JOSHUA 18:8 - Hawa Naga Bible 2001

⁸ Yoshua rueq tsuinghez muex vkhoc jungx tvkhic tueq: “Wvmungx tuimx kvyuq khuemx kaz vtueq ghaqphux dvmx (mep) kuex tvhungx ruiux ngaz kox nuex yek waung luit. Kvkaq ngaz rueq vruex Shilo ghaq vmaq hangchac maq thvl ruiux, nuimshiq tvkoc Yehowa rulc ngaz rvjungc phaungx.” Kvkhoc jungc kuy jix tsuinghez muinz ghaqphux dvmx (mep) tvhungx kay kaz wvnc wuez tueq.

ASII LAKDAP Bible (BSI)

⁸ Joshua raq tsangshiq ma bom ka akha chongke jai, kra maiqwetiim ka bin ajü hot wa she wawanto, “Namshiq ka warong laq. Lanta kra bin ajü thun ka samheawiq hotwa rongkiq. Lanta ana ngi phana jangki rongkiq. Kra riihanla, ngi raq Shilo maq langlii lata namshiq miitu, Tatiwe ma miwaiha.”

JOSHUA 18:8 Referencias Cruzadas

RAPHA HIQWA LAK 13:17

Majuiuc mnoz kvtenc vtueq ghaq vraungx htenc kuex tvroz lawc shuiuz, yvmx khoc lac ngoz ruiux lec mnoz rueq khiz vshuiux lotlaz kuex ngaz rueq kuq phaungx,” ngoz tueq jungx tueq.

ISAIA 34:17

Kvruex ngvmx saz ruip rawx muex ghaq htauk vyuq ghaq vraungx htvp htaz phvlc kuy jix kuex Yehowa rvtueq. Tsuingshiq kuex patshiz maq patshiz kvruex ghaq vraungx kvyuq httax tuex, tsuingshiq rueq kvruex pattup guimz wvnc shuex.

Romans 14:19

Kvkhoc rvtueq naungshiq vdvmz dvmz nomic lvmx tvyaungc kuq yaq phvnx htenc nuiyc vshiz maq vshiz siyac hungc vlaungc tvlvp yaq phvnx htenc kuex mkaq muinz hunglaungx shuimc kay juing rvtueq.

JOSHUA 13:7

Kvkhoc rvtueq majuiuc mnoz rueq miqphvnx tvkuiuz nuiyc Manase phvnx kholak rueq kvruex hong htenc kuex guimz wvnc tvkoc phvlx kuq shuiuz,” ngoz tueq jungx tueq.

JOSHUA 15:1

Yuda phvnx wawc vtaungx htenc rueq vlvp ghaqphux kuex vkhoc rvtueq: Ghaqyaz kox nuex Edom mungx ghaqruiy rulc rvnvp shauk rvtueq Zin ghaqshanx tvnx tvsuip nuex httuiuc laz rvtueq.

JOSHUA 18:1

Tsuinghez rueq wvmungx tuimx khvt gay lot tueq yix maq Israel miqsaz kuex Shilo ghaq nuex rvtuimx kaz vtueq Yehowa httax yaq Tap kuex guirx tueq.

JOSHUA 18:10

Yoshua rueq tsuingshiq tvkoc Yehowa rulc rvjungc vtueq hangchac maq thvl ruiux kvjungx yaq Israel phvnx htenc vshiz maq vshiz tvkoc ghaq kuex phvlx kuq tueq.

JOSHUA 18:6

Ghaq mvnz mvshix nuex vphvlx luik kuex ngvy kox nuex lvmc wvnc rax. Kvruex yimaq ngaz rueq Yehowa naungshiq Tishox thuinroc yaungc tvkoc hangchac maq thvl kuq phaungx.

JOSHUA 18:9

Kvkhoc rvtueq tsuinghez kuex wvmungx tuimx nuex khuemx kaz vtueq miqghaq muingc htenc kuex tvhungx ruiux, mvnz mvshix nuex phvlx vtueq luik nuex wuiyq tvtsuingc ruiux, Shilo jerak nuex httax yaq Yoshua kox nuex yek waung tueq.

1 SAMUEL 14:41

Sholu rueq Yehowa Israel Tishox muex ngoc, “Yehowa lex, yvmx ngoz tueq lac majuiuc raungnuiyq ngaz muex tvyez jungx kuq muq? Yehowa Israel Tishox lex, vsawc lung htenc vmaq ngaz muex tvralc kuq koq. Yonathan nuex rvmuq ngoz ruiux ngvy htauk nuex mvrax httax ruiux kuex Urim nuex mhungx kueq; mmiqsaz Israel htauk nuex mvrax httax ruiux kuex Thummim nuex mhungx kueq,” ngoz tueq jungx tueq. Kvkaq Sholu nuiyc Yonathan nuex mvrax tvkhic koq tueq; miq htenc kuex vsawc yaungx wuez tueq.