JOSHUA 17:14 - Hawa Naga Bible 2001

¹⁴ Yosep suiuz vsaz hez rueq Yoshua muex ngoc, “Yehowa rueq nuiyshiq muex ruimrix kejux kuy ningkhvnc nuex nuiyshiq paunghvlc shex paung vtix. Mnoz rueq yvmx ngoz tueq lac nuiyshiq muex ghaqphux phvlc shiz dvyx kuq phux?” ngoz tueq wiz tueq.

ASII LAKDAP Bible (BSI)

¹⁴ Joseph saüse phan ka Joshua ma chongto, “Ümniiraq naishiq ma hiqshong ka bashili jam nguto chumkuq laü? Naishiq ka maiq pahea. Jamkhano ngukla Tatiwe raq naishiq ka tere rü atang pahea tiipu kuq wanto.”

JOSHUA 17:14 Referencias Cruzadas

RAPHA HIQWA LAK 48:19

Yuq muinz vwaz rueq tvlvlc vtueq, “Isaz lex, ngaz rueq tuiuz yaq. Manase suiuz vsaz phvnx muinz miqphvnx vyungx muex yaungx tuex. Yuq muinz vnox kuex piq htauk nuex vyungx vluz yaungx tuex ningkhvnc nuex piq suiuz vsaz phvnx kuex miqphvnx yunghvlc muex yaungx wvnc tuex,” ngoz tueq jungx tueq.

RAPHA HIQWA LAK 48:20

Kvkhoc rvtueq Yaku rueq, “Israel miqsaz rueq ruimruimx kuq shuex nuex nuimnueyc muingc kuex ruingc vtueq, ‘Ephraim nuiyc Manase ikhoc mnoz kuex Tishox rueq tvyungx luz vtueq, mromc lawc kuq kv-phux,’ ngoz tueq ngoz wuez shuex,” ngoz tueq kvruex raungnuiyq nox nueyc kvmac ruimruimx kuq tueq. Ekvkhoc maq raz tueq Yaku rueq Ephraim muingc kuex max nuex taq ruiux Manase muingc kuex yix nuex rvtueq.

RAPHA HIQWA LAK 48:22

Ngaz rueq yaung nuiyc laq maq Amori miqsaz yauk wawc vlvp wvnc ghaqbur hvlc Shekhem hong kuex mphuz mnox hez muex ngaz rueq kuq mauk, mnoz muex dvyx kuq vphaungx,” ngoz tueq jungx tueq.

WEAWEA 26:54

Miq vpaung jix muex kuex ghaqphux vyungx, miq vthvp jix muex kuex ghaqphux vruinx raz tueq, hangchac maq tvthvl shuiuz,” ngoz tueq jungx tueq.

WEAWEA 36:12

Tsuinghez kuex Yosep saz Manase phvnx wawc vtaungx hez muex waungc wuez ningkhvnc nuex, tsuingshiq tsak jungx lvp taq tueq ghaqphux kuex vwaz phvnx nuex dvyx tvhttoarc vtueq httax yaq.

JOSHUA 16:4

Yosep suiuz vsaz hez Ephraim phvnx nuiyc shalx nyuip Manase phvnx rueq lvp tueq mungx kuex vruex rvtueq.

JOSHUA 17:15

Yoshua rueq, “Nuimshiq miq paunghvlc ningkhvnc nuex Ephraim muex vkuq kuz ghaq hong kuex vruinx yuq lec Perizi nuiyc Rephaim miqsaz httax yaq luingx htenc kuex shamc vtueq httax kuinz,” ngoz tueq jungx tueq.