Biblia Todo Logo
La Biblia Online
- Anuncios -




JOSHUA 22:15 - Hawa Naga Bible 2001

15 Ruben, Gad nuiyc Shaldungc Manase phvnx htenc httax yaq Gilead mungx nuex httuiuc kaz vtueq,

Ver Capítulo Copiar

ASII LAKDAP Bible (BSI)

15 Raüta tsangshiq ka Gilead wang na, Reuben phan, Gad phan kiimaq Shedong nü na siti Manase phan phana riihum wato.

Ver Capítulo Copiar




JOSHUA 22:15
31 Referencias Cruzadas  

Joab rueq, “Yehowa rueq Israel miqsaz htenc kuex majuiuc tsuingshiq httax yaq htauk vyuq mvnz shashiz htauk nuex jvnc vtueq mtvpaung yek shueq! Taungjix hokhvmx waz lex, tsuingshiq lotlaz kuex mbomc nvrc juing hez jvnc rvtueq. Vruex yauk shuimc kuex mnoz rueq yvmx ngoz tueq shuimc roc lac nuiyc wvmungx tuimx kuex yvmx ngoz tueq tvbvruik lac?” ngoz tueq tvralc tueq.


Kvtanc jauz maq phaungc vtueq ghaqkhux kox mungtan wawc Israel miqsaz htenc rueq Dawid hokhvmx phvnx vmaq kuex khawx lvlx wuez tueq.


Piq rueq Yehowa muex khawx lvlx wvnc tueq maq raz tueq, Yerusalem nuex piq khawc lvlc muex dvnc koq tueq tvsuip nuex piq kuex Lakhish ghaq nuex yuz wvnc tueq, yuq muinz piq ralx hez rueq kvyuq yurc wvnc vtueq kvyuq thvt gay tueq.


piq muex tvwanc tueq. Tsuinghez rueq, “Uzia lex! Mnoz rueq Yehowa muex vhomc vtumc juiuz kuy vkhangx lvp muq. Arun suiuz vsaz hez wawc vsvt wvnc shomc waz bix rueq dvyx vkhoc yauk shuimc kuex shuimc tvkoc lekuy rvhumc yoalx hez rueq dvyx mvy yaq. Kvkhoc rvtueq vruex vsawc baung vmaq dung kaz wvnc kuiuz. Mnoz rueq Yehowa Tishox muex yaq gay toq ningkhvnc nuex vpiq ruimrix kejux kuex mkaq muinz lvp shuiux rvmuq,” ngoz tueq jungx tueq.


Tsuinghez rueq, “Vruex khoktep miqsaz htenc kuex vyuq nauk shvlx wvnc vkueq! Naungshiq rueq Yehowa muex yaq gay tiq naungshiq muex murx tvgurc shuex tanc khvnc vpiq thuinz tvkhaq vshix. Majuiuc muinz naungshiq mvrax tvtsuq yek juing phvnx shiz nuimshiq rueq shuimx roc vshuinx,” ngoz tueq ngoz kuq tueq.


Yehowa Israel Tishox lex, mnoz kuex tsuingrux waz rvtoq, yuq muinz nuiyshiq muex rullungx tvraungx kuq phux. Nuiyshiq kuex mhtumc nuex nuiyshiq mvrax kuex kvjungc vtix; nuiyshiq kuex mkhaungkac nuex httuiuc lot jix washiz muinz vguez.”


Yuda waz rulx rueq mungganc miqsaz lvmc ningkhvnc nuex Tishox vsawc miqsaz htenc kvmvlc kvtsawc yaungx wuez tueq. Walaungx bix nuiyc vyungx vlaungx bix htenc kuex jvnc vtueq yaq wuez tueq.


Tsuingshiq kuex khawc lvlc jix nuiyc tay phvnx muq jix htenc, Tishox muex tvluimc lvmx nuex mkaq muinz phaungx muq jix htenc nuiyc, vpiq nuex tvmtuing thuinz vguez, tsuingshiq jix vwaz tamx ikhoc yaungx tuex rvmuq shex.


Tsuingshiq kuex ngaz rueq nvr tauk lvmx kvwawc rv-phvlc wvnc wuez vtuex; tsuingshiq rueq kuimshawx tvyuimx vtueq vlauz manx yac kuex guirx tvhungx ruiux, kvruex mac shomc nawk kuy shomc kuq vtueq nawk palx wuez yaq. Tsuingshiq rueq ngoc vruex kuex Ejip mungx wawc naungshiq tvdungc shvlc lvy jix tishox rvtueq, ngoz tueq ngoz wuez yaq.


yuq muinz tsuingshiq rueq khawx lvlx vtueq vpiq vsawc siyac kuex tvyonz yex tueq. Kvkhoc rvtueq Yehowa rueq tsuingshiq kuex ralx muex tvyaungc vtueq khvt tueq.


“Yuq muinz nuimshiq suiuz vsaz htenc rueq tsuingshiq mvrax nuiyc jix vwaz mvrax htenc ngoz yaq ngaz muex khawx lvlx vtueq tvdux gay ruiux,


Kvruex kuex Yehowa muex piq yaq gay tueq mvrax laung nuex, mvrax kvdawc shomc kuy rvtueq.


Nuimhez kuex Amalek nuiyc Kanaan miqsaz htenc rulc rvlungc rvkhvt ruiux yuq, nuimhez thueyc tuinx; nuimhez rueq Yehowa kuex tuip gay tuit ningkhvnc nuex piq kuex nuimhez rulc vdvmz httax naungx kv-phuinx rvmuq,” ngoz tueq jungx tueq.


Ruben phvnx nuiyc Gad phvnx nuimshiq kuex Yehowa yix nuex majuiuc phvnx muit ngoz ruiux yuq, vpiq rueq vruex miq htenc lotlaz kuex yaruix tvnx nuex laukshiz hulawx tuip gay yek shuex, kvkaq bac wvnc tueq tsuingshiq tvkoc nuimshiq htauk nuex gurc kvdaungc wvnc tuex,” ngoz tueq tvralc tueq.


Israel miqsaz rueq phvnc juing kuex vkhoc rvtueq. Miq washiz shiz rueq vganc miq washiz muex wvlc guez waqguez guirguenz kuq vtueq Yehowa muex yaq gay ningkhvnc nuex,


Tsuingshiq kvjaz kvmuinz tay muq ngoz ruiux lec, kvruex lvmx lotlaz kuex phungc nuex tvtay shuiuz. Tvsuip nuex phungc miqsaz kvjaz muinz tay muq ngoz ruiux lec tvrac vguez miq nuiyc muinghic jix waz ikhoc lawx tvyaungc shuiuz.


Phunox bix lex, naungshiq Taungjix Yesu Christu muingc vrangx vpangx maq nuimshiq lotlaz kox wawc ngaz rueq thoz vphaungx, nuimshiq nuex rungx raz muit thuinz httax muit tvkoc nuimshiq rvbomc rv-nyamc lvmz nuex vrungx vraz maq httax wuez kuinz. Nuimshiq tvmaung thuinz vshiz, kvmungx lvmz vshiz maq rungx raz httax wuez kuinz.


Yuq muinz nvr yaq kvjaz kuex tay muit maq tvlvlc gay ruiux, vganc tishox htenc kuex nawk palx tvkoc ngoz tueq lvmx tvmawc wvnc ruiux kuex,


yvmx khoc lac ngoz ruiux lec kvkhoc ruez ruiux yuq, nuimshiq suiuz vsaz htenc rueq Yehowa kuex gay ruiux, vganc tishox htenc kuex nawk palx wvnc shuex. Kvkaq Yehowa thuinkhaq vtueq nuimshiq kuex lvmx lvy dvyx tvbac gay kv-phuinx.


Nuimshiq kuex bomjungc kuy jix waz kvjaz kuex tay muit tvdux gay jix muex nauk yaungx wuez kaz, honc lvmz shuinz. Ghaq htauk nuex honc vtharc jix waz bomjungc kuex tay muq tvdux gay jix htenc kuex mvrax murx wawc luenx lot tuex rvmuq, kvkhoc rvtueq nuimshiq kuex, raungmungx maq jungx yaq waz muex yix tvnungx shung kuq ix ngoz ruiux yuq, mvrax murx wawc naungshiq luenx juing lvmx vguez rvtueq!


Israel miqsaz htenc rueq kvruex thaungc kuex tay vtueq shaldungc kox wawc miqphvnx htenc kuex khvt kay muex ngoz tueq mungx miqsaz phungc kuex Shilo ghaq nuex rvtuimx kaz wuez tueq.


Phineha rulc vdvmz shalx nyuip kox miqphvnx htenc wawc washiz phok, vtaungx htenc yuimx kac tek wawc vkhux yaungc jix hez rulc vdvmz walaungx rokshiz kuex kaz wvnc naungx tueq.


Yehowa miqsaz daungx lotlaz laung tsuinghez rueq tsuingshiq muex jungx tueq kuex, “Nuimhez rueq yvmx ngoz tueq lac Israel Tishox muex vkhoc layx vbac yauk shuimc khawx lvlx vshuinx? Nuimhez tvkoc vruex shomrawx kuex tvhungx vtueq Yehowa muex khawx lvlx wuez vshuinx! Nuimhez rueq vpiq yix nuex raungluingx muinz phvnx muit nyix!


Majuiuc muinz vpiq kuex tvlvlc yek shuinx haz? Nuimshiq rueq majuiuc raungnuiyq dvyx Yehowa muex khawx ruiux yuq, invp raungnuiyq Israel miqsaz pumz tek muex vpiq thuinkhaq tuex.


Vpiq muex khawc lvlc lvmz kuex ngvmc khic kvpumz yaq ikhoc vbac rvtueq, laungc tsvnc lvmz muinz yac yuimx muex nawk htungx vlayx ikhoc mvrax lvp yaq. Yehowa rueq nvr yaq kvjaz kuex mnoz rueq tvlvlc toq ningkhvnc nuex vpiq rueq mnoz kuex hokhvmx wawc tvdux gay kv-phux shex,” ngoz tueq jungx tueq.


Síguenos en:

Anuncios


Anuncios


¡Síguenos en WhatsApp! Síguenos