JOSHUA 23:14 - Hawa Naga Bible 2001

¹⁴ “Majuiuc ngaz kuex vthueyc wvnc shex. Yehowa nuimshiq Tishox bomkhvmc rulc rv-ngvlc vhvlx phvnx kejux httax yaq lotlaz nuimshiq muex kuq kv-phuinx kuex nuimshiq vshiz maq vshiz rueq miqmac thuinz vmungx maq nuiyc thuinz maq tuiuz vshuinx. Vpiq bomkhvmc lotlaz kuex tvhungx lot tueq shex, phvnx shiz muinz tvyomx gay muq doc.

ASII LAKDAP Bible (BSI)

¹⁴ “Ngi ma rilung lamsea ka athum she. Namshiq tarü khumtek raq maiqmii tsan nai mongjii na asap han, Tatiwe nam Shiikeawe raq, ahea awa phan ümchuwa mikuqha nguta kiqkham kuqtaq thun ka wiita kuqto Apaiq raq kiqkham raüpot ümchuwa khakuqtaq kriika, wiita kunkun shiikupi kuqto. Bomtsi poshi dongdii min tiipoi mak.

JOSHUA 23:14 Referencias Cruzadas

RAPHA HIQWA LAK 47:29

Yaku kuex vthueyc wvnc nanac nuex vsaz Yosep kuex gvl vtueq, “Ngvy wex khung kvyuq m-yauk kuex relc vtueq, mnoz rueq ngaz vruex Ejip mungx nuex luip mauk ngoz tueq kvtuemc koq.

1 HOKHVMX 2:2

“Ngaz kuex vthueyc jauz shex httuiuc wvnc vtuex. Kvkhoc rvtueq kvmluimx vtueq khvmc thuinz maq htvp htaz shuiuz,

1 HOKHVMX 8:56

“Vpiq rueq bomkhvmc taq tueq rulc rv-ngvlc vpiq miqsaz htenc muex nomic kuy jix Yehowa muex tvtsvmc wuez shuinz. Vpiq nvrc waz Moshe maq raz tueq kuq shec tueq vganc bomkhvmc htenc lotlaz kuex vpiq rueq tvhungx wvnc tueq.

YOBA 30:23

Mnoz rueq ngaz kuex miq ruip rawx suip wvnc juing vtv-hungx shec baung nuex nuiyc, ngvy thueyc juing lvmx nuex shvlx wvnc vphux kuex ngaz rueq tuiuz yaq.

DUNGWVNC 3:8

kvkhoc rvtueq Ejip miqsaz yauk wawc tsuingshiq kuex palc wvnc vtueq, Ejip mungx maq tvdung wvnc ruiux, puix nuiyc nyaq ngurx dung yaq mungx nuex tsuingshiq kuex shvlc wvnc tvkoc ngaz svt kaz tauk. Kvruex mungx kvyuq Kanaan, Hitti, Amori, Perizi, Hiwit nuiyc Jebusi phvnx htenc majuiuc httax wuez yaq,

THARC TVLUINGC 12:5

Mnoz kuex johvlc baung htenc muex hiyaz tuiux, lvmx khuemx muinz kvhiz sungx juing yaungx tuiux tvmaung shuiux. Mkhux htenc puic wvnc ruiux mshauk pumz kuex laungc maq jix gurx pix shuiux, mnoz rueq raungc raq shuiux lvmz lotlaz kuex htumx wvnc tuex. Naungshiq kuex naungshiq vtvsuip nyec tvkuiyq juing baung nuex kaz wvnc wuez vtix, kvkaq lvmx laungx htenc nuex vkhoarc vnyerc maq httax tuex.

THARC TVLUINGC 9:10

Mnoz kaz wvnc tuiux wulumx mungx nuex yauk shuimc kay waungc, kvmungx lvmz, phaqjic nuiyc taksux tharc vguez ningkhvnc nuex mnoz rueq shuimc juing yvmx yuq muinz hung vtueq shuimx kaz shuiuz.

EJEKIEL 20:28

Tsuingshiq muex kuq phaungx ngoz tueq bomkhvmc taq tauk mungtan nuex tsuingshiq kuex shvlx wvnc tauk. Tsuingshiq rueq johvlc ghaqluimx htenc nuiyc wuiljuit wuiljaungx pulx htenc kuex khiz vtueq, kvruex htenc lotlaz nuex shomc nawk kuy juing shomc kuq tueq. Tsuingshiq rueq kvruex yuq vhomc vtumc phvnx jauk shomc nawk kuy nuiyc svpiq tix shvy vtueq shomc kuy ningkhvnc nuex ngvy thuinz tvkhaq phuex.

WEAWEA 23:19

Tishox kuex miqsaz ikhoc vrot vkaq kvjak muq; Miqsaz ikhoc thuinz kvlec lauz muq. Bomkhvmc rulc rv-ngvlc shuimx yaq; Jungx shuex rulc rv-ngvlc yaungx woz yaq.

Luke 21:33

Raungx nuiyc ghaq kuex lvy wvnc tuex, yuq muinz ngvy kvjaz kuex lvy wvnc tuex rvmuq.

Hebrews 9:27

Miqsaz kuex laukshiz dvyx thueyc vtueq, kvruex yimaq kuex Tishox rueq phoc kuy rvhumc yaq.

1 SAMUEL 3:19

Samuel kuex peluz wvnc tueq, Yehowa kuex piq rulc vdvmz httax yaq, Samuel rueq jungx tueq kuex vsuing doc rvtueq ningkhvnc nuex phvnx ruip saz kuex shuimx kuq tueq.