JOSHUA 11:17 - Hawa Naga Bible 2001

^17-18 Ghaqyaz kox Edom ghaq hep Halak Kanx maq ghaqkhux kox Hermon Kanx maq ghaqyaz kox Lebanon warc tvnx wawc Balgad ghaq nuex httuiuc laz yungx yaq. Yoshua kuex kvruex yuq httaz jix hokhvmx bix rulc loayc hvlc rv-khvt tueq, yuq muinz piq rueq kvruex hez htenc kuex lotlaz lvp vtueq thvt gay tueq.

ASII LAKDAP Bible (BSI)

^17-18 Kra hiqrai thun ka Halak Pum maq riita, shemai nü mung na Edom mung hiqrai tho na saüli riito; kiimaq riita shekhu nü mung na, Baalgad chela na saüli riito. Kiimaq riita Harmon Pum maq shemai nü na Lebanon tan na saüli riito. Joshua ka armung thun hokhambi rai rawii luhea riikhatto. Shatmaq apaiq raq tsangshiq tarü tangto, raüta mung thun ka jiito. Kiimaq tsangshiq ka thumthum jiipbaiqto.

JOSHUA 11:17 Referencias Cruzadas

RAPHA HIQWA LAK 32:3

Yaku rueq Edom mungx nuex httax yaq vphuz Esaw kox nuex thaungc jungc jix hez kuex kungkhux tvkaz tueq.

Tvtsvmc 89:12

Ghaqkhux nueyc ghaqyaz kuex mnoz rueq tvdung taq toq; Tabor Kanx nuiyc Hermon Kanx rueq mnoz muex kokez shix ngoyx wuez yaq.

TRI CHONGKE 1:7

Kvkhoc rvtueq jerak kuex httak gay ruiux kvhttot kaz wvnc kuinz. Amori phvnx httax yaq kuz hong nuiyc kvruex hep nuex httax yaq ghaq hong rvtueq Yodan warc tvnx kuz hong nuiyc tvnx hong htenc, ghaqyaz kox hong nuiyc Mediteranean kox htenc kvyuq kaz wuez kuinz. Kanaan mungx nuex kaz wuez kuinz, kvmaq Lebanon Kanx kuex yanz laq vtueq Euphrat Ruilx nuex httuiuc laz kaz wuez kuinz.

TRI CHONGKE 2:1

Naungshiq kuex Yehowa rueq jungx tueq rulc rv-ngvlc kvroz yek vtueq Yuix Shawx Jumx kox nuex tvtsuingc vtueq kumtsvy tvnx nuex yek kaz ruiux, Edom kuz nuex loayc hvlc kvroz httax wvnc wuez tiq.

TRI CHONGKE 3:9

(Hermon Kanx kuex Sidon miqsaz htenc rueq Sirion ngoz tueq muinz, Amori miqsaz htenc rueq Senir ngoz tueq muinz ngoz wuez yaq.)

TRI CHONGKE 33:2

Yehowa kuex Sinai Kanx maq kaz tueq; vpiq kuex Edom mungx htauk nuex httax yaq shalx ikhoc dung kaz tueq. Paran Kankhux maq vpiq miqsaz htauk nuex phelez kaz tueq. Raungkamx bix htenc munshiz kuex vpiq rulc httax yaq, vpiq yaukkeq kox nuex tsuinghez tvkoc wvrluic dung yaq.

TRI CHONGKE 7:24

Vpiq rueq tsuingshiq hokhvmx htenc kuex nuimshiq yauk nuex lekuq kv-phuinx. Nuimshiq rueq kvruex hokhvmx htenc kuex thvt gay ruiux, tsuingshiq kuex miq rueq rvwvl tvmaung yek shuex rvmuq shex. Yvmx ralx rueq muinz nuimshiq kuex gawx lot muq; nuimshiq rueq ralx lotlaz kuex tvbac gay wuez shuinx.

JOSHUA 1:4

Nuimshiq mungtan ghaqruiy kuex ghaqyaz kox kumtsvy tvnx maq ghaqkhux kox Lebanon Kanx htenc nuex httuiuc laz, shaldungc kox Euphrat Ruilx maq Hitti mungx kuex yanz wvnc vtueq shalx nyuip kox Svmuktvrax Mediteranean nuex httuiuc laz rvtuex.

JOSHUA 11:3

Piq rueq Yodan ruilx samx wvguip nuex httax yaq Kanaan miqsaz, Amori miqsaz, Hitti miqsaz, Perizi miqsaz nuiyc kuz hong nuex httax yaq Jebusi miqsaz, Mizpa mungx wawc Hermon kanx yaz hong nuex httax yaq Hiwi miqsaz muex thaungc tvtay tueq.

JOSHUA 13:5

Gebali miqsaz ghaqphux, shaldungc kox nuex httax yaq Lebanon ghaqphux lotlaz, Hermon Kanx maq ghaqyaz kox wawc Balgad maq Harmat Kanx hvlwvl nuex httuiuc laz httax yaq doc.