JOSHUA 22:24 - Hawa Naga Bible 2001

²⁴ Yix maq nuimshiq suiuz vsaz htenc rueq nuiyshiq suiuz vsaz hez muex, ‘Yehowa Israel Tishox muex nuimshiq rueq yvmx lac ruez kuq tuinx?’ ngoz tueq ngoz shuex kvmac hiz vtix khuec nuex vruex nuiyshiq rueq shuimx vshix.

ASII LAKDAP Bible (BSI)

²⁴ Riimak! Naishiq raq ara klokai arka, jai na miitu tiihai laita klokai. Rawiichii saüpat sepat na, namsaü namsetiim raq, naisaü naisetiim ma, ‘Namshiq raq Tatiwe Israilnok Shiikeawe rai riibomdam chang asi shea?

JOSHUA 22:24 Referencias Cruzadas

RAPHA HIQWA LAK 18:19

Piq kuex vsaz hez nuiyc vsuiuz vsaz htenc rueq ngvy kvjaz kuex tay phvnx vtueq vlvmx nuiyc tvrac vlvmz yauk shuimc shuimx shuex lvmz nuex piq rueq nvrc lvp tvkoc ngaz rueq piq kuex thvl wvnc tauk. Ekvkhoc tsuingshiq rueq tay phvnx ruiux yuq, ngvy bomkhvmc rulc rv-ngvlc piq rawc nuex phvnx ruip saz kuex ngaz rueq shuimx kuq shaungx,” ngoz tueq kvmungx tueq.

RAPHA HIQWA LAK 30:33

Yix vmax nuex ngaz tsuingrux vtaungx lvmz iguz mnoz rueq khiz tuiuz lvp shuiux. Iguz mnoz rueq ngaz muex yauk mauk ikhoc vkuq khelbuenx nuiyc khelkhix htenc kuex tvtsuingc lawc ruiux yuq, vwuiyq vhttax khelx nuiyc vshvmx vnyauk khelbuenx htenc maq lvy vtueq vganc khelbuenx nuiyc khelx kuex khiz ruiux yuq, kvruex vguiuq vruez ngoz tueq mnoz rueq tuiuz lvp shuiux,” ngoz tueq jungx tueq.

DUNGWVNC 13:14

Yimaq msaz rueq, yvmx ngoz tueq lac vkhoc ruez vshix ngoz tueq wiz ruiux yuq, mnoz rueq piq muex, ‘Yehowa luimc vkawc yunghvlc maq naungshiq kuex dax muex yaungx tiq Ejip mungx kvwawc tvdung shvlx wvnc phuex.

TRI CHONGKE 6:20

“Yix maq nuimshiq suiuz vsaz hez rueq nuimshiq muex ngoc, ‘Yehowa naungshiq Tishox rueq vruex tvrac htenc kuex yvmx ngoz tueq lac tv-phvnc yaq nguinx?’ ngoz tueq wiz ruiux yuq,

JOSHUA 22:23

Nuiyshiq rueq Yehowa lvmx phvnx miq maq wvr maq jauk shomc nawk kuy, vruiy vwungx maq shomc kuy nuiyc lux rvyaungc shomc kuy muex nuiyshiq tvkoc shomrawx kuex nuiyshiq rueq tvhungx guirx tiq ngoz ruiux lec, Yehowa rueq nuiyshiq muex murx mtvgurc kuq phueq.

JOSHUA 22:25

Vpiq rueq Ruben phvnx nuiyc Gad phvnx rvtuit nuimshiq nuiyc nuiyshiq kuex Yodan ruilx maq ruiy shec tueq. Yehowa rulc nuimshiq kuex yvmx muinz seng muq shex, ngoz tueq ngoz ruiux yuq nuimshiq suiuz vsaz hez rueq nuiyshiq suiuz vsaz hez muex Yehowa kuex tvnawk palx muq maq httaz tvkoc tuingshaung shuex kvmac hiz ningkhvnc nuex shomrawx kuex tvhungx vshix.

JOSHUA 4:6

Kvruex lung htenc kuex Yehowa rueq shuimx wvnc tueq phvnx kuex mungx miqsaz muex tvrvwvl yek shuex rvtueq. Yix maq nuimshiq saz tamx rueq, ‘Lungpoz htenc vruex vlvmz kuex yvmx khoc lac,’ ngoz rueq wiz ruiux yuq,