JOSHUA 10:28 - Hawa Naga Bible 2001

²⁸ Kvruex raungnuiyq dvyx Yoshua rueq Makkeda ghaq kuex khvt vtueq, hokhvmx waz kuex lvp gay tueq. Ghaq miqsaz htenc kuex washiz muinz tvjungx muq lotlaz thvt gay tueq. Yerikho hokhvmx waz thvt gay tueq kvkhoc, Makkeda hokhvmx waz muinz thvt gay tueq.

ASII LAKDAP Bible (BSI)

²⁸ Kra ranaiq niisiili, Joshua raq Makkeda chela ka longto. Raüta jiito. Kiimaq tsang hokhamwe ka lapto. Apaiq raq chelati thumthum tiimiqchup jiipbaiqto. Maiq ka ashi min atra tiichong mak jiipbaiqto. Apaiq raq Jeriko hokhamwe jamkho tsatbaiqtaq, kiikhiisii hali Makkeda hokhamwe kiimin tsatbaiqto.

JOSHUA 10:28 Referencias Cruzadas

Tvtsvmc 110:1

Yehowa rueq, “Mralx htenc kuex m-yaz nuiuz juing daungx muex ngaz rueq tvyaungc shaungx nuex httuiuc laz, ngvy yauk-keq kox nuex ngaungc kuiuz,” ngoz tueq ngvy taungjix muex jungx tueq.

Luke 19:27

Kvmaq raz tueq, majuiuc tsuingshiq htauk nuex ngaz hokhvmx yaungx vtueq guimz lawc kuex roc muq jix ralx htenc kuex gvl wvnc vtueq, ngvy htumc vyuq thvt gay shuinz,’ ngoz tueq nvr tueq!”

1 Corinthians 15:25

Yvmx khoc lac ngoz ruiux lec Christu kuex Tishox rueq ralx htenc lotlaz taungx gay ruiux, Christu yaz phac khung nuex tvy kuy gay nuex httuiuc laz guimz lawc shuex rvtueq.

TRI CHONGKE 2:34

Kvruex baunglaung dvyx naungshiq rueq tsuingshiq ghaq htenc lotlaz tvbac gay tsuiyc tiq, miqwaz, yalxjuik nuiyc nosaz rulx lotlaz washiz muinz tvjungx muq thvt gay tiq.

TRI CHONGKE 7:16

Yehowa nuimshiq Tishox rueq nuimshiq yauk nuex vlekuq miqphvnx httax yaq htenc kuex nuimshiq rueq tvbac gay rax, tsuingshiq muex menjenc mvy muq. Tsuingshiq tishox htenc kvruex nawk palx mvy muq, nawk palx ruiux yuq kuex nuimshiq tvkoc bix muex yaungx tuex.

TRI CHONGKE 7:2

Yehowa nuimshiq Tishox rueq kvruex miqphvnx htenc kuex nuimshiq yauk nuex lekuy ningkhvnc nuex nuimshiq rueq khvt taungx gay shuinx kvkaq, tsuingshiq lotlaz thvt gay shuinx. Tsuingshiq rulc kungjix rvyaungc mvy muq, tsuingshiq muex menjenc mvy muq.

JOSHUA 10:30

Yehowa rueq kvruex ghaq nuiyc kvruex wawc hokhvmx waz kuex Israel miqsaz muex tvtaungx gay tueq. Tsuinghez rueq ghaq miqsaz htenc kuex vshiz muinz tvjungx muq lotlaz thvt gay tueq. Yerikho hokhvmx waz rvgay tueq kvkhoc, Libna hokhvmx waz muinz rvgay tueq.

JOSHUA 10:32

Yehowa rueq nuiyq nueyc rv-khvt tueq nuex Lakhish ghaq kuex Israel miqsaz muex tvtaungx kuq gay tueq. Tsuinghez rueq Libna ghaq wuinz ruez gay tueq kvkhoc, kvruex ghaq wuinz htenc washiz muinz tvjungx muq thvt gay tueq.

JOSHUA 10:35

Tsuinghez rueq kvruex raungnuiyq dvyx khvt taungx gay vtueq, Lakhish ghaq wuinz thvt gay tueq kvkhoc, kvruex ghaq wawc muinz miq tek vtueq thvt gay tueq.

JOSHUA 10:37

taungx gay tueq. Tsuinghez rueq Hebron hokhvmx waz nuiyc ghaq miqsaz htenc kvmuinz, kvruex hep wawc miqghaq htenc nuiyc mungx miqsaz htenc kuex thvt gay tueq. Yoshua rueq Eglon ghaq kuex tvsuimz laz tvbac gay tueq ikhoc, Hebron ghaq muinz tvbac gay tueq. Washiz muinz thuiuzthuic tvraungx taq muq doc.

JOSHUA 10:39

Tsuinghez rueq hokhvmx waz nuiyc kvruex tvroz wawc miqghaq htenc muinz khvt gay tueq. Tsuinghez rueq washiz muinz tvjungx muq thvt gay tueq. Yoshua rueq Hebron ghaq, Libna ghaq nuiyc kvruex wawc hokhvmx bix rvgay tueq ikhoc, Debir ghaq nuiyc hokhvmx waz muinz rvgay tueq.

JOSHUA 12:15

Libna, Adullam,

JOSHUA 12:16

Makkeda, Bethel,

JOSHUA 15:41

Gederot, Betdagon, Naama nuiyc Makkeda: ghaqyungx 16, kvmaq tvroz wawc miqghaq htenc rac rvtueq.

JOSHUA 6:21

Tsuinghez rueq ghaqyungx mungx nuex httax yaq miqwaz, yalxjuik, nyuiuz waz nosaz lotlaz nuiyc khelx vmanx, khelbuenx nuiyc loze htenc lotlaz kuex yaung maq soalc gay tsuiyc tueq.

JOSHUA 8:2

Mnoz rueq Yerikho ghaq nuiyc kvruex hokhvmx waz kuex mnoz rueq rvgay toq ikhoc, Ai ghaq nuiyc kvruex hokhvmx waz kuex rvgay shuiux, yuq muinz majuiuc lauk kuex hup vsvmx htenc nuiyc nyvmx saz htenc kuex nuimhez rueq lvmc mvy yaq. Kvkhoc rvtueq ghaqyungx yix kox kvmaq dung phawk khvt tvkoc tvhungx shuinz,” ngoz tueq jungx tueq.

JOSHUA 9:3

Yuq muinz Hiwi phvnx Gibeon miqsaz rueq Yerikho ghaq nuiyc Ai ghaq kuex Yoshua rueq yvmx khoc lac rvgay tvnx lvmz kuex tay vtueq,