JOSHUA 12:6 - Hawa Naga Bible 2001

⁶ Kvruex hokhvmx waz nueyc kuex Moshe nuiyc Israel miqsaz rueq khvt taungx gay tueq. Yehowa nvrc waz Moshe rueq kvruex hong htenc kuex Ruben phvnx, Gad phvnx nuiyc Manase phvnx kholak muex kuy tvlanc kuq shec tueq.

ASII LAKDAP Bible (BSI)

⁶ Ara hokham wenai arka Mosheq wokhong maq Israilnok raq khat raüta tangto. Tatiwe jaqshise Mosheq raq Reuben phan nai Gad phan, kiimaq Manase phan wa khoko ma, tsangshiq rii she nguta hiq ka chumkuqto.

JOSHUA 12:6 Referencias Cruzadas

1 HOKHVMX 4:19

Uri saz Geber rueq: Amori Hokhvmx Sihon nuiyc Bashan Hokhvmx Oga rueq guimz wvnc tueq Gilead ghaq hong Mungx walaungx rokshiz rac wanueyc maq lvy vtueq, wvmungx tuimx guimz lawc jix mungx walaungx vshiz httax yek yaq.

WEAWEA 32:29

“Gad phvnx nuiyc Ruben phvnx kuex Yehowa rueq nvr tueq rulc rv-ngvlc Yodan ruilx kuex yanz vtueq ralx khvt ruiux yuq muinz, nuimshiq kuex tsuingshiq rueq romc kuy ningkhvnc nuex kvruex mungx kuex lvp wvnc ruiux yuq muinz, Gilead mungx kuex tsuingshiq muex kuq gay shuinz.

WEAWEA 32:32

Nuiyshiq rueq Yodan ruilx maq shaldungc kox mungx kuex lvp tvkoc Yehowa rueq shunshvlx yaq kuex phvnx vtueq, Kanaan mungx kox nuex rvp wvnc vtueq ralx kuex khvt shix,” ngoz tueq tvralc tueq.

WEAWEA 32:33

Kvkhoc rvtueq Moshe rueq Amori Hokhvmx waz Sihon nuiyc Bashan Hokhvmx waz Oga rueq guimz yaq ghaqphux htenc maq raz tueq, tvroz nuex httax yaq miqghaq htenc kuex Gad phvnx, Ruben phvnx nuiyc Manase phvnx muex htvp htaz kuq tueq.

JOSHUA 14:3

Moshe rueq Yodan ruilx maq shaldungc kox mungx kuex vphvnx vnueyc rac vphvnx kholak muex phvlx kuq shec tueq. (Yosep suiuz vsaz htenc kuex Manase phvnx nuiyc Ephraim phvnx ngoz tueq vnueyc muex tv-phvlc shec tueq.) Moshe rueq Lewi phvnx muex ghaqphux phvlx kuq muq doc. Yuq muinz tsuingshiq httaz juing ghaqyungx htenc nuiyc suiux vngac kung htenc remc juing ghaq kuex lvp taq tueq.

JOSHUA 18:7

Yuq muinz Lewi miqsaz kuex ghaqphux phvlc nuimshiq rueq ikhoc lvp shuex rvmuq, yvmx khoc lac ngoz ruiux lec tsuingshiq mvnjuz phvlc kuex Yehowa shomc waz muex yaungx vtueq nawk palx yauk shuimc kuex gurx pix wuez tueq. Yehowa nvrc waz Moshe rueq phvlx kuq shec tueq rulc rv-ngvlc Yodan ruilx maq shaldungc kox mungx kuex Gad, Ruben nuiyc shaldungc Manase phvnx htenc rueq lvp wuez tueq shex,” ngoz tueq jungx tueq.

JOSHUA 22:4

Majuiuc kuex vpiq rueq bomkhvmc kuq kv-phuinx rulc rv-ngvlc, Yehowa nuimshiq Tishox rueq nuimshiq phvnx vmaq Israel miqsaz muex nomic shex kuq tueq. Kvkhoc rvtueq Yehowa nvrc waz Moshe rueq kuq shec kv-phuinx Yodan ruilx maq shaldungc kox wawc nuimshiq tvkoc lvp taq shec tuit ghaq vraungx wawc yuimx kvyuq yek waung wuez kuinz.