JOSHUA 2:24 - Hawa Naga Bible 2001

²⁴ “Vsuingc suing Yehowa rueq naungshiq muex kvruex mungx wvmungx tuimx kuex kuq phuex shex. Mungx miqsaz lotlaz naungshiq muex hisungx wuez yaq,” ngoz tueq jungx tueq.

ASII LAKDAP Bible (BSI)

²⁴ Kiimaq tsangnai raq akha nguto, “Tengto, Tatiwe raq nashiq ma armung arka kiinong kuqto she. Kiijaq siti mungmaiqse ka, nashiqnok ma haima, phiip raq atsai sitlo.”

JOSHUA 2:24 Referencias Cruzadas

DUNGWVNC 15:15

Edom mungx wawc walaungx bix kuex kvkhuirc hisungx wuez tueq; Moba mungx wawc hungc vlaungc vhttax jix htenc kuex kvkhuirc wuez yaq; Kanaan miqsaz kuex thuinz bac vtueq nulx wuez yaq.

DUNGWVNC 23:31

Ngaz rueq nuimshiq ghaq vraungx ghaqruiy kuex Yuix Shawx Jumx maq Svmuktvrax Mediteranean nuex httuiuc laz, kumtsvy tvnx maq Euphrat Ruilx nuex httuiuc laz kuq phaungx. Kvruex mungx wawc miq htenc kuex ngaz rueq nuimshiq muex kuq phaungx luimc vkawc maq tsuingshiq kuex yurc gay shuinx.

TAKSU LAK 25:13

Raungkawc hvlc tsvmz yut jauz nuex vkuiyq tix rueq gvnz tvruip yaq ikhoc, vkvmx juing kamx waz kuex piq nvrc jix waz tvkoc hungc vlaungc tvlvp yaq.

JOSHUA 1:8

Nuimshiq rueq nawk palx ruiux yuq Tvrac luik dvp vruex mkaq muinz wvllawc rax. Kvruex luik dvp kuex raungnuiyq raungwvrx wvllawc vtueq, kvyuq wuiyq shec tueq phvnx ruip kuex mnoz rueq vsuingc suing phvnc rax tuex. Kvkhoc ngoz ruiux yuq jix mnoz kuex lot laungc yungx luz wvnc tuiux.

JOSHUA 2:23

Kvruex yimaq sisunx jix wanueyc kuex kanx maq svt kaz ruiux yuix kuex yanz wvnc vtueq Yoshua kox nuex httuiuc woz yek tueq. Tsuingnueyc rueq yaungx wvnc tueq lvmx htenc kuex piq muex jungphvnx vtueq,

JOSHUA 5:1

Israel miqsaz rueq Yodan ruilx yanc wvnc lot nuex httuiuc laz Yehowa rueq Yodan ruilx tvruic gay tueq lvmz, Yodan ruilx maq shalx nyuip kox nuex httax yaq Amori hokhvmx bix lotlaz nuiyc Svmuktvrax Mediteranean kawx nuex httax yaq Kanaan hokhvmx bix lotlaz rueq tay lvp wuez tueq. Israel miqsaz ningkhvnc nuex tsuingshiq kuex hiyaz kawc yawc wvnc wuez vtueq thuinbac thuinz htumx wuez tueq.

JOSHUA 6:2

Yehowa rueq Yoshua muex ngoc, “Ngaz rueq Yerikho ghaq nuiyc kvruex wawc hokhvmx waz tauk, hungc vlaungc httaz hvlc nolaungx bix lotlaz kuex m-yauk nuex lekuq phaungx.

JOSHUA 8:1

Yehowa rueq Yoshua muex ngoc, “Mnoz rulc vdvmz nuex nolaungx bix lotlaz kuex shvlx wvnc vtueq Ai ghaq nuex duiz wvnc kuiuz. Nauk hiz kaz, thuinz nauk tvbac kaz. Ngaz rueq Ai hokhvmx waz nuiyc piq miqsaz htenc; ghaqyungx nuiyc piq ghaq vraungx kuex mnoz muex kuq phaungx.

PHOWEBI 1:2

Yehowa rueq, “Yuda phvnx kuex vphaungc nuex kay juing rvtueq. Ngaz rueq tsuingshiq muex kvruex mungx kuex tvguimz lawc tvkoc kuq shaungx,” ngoz tueq jungx tueq.

PHOWEBI 18:10

Nuimshiq kvyuq httuiuc kaz ruiux yuq, phvnshiz raung muex doc muinz kvmx muq thuinz vguez miq htenc kuex nuimshiq rueq khiz kaz tuinx. Kvruex mungx kuex ghaq yunghvlc rvtueq, miq washiz piq rueq vlvp vloay roc phvnx ruip saz kuex lvp mvy yaq ghaq vraungx rvtueq. Tishox rueq kvruex ghaq vraungx kuex nuimshiq muex kuq kv-phuinx rvtueq,” ngoz tueq tvralc kuq tueq.

PHOWEBI 7:9

Kvruex raungwvrx Yehowa rueq Gideon muex ngoc, “Kvtenc kaz kuiuz ralx jerak kuex khvt kaz kuiuz; ngaz rueq mnoz muex tvtaungx gay phaungx.