JOSHUA 18:16 - Hawa Naga Bible 2001

¹⁶ Kvmaq raz tueq Rephaim Warc tvnx maq ghaqkhux kox tvsuip nuex httax yaq Hinnom Warc tvnx kvkhic yaq kanx yaz maq kvrep kaz wvnc vtueq, ghaqyaz kox Hinnom Warc tvnx maq yanz ruiux Enrogel nuex svt kaz yaq Jebusi miqsaz httax yaq kuz maq ghaqyaz kox nuex httuiuc laz rvtueq.

ASII LAKDAP Bible (BSI)

¹⁶ Kriimiishe hiqrai ka Pumji nünü kiiniishe sathoto. Raüta Rephaim rai wii mong na Hinnom hiqwii kra phaho chang ba kriijiishe tiisaü hoto. Kriimiishe hali ka Hinnom wii kra phanphan she shemai nünü kiina raiho raüta, Jebusaiqnok kinse maq hiqmai nü na kinlase kriijaq raihoto. Raüta kriimiika Enrogel khamrai se kiinii she raihoto.

JOSHUA 18:16 Referencias Cruzadas

2 SAMUEL 17:17

Zadok saz Yonathan nuiyc Abiatha saz Ahimaza kuex miq rueq khiz khiq ngoz tueq ghaqyungx nuex nyuip woz muq maq, Yerusalem ghaq hep wawc Enrogel yuix ruilx maq dvyx bvmc tueq. Kvkaq nvrc nyuiuz vshiz kuex kaz ruiux raz tueq yaungx wvnc yaq lvmz tsuingnueyc muex jungphvnx kuq vtueq, tsuingnueyc rueq Hokhvmx Dawid muex jungx tvtay kaz tueq.

2 SAMUEL 5:18

Philistin miqsaz htenc muinz Rephaim Warc tvnx nuex httuiuc vtueq, kvruex guimz lvp wvnc tueq.

1 HOKHVMX 1:9

Raungnuiyq shiz Adoniya rueq khelbuenx, manx htenc nuiyc vgvnz vnyel manx saz htenc maq Enrogel yuix saz ruilx hep wawc Puiuc Lung rauk nuex shomc nawk kuy shomc kuq tueq. Piq rueq shomc nawk kuy moalx kvyuq kay tvkoc Hokhvmx Dawid sahez htenc nuiyc Yuda mungx wawc vkaz hokhvmx waz miq vyungx vlaungx bix htenc kuex gvl tueq,

2 HOKHVMX 23:10

Hokhvmx Josia rueq uraq muinz Molek tishox tvkoc miqmac saz miqwaz, yalxjuik sahez kuex wvr maq jauk shomc kuy shomc nawk kuq muq laz juing, Hinnom Warc tvnx wawc Tophet ngoz yaq yac yuimx nawk palx juing baung kuex tvshuy shac gay tueq.

1 KAÜWA WERAÜ 14:9

Philistin miqsaz kuex Rephaim Warc tvnx nuex httuiuc kaz vtueq khvt nyvlc wvnc phaungc tueq.

2 KAÜWA WERAÜ 28:3

Israel miqsaz htenc kvtenc woz wvnc tueq nuex, mungtan mungx wawc Yehowa rueq yurc gay tueq miq htenc miqsuirc vsac honc vyaungc kuex phvnx ruiux, Hinnom Warc nuex vhomc vtumc phvnx htenc jauk vtueq vsaz miqwaz sahez kuex yac yuimx htenc muex shomc nawk kuy wvr maq jauk shomc kuq tueq.

2 KAÜWA WERAÜ 33:6

Piq rueq vsaz miqwaz sahez kuex Hinnom Warc nuex wvr maq jauk shomc kuy juing muex tvyaungc vtueq shomc nawk kuq tueq. Piq rueq luinglawc yauk shuimc nuiyc muik tv-phelc yauk shuimc htenc kuex shuimx vtueq yauk ruiy lawc jix nuiyc htaungc kvpumz jix hez muex wisoz thoz tueq. Piq rueq Yehowa muex pinhtumc mvrax yaq vtueq thuinz tvkhaq tueq.

ISAIA 30:33

Mvnnuex pat nuex phuex Asiria honoc waz kuex juiuz gay tvkoc wvrkez yunghvlc baungshiz nuex tvhungx shec tueq. Kvruex kuex vkhurx thuiuz hvlc nuiyc yunghvlc rvtueq, kvyuq janx htenc maq tvjoz phungc shec tueq. Yehowa rueq kvyuq wvr tvsauz tvkoc wvrluic tuz muy htawc gay shuex.

JEREMIA 19:11

Tvphaungc Tvsuip Yehowa rueq, “Gvmtuik kuex tvhvlc yek mvy muq bunx kaz tueq ikhoc vruex ghaqyungx wawc miq htenc nuiyc vruex ghaqyungx kuex tvbunx gay shaungx. Tsuingshiq maungx htenc kuex vluip juing baung vguez ningkhvnc nuex miq htenc rueq tsuingshiq maungx kuex Tophet nuex muinz luip shuex.

JEREMIA 19:2

Tuik bunx Palx Kaluix maq yanz ruiux Hinnom Warc nuex kay tvkoc jungx phuex. Kvruex yuq ngaz rueq jungc juing bomjungc kuex piq rueq ngaz muex kuq phuex.

JEREMIA 19:6

Kvkhoc rvtueq, vruex baung kuex Tophet, rvmuq ngoz ruiux Hinnom Warc ngoz tueq mkaq muinz muingc shuex rvmuq, kvkhoc ngoc tvraung, Miq Thvy Warc ngoz tueq muingc vkhing httuiuc wvnc tuex.

JEREMIA 32:35

Tsuingshiq rueq miqmac saz miqwaz saz nuiyc yalxjuik sahez kuex Molek tishox muex shomc nawk kuy muex ngoz tueq, Hinnom Warc nuex Bala tvy tvkoc shomrawx kuex guirx tueq. Vkhoc shuimc tvkoc ngaz rueq nvr mauk doc, tsuingshiq rueq Yuda miqsaz mvrax yaq tvkoc kvkhoc shunshvlx shuex ngoz tueq ngaz rueq tvmaung mauk doc,” ngoz tueq jungx tueq.

JOSHUA 15:63

Yuda miqsaz rueq Yerusalem nuex httax yaq Jebusi miqsaz kuex yurc gay lot muq rvtueq, tsuingshiq kuex Yuda miqsaz rulc vdvmz httax yaq dvyx doc.

JOSHUA 18:28

Zela, Haelepha, Jebusi (rvmuq ngoz ruiux Yerusalem), Gibea nuiyc Kiriat Jearim: ghaqyungx 14 nuiyc kvruex tvroz wawc miqghaq htenc muinz lomx tueq. Ghaq vruex kuex Benjamin phvnx wawc vtaungx htenc rueq guimz yaq ghaq rvtueq.

PHOWEBI 1:21

Yuq muinz Benjamin phvnx rueq Yerusalem nuex httax yaq Jebusi miqsaz kuex yurc gay muq doc rvtueq, Jebusi miqsaz kuex majuiuc nuex httuiuc laz Benjamin miqsaz rulc vdvmz kvyuq httax wuez tueq.

PHOWEBI 1:8

Yuda phvnx rueq Yerusalem ghaq kuex khvt vtueq taungx lvp wvnc tueq. Tsuinghez rueq mungx miqsaz htenc kuex thvt gay ruiux ghaqyungx kuex wvr maq jauk gay tueq.

PHOWEBI 19:10

Yuq muinz kvruex waz kuex kvyuq guilc roc muq shex ningkhvnc nuex piq nuiyc vtaungx nyuiuz ruinx rulc vdvmz tsuingnueyc nvrc waz rueq tauk loze vnueyc nuex kamramz tvdaungc ruiux waung phaungc wvnc tueq. Tsuinghez kuex Jebusi ghaq hep (kvruex kuex Yerusalem) nuex httuiuc wvnc koq tueq raungyac shex rvtueq, piq nvrc waz rueq vjiyungx waz muex ngoc, “Vruex Jebusi miqsaz ghaqyungx vyuq raungwvrx tvlvy shec ix,” ngoz tueq jungx tueq.