JOSHUA 14:6 - Hawa Naga Bible 2001

⁶ Raungnuiyq shiz Yuda phvnx wawc wvyvmc kuex Gilgal ghaq nuex httax yaq Yoshua kox nuex kaz tueq. Tsuinghez kvwawc Kenizi miqsaz Jephunne saz Kaleb rueq piq muex ngoc, “Yehowa rueq Kadesh Barnea maq mnoz nuiyc ngaz nuex seng yaq lvmz kuex Tishox miq Moshe rueq mkhoc lac jungx tvnx mnoz rueq tuiuz yaq.

ASII LAKDAP Bible (BSI)

⁶ Ranaiqshi Juda phan wa, maiq wiijamti ka Joshua phana wato. Kra phong wa weshi ka Kelib. Apaiq ka Jephunne se Kennijaiq ta wa. Kelib raq Joshua ma, “Tatiwe raq apaiq jaqshise Mosheq ma Kadesh Barnea chela maq nanai miitu jamlai bom wa chongkuqtaq irka, ümniiraq asap haü.

JOSHUA 14:6 Referencias Cruzadas

1 HOKHVMX 13:1

Yuda mungx wawc shvmmax washiz kuex Yehowa rueq nvr tueq rulc rv-ngvlc Bethel ghaq nuex kaz koq tueq shomc nawk juing shomc kuy tvkoc shomrawx nuex Jeroboam jvp yaq baunglaung httuiuc kaz tueq.

1 HOKHVMX 13:14

kvkaq vpiq ngaungc vtueq Yuda shvmmax waz yix nuex yurc laq tueq. Khauk rauk jungx yaz nuex ngaungc yaq kuex lauz laq vtueq, “Mnoz kuex Yuda mungx wawc shvmmax waz haz rvtonx?” ngoz tueq wiz tueq. Kvruex waz rueq muinz, “Quex ngaz rvtauk,” ngoz tueq tvralc tueq.

2 HOKHVMX 4:16

Elisha rueq piq muex ngoc, “Raungwawx vtanc jauz m-yauk nuex miqwaz saz vshiz pvmx shuiux,” ngoz tueq jungx tueq. Yalxjuik nyuiuz rueq, “O! Jiyungx waz lex, kejux maq ngaz muex nauk rot kaq vkueq. Mnoz kuex Tishox miq washiz rvtoq!” ngoz tueq jungx tueq.

2 HOKHVMX 4:42

Laukshiz hulawx miq washiz kuex Bala Shalisha maq waung vtueq, kvruex raungwawc tsvmz kvlox nyensaz wanx poz rok nueyc nuiyc pulx thuey waqthuimx vphaungc vmuinx wvyvmc kuex Elisha muex lvmz kuq laq tueq. Elisha rueq shvmmax waz hez muex kuy phuiuz tvkoc piq nvrc waz muex jungx tueq,

2 HOKHVMX 4:9

Kvruex nyuiuz rueq vtaungx waz muex ngoc, “Vyuq kaz yaq waz kuex vsawc miq washiz rvtueq ngaz rueq helc tuiuz vshaungx.

2 HOKHVMX 8:11

Kvruex yimaq Elisha rueq Hazael rvwvlc tvmaung wvnc tuex nuex httuiuc laz, piq htvlx phawc kawc yawc juing shvmx maq lawc shec tueq. Elisha muinz huingc rvhek maq dvyx vmuik phic svrc tueq.

2 HOKHVMX 8:7

Siria Hokhvmx Benhadad vthuiuz baunglaung Elisha kuex Damasku ghaq nuex httuiuc kaz tueq. Kvruex yuq Elisha vhttax thaungc kuex hokhvmx waz muex tvtay jungx koq tueq,

1 KAÜWA WERAÜ 23:14

Yuq muinz Tishox miq Moshe, piq sahez kuex Lewi miqsaz nuex lomx yaq.)

Tvtsvmc 90:1

O Yehowa lex, mnoz kuex nuiyshiq mkaq muinz httaz juing yuimx rvtoq.

JEREMIA 35:4

Shomc Yuimx mungx nuex shvlx wvnc tauk. Egadalia saz shvmmax Hanan sangac hez khok nuex tsuinghez kuex shvlx wvnc tauk. Kvruex khok kuex Shomc Yuimx mungx wawc vkhek pinhtumc vyungx vlaungx Shallum saz Maseia khok raungx htauk nuex httax yaq vganc vyungx vlaungx bix khok htenc rulc muinz vnyek baung nuex rvtueq.

WEAWEA 13:26

Moshe, Arun nuiyc Israel miqsaz htenc kuex Paran yaruix tvnx nuex httax yaq Kadesh kvyuq yek waung tueq. Tsuinghez rueq kvruex mungx nuex khiz kaz tueq htenc kuex tvtay jungphvnx vtueq, tsuinghez rueq vlvmz wvnc pulx thuey waqthuimx htenc kuex tvkhic tueq.

WEAWEA 13:30

Yuq muinz Kaleb rueq Moshe khaungkac nuex kvbot nyvnx yaq jix hez kvmac ngoc, “Naungshiq rueq kvruex mungx kuex majuiuc dvyx khvt kaz vtueq lvp kaz ix; naunghez rueq kvruex mungx kuex khvt taungx lot juing hungc vlaungc vhttax,” ngoz tueq jungx koq tueq miq htenc kuex tvsuingx gay tueq.

WEAWEA 14:24

Yuq muinz ngvy nvrc waz Kaleb kuex vganc jix miq rulc rv-ngvlc muq httax vtueq, ngvy kvjaz kuex poshiz muinz tvlvlc muq maq phvnc jix waz ningkhvnc nuex piq rueq sisunx kaz tueq mungx kvyuq ngaz rueq piq kuex shvlx shaungx, piq suiuz vsaz htenc muinz kvruex mungx kvyuq nyuip lvp tuex,

WEAWEA 14:30

Nuimshiq kuex tvhttax phaungx ngoz tueq bomkhvmc vtaq mungx kvyuq Kaleb nuiyc Yoshua maq lvy vtueq ukhaq muinz nyuip lvp muit.

WEAWEA 14:6

Kanaan mungx kuex sisunx kay jix hez wawc Nun saz Yoshua nuiyc Jephunne saz Kaleb kuex thuinbac vtueq miqmac khoz vkhvy kuex juir gay ruiux,

WEAWEA 26:65

Kvruex hez htenc kuex yaruix tvnx nuex thueyc wvnc wuez tuex ngoz tueq Yehowa rueq jungx tueq rulc rv-ngvlc Jephunne saz Kaleb nuiyc Nun saz Yoshua maq lvy vtueq kvjungx yaq lotlaz kuex thueyc kaz tueq.

WEAWEA 32:12

Ekvkhoc murx tvgurc rvhumc tueq kvyuq Kenizi taungx wawc Jephunne saz Galeb nuiyc Nun saz Yoshua kuex lomx muq; tsuingnueyc kuex Yehowa lvmx rvkhauk laz phvnc jix rvtueq.

TRI CHONGKE 33:1

Tishox miq Moshe kuex max thueyc kaz nuex Israel miqsaz muex vkhoc ruimruimx kuq shec tueq.

TRI CHONGKE 34:10

Yehowa rulc htvlx rvhumc kvjak lvp jix Moshe ikhoc shvmmax kuex Israel miqsaz nuex mkaq muinz httax muq doc.

TRI CHONGKE 34:5

Kvkhoc rvtueq Yehowa rueq jungx tueq rulc rv-ngvlc Yehowa nvrc waz Moshe kuex Moba mungx nuex thueyc kaz tueq.

1 Timothy 6:11

Yuq muinz mnoz kuex Tishox miq rvtoq, kvruex phvnx lotlaz kuex koayc gay shuiuz. Vtsuing vrux lvmz, kvmluimx lvmz, lungwawc lvmz, vnanx lvmz, nuiyc thuinz vnyenz htenc kuex lvp laz juing hunglaungx kuiuz.

2 Timothy 3:17

Tishox yauk shuimc gurc pic jix waz kuex vhvlx phvnx yauk shuimc phvnx ruip saz kuex shuimc kay tvkoc vthenc vtuiuz mvrc vtueq shuimc rax marrarc htenc kuex khauk tvyaolc tvy jix waz rvtueq.

JOSHUA 10:43

Kvruex yimaq Yoshua nuiyc piq nolaungx bix htenc kuex Gilgal nuex yek waung wuez tueq.

JOSHUA 14:14

Kenizi phvnx Jephunne saz Kaleb rueq Yehowa Israel Tishox rueq nvr yaq kuex tvkhvlc muq tvmtuing maq phvnc ningkhvnc nuex piq phvnx vmaq kuex Hebron ghaqyungx nuex httax hvt dvyx doc.

JOSHUA 15:17

Kaleb nox Kenaza saz Othniel rueq kvruex ghaq kuex khvt taungx gay koq tueq, vsaz Aksa kuex lvmz kuq tueq.

JOSHUA 4:19

Miq htenc rueq vphaungc yapix raungx rokshiz raungnuiyq Yodan ruilx kuex yanz wvnc vtueq, Yerikho ghaq maq shaldungc kox Gilgal hong nuex jerak tec tueq.