex shungc taq tueq.