JOSHUA 22:31 - Hawa Naga Bible 2001

³¹ Shomc waz Eleazar saz Phineha rueq tsuinghez muex, “Yehowa kuex naungshiq rulc vdvmz httax yaq kuex majuiuc tuiuz lvp vshix. Nuimshiq rueq vpiq muex khawx lvlx muit nuiyc Yehowa rueq murx tvgurc juing wawc muinz Israel miqsaz htenc kuex palc wvnc tuit shex,” ngoz tueq jungx tueq.

ASII LAKDAP Bible (BSI)

³¹ Kiijiishe, ramwe Phinehas Eleajar se raq, tsangshiq ma akhiishe nguto, “Ümchaü ka naishiq riimin sap kai she. Tatiwe nashiq rai asi. Namshiq raq apaiq kiq ka tlea man dea. Krai mren, namshiq raq Israilnok ka Tatiwe moho chang wa tiichhii kuq lan.”

JOSHUA 22:31 Referencias Cruzadas

2 KAÜWA WERAÜ 15:2

piq kuex Hokhvmx Asa kox nuex rvhumc kay kaz wvnc tueq. Piq rueq, “Hokhvmx Asa nuiyc Yuda nuiyc Benjamin miqsaz lotlaz lex, ngvy kvjaz tay shuinz! Nuimshiq kuex vpiq rulc vdvmz httax tuinx wawwawx Yehowa muinz nuimshiq rulc vdvmz httax yaq. Nuimshiq rueq vpiq kuex thuiyx ruiux yuq, vpiq rueq muinz nuimshiq muex kvhumc kv-phuinx, yuq muinz nuimshiq rueq vpiq muex yix tvnungx shung kuq ruiux yuq, vpiq rueq nuimshiq kuex tvdux gay kv-phuinx.

EJRA 7:5

Bukki kuex Abishua saz, Abishua kuex Phineha saz, Phineha kuex Eleazar saz, Eleazar kuex Arun saz rvtueq.

Tvtsvmc 68:17

Taungjix kuex vhingc vmunc paung vtueq hungc vlaungc httax yaq vpiq nolaungx renc maq Sinai wawc vsawc baung nuex kaz yaq.

DUNGWVNC 25:8

Miq htenc rueq ngvy tvkoc vsawc tap kuex m-guirx wuez shueq, kvkhoc ngoz ruiux ngaz kuex tsuingshiq rulc httax taungx.

ISAIA 12:6

Zion nuex httax jix miq htenc kuex guyc sez vtueq mshix ngoyx wuez kueq! Israel muex vsawc Tishox kuex yunghvlc, vpiq kuex vpiq miqsaz hvlwvl nuex httax naungx yaq,” ngoz tueq shic ngoyc vkhing httuiuc wvnc yaq.

JEKERIA 8:23

Kvruex raungnuiyq htenc kvkaq pungnuk miqsaz miq rokshiz kuex Yuda miqsaz vshiz kox nuex kaz vtueq, ‘Tishox kuex nuimshiq rulc vdvmz httax yaq kuex nuiyshiq rueq tay tiq, nuiyshiq muinz nuimshiq rulc hvlx ruiux bac ruiux muinz vdvmz yaungc roc vshix,’” ngoz tueq ngoz shuex.

Matthew 1:23

Piq rueq, “Lawc shuiuz, kvruex yalxtux shauk nyuiuz kuex wvgvnz yaungx vtueq vsaz miqwaz saz jawx shuex, vpiq muingc kuex Immanuel ngoz tueq muingc shuex,” ngoz tueq. Kvruex vlvmz kuex, “Tishox kuex naungshiq rulc vdvmz httax yaq!” ngoc rvtueq.

1 Corinthians 14:25

Piq rueq tay wvnc tueq bomjungc htenc ningkhvnc nuex piq thuinz vmungx nuex phoc kuy rvhumc ruiux, piq rueq mungyumx maq dvnc yaq htenc kvkhic wvnc vtueq, “Vsuing Tishox kuex nuimshiq rulc vdvmz nuex vyuq httax yaq,” ngoz tueq kvjungc tuex.

JOSHUA 22:30

Shomc waz Phineha nuiyc shalx nyuip kox wawc miqphvnx vtaungx htenc wawc yuimx taungx walaungx yaungx yaq kung kuex shunshvlc jix miq waz rokshiz rueq Ruben, Gad nuiyc Shaldungc Manase phvnx hez rueq jungphvnx kuq yaq kuex tay vtueq tsuinghez thuinhvlx wuez tueq.

JOSHUA 22:32

Kvruex yimaq Phineha nuiyc vshunc vshvlc jix hez kuex Gilead mungx nuex httax yaq Ruben nuiyc Gad miqsaz htenc kox maq Kanaan mungx nuex yek waung wvnc vtueq, Israel miqsaz muex tvtay jungphvnx kuq wvnc tueq.

JOSHUA 3:10

Nuimhez kvtenc kaz wvnc ruiux yuq, vpiq rueq Kanaan, Hitti, Hiwi, Perizi, Girgashi, Amori, nuiyc Jebusi phvnx htenc kuex vsuing yurc gay shuex.