JOSHUA 11:8 - Hawa Naga Bible 2001

⁸ Yehowa rueq ralx htenc kuex Israel miqsaz muex tvtaungx gay tueq; Israel miqsaz rueq ghaqkhux kox Sidon ghaq nuiyc Misrephot ghaq nuex httuiuc laz, shaldungc kox Mizpa warc nuex httuiuc laz ralx htenc kuex yurc khvt vtueq washiz muinz tvjungx muq thvt gay tueq.

ASII LAKDAP Bible (BSI)

⁸ Tatiwe raq Israilnok ma rekhat ka tiitangkuqto. Israilnok raq tsangshiq khatto, raüta tsangshiq ka jowan raüta shekhu nü wang na Misrephoth Main chela nai Sidon chela na saüli khat wanto. Kiimaq shedong nü wang na, Mijpa tan binjü na saüli jowan raüta khatto. Israilnok raq re ka weshi min atra tiichong mak khatto.

JOSHUA 11:8 Referencias Cruzadas

RAPHA HIQWA LAK 10:15

Kanaan saz pekhux waz Sidon nuiyc Het kuex tsuingshiq muingc kvruex tv-phvnc yaungx wvnc tueq miqphvnx kvmac jix vwaz tamx rvtueq.

RAPHA HIQWA LAK 49:13

Zebulun kuex svmuktvrax kawx nuex httax tuex. Piq tvrux htenc kuex lix jvp juing muex yaungx tuex. Piq rueq guimz yaq hong kuex Sidon ghaq nuex httuiuc laz yungx tuex.

2 SAMUEL 24:6

Gilead mungx nuiyc Hitti miqsaz httax yaq Kadesh nuex httuiuc laz tsuinghez khuemx kaz tueq. Kvruex yimaq Dan ghaq nuex httuiuc kaz vtueq Sidon maq shalx nyuip kox nuex tauk httuiuc kaz tueq.

ISAIA 23:4

Sidon ghaqyungx lex, mmuingc bac kaz shex! Svmuktvrax nuiyc yunghvlc svmuktvrax rueq mnoz kuex khawx gay vtueq, “Ngaz nuex nox kuex mkaq muinz httax muq doc. Ngaz rueq nox miqwaz sahez, rvmuq ngoz ruiux yalxjuik sahez kuex mkaq muinz tvpeluz mauk doc,” ngoz tueq jungx tueq.

JEKERIA 9:2

Hadrak mungx ghaqruiy nuex httax yaq Hamat nuiyc vthenc vtuiux vhttax Tire nuiyc Sidon ghaqyungx htenc muinz vpiq muex seng yaq.

TRI CHONGKE 7:2

Yehowa nuimshiq Tishox rueq kvruex miqphvnx htenc kuex nuimshiq yauk nuex lekuy ningkhvnc nuex nuimshiq rueq khvt taungx gay shuinx kvkaq, tsuingshiq lotlaz thvt gay shuinx. Tsuingshiq rulc kungjix rvyaungc mvy muq, tsuingshiq muex menjenc mvy muq.

TRI CHONGKE 9:3

Yuq muinz Yehowa nuimshiq Tishox kuex nuimshiq khaungx tvmax nuex thuiuz hvlc wvrluic ikhoc, kaz wvnc tueq kuex nuimshiq rueq majuiuc khiz wvnc shuinx. Nuimshiq kaz yaq nuex vpiq rueq tsuingshiq kuex taungx gay ningkhvnc nuex vpiq bomkhvmc httax yaq rulc rv-ngvlc nuimshiq rueq tsuingshiq kuex yurc gay ruiux yauk lox maq tvbac gay wvnc shuinx.

JOSHUA 10:20

Yoshua nuiyc Israel miqsaz rueq ralx htenc paunghvlc thvt gay tueq, yuq muinz ralx wvyvmc kuex yuz wvnc vtueq palx ruk vhttax ghaqyungx htenc nuex httuiuc kaz tueq ningkhvnc nuex vthvy gay rvhumc muq.

JOSHUA 11:3

Piq rueq Yodan ruilx samx wvguip nuex httax yaq Kanaan miqsaz, Amori miqsaz, Hitti miqsaz, Perizi miqsaz nuiyc kuz hong nuex httax yaq Jebusi miqsaz, Mizpa mungx wawc Hermon kanx yaz hong nuex httax yaq Hiwi miqsaz muex thaungc tvtay tueq.

JOSHUA 11:7

Kvkaq Yoshua nuiyc piq nolaungx bix rueq Merom Ruilx kawx nuex jex yaq ralx htenc kuex dung phok maq khvt kaz tueq.

JOSHUA 13:6

Lebanon Kanx htenc maq Misrephot Maim hvl nuex httax yaq kuz ghaq wawc miq wvyvmc rvtueq, Sidon miqsaz ghaqphux lotlaz lomx yaq. Israel miqsaz kvtenc waung wvnc ruiux yuq, kvruex miq htenc kuex ngaz rueq yurc gay shaungx. Ngaz rueq mnoz muex nvr phaungx rulc rv-ngvlc Israel miqsaz muex ghaqphux htenc kuex phvlc kuy rax.

JOSHUA 19:28

Ebron, Rehob, Hammon nuiyc Kana maq Sidon nuex httuiuc tueq.

JOSHUA 21:44

Tsuingshiq jix vwaz tamx muex bomkhvmc kuq tueq rulc rv-ngvlc wvmungx tuimx nuex nomic httaz muex Yehowa rueq tsuingshiq muex kuq tueq. Yehowa rueq Israel miqsaz ralx lotlaz kuex tvtaungx gay ningkhvnc nuex ralx lotlaz kuex vshiz raung muinz kvtenc jvp lot muq.