JOSHUA 10:26 - Hawa Naga Bible 2001

²⁶ Kvruex yimaq Yoshua rueq hokhvmx bix kuex yaung maq soalc gay ruiux vmaungx htenc kuex pulx jungx bv-ngac nuex raungx tvyac laz pauk gay tueq.

ASII LAKDAP Bible (BSI)

²⁶ Raütiishe, Joshua raq hokhambi thun ka tsatbaiqto. Raüta amaa ka raji na tiisaüli pechong na tiishak paq baiqto.

JOSHUA 10:26 Referencias Cruzadas

2 SAMUEL 21:6

Kvkhoc rvtueq piq suiuz vsaz hez waz mvshix kuex nuiyshiq muex lekuq koq, Yehowa rueq vhttauk taq hokhvmx Sholu ghaq ngoz yaq Gibea ghaq kvyuq Yehowa khaungkac nuex tsuinghez kuex tvshuirc pauk gay shix,” ngoz tueq jungx tvralc tueq. Hokhvmx waz rueq, “Ngaz rueq kvruex hez kuex kuq phaungx,” ngoz tueq tvralc tueq.

2 SAMUEL 21:9

Dawid rueq tsuinghez kuex Gibeon miqsaz yauk nuex lekuq gay tueq; tsuingshiq rueq kankhux kvyuq Yehowa khaungkac nuex tvshuirc pauk gay tueq, tsuinghez waz mvshix kuex vdvmz nuex thueyc tueq. Tsuinghez thvt gay raungnuiyq kuex wanx tsvmz yut phaungc tueq raungnuiyq, raunglawc yac tvsuip kox nuex aungx tueq.

ESTHAR 2:23

Kvruex khuec vlvmz kuex wisoz helc koq tueq, Mordekai rueq jungx tueq kvjaz kuex rvkhauk laz vlvmz rvtueq kuex khiz vtueq, kvruex nueyc kuex miq tvshuirc pauk thvy gay juing baung nuex thvt gay tueq. Hokhvmx waz rueq vruex lvmz kuex honoc mungtan mvnphvnc tvtsuingc tay luik dvp nuex wuiyq tvtsuingc tvy tvkoc nvr tueq.

Tvtsvmc 18:41

Romc kuy tvkoc tsuingshiq guyc koq muinz, tsuingshiq kuex uraq muinz palc wvnc muq; tsuingshiq rueq Yehowa kuex gvl tueq, yuq muinz vpiq rueq tvralc kuq muq.

WEAWEA 25:4

Moshe muex ngoc, “Ngvy thuinkhvy shiz tvkoc Israel miqsaz walaungx bix htenc kuex tvdung vtueq mungx miqsaz khaungkac nuex thvt gay shuiuz,” ngoz tueq jungx tueq.

Matthew 27:25

Nuk miqsaz lotlaz rueq, “Vpiq thueyc tuex kvruex kuex nuiyshiq nuiyc nuiyshiq suiuz vsaz khux htauk nuex mkvdaungc kueq,” ngoz tueq tvralc tueq.

John 19:31

Yuda miqsaz vrangx vpangx vhttax jix hez rueq yauk juinc bulx nuex vbut gay hez yaz kuex tv-ngawk wungc tvkoc Pilat yauk wawc vkhangx thoz kaz tueq. Tsuingshiq rueq kvkhoc thoz kaz tueq kuex, kvruex raungnuiyq kuex vtvkuiux raz jepat raungx Bv-ngac raungnuiyq rvtueq nuiyc raungnvp kvyix kuex Vguilc Raungnuiyq ningkhvnc nuex yauk juinc bulx nuex vmaungx kvpauk muq tvkoc muinz, Vguilc Raungnuiyq kuex vsawc raungc hvlc raungnuiyq ningkhvnc nuex muinz rvtueq.

Galatians 3:13

“Pulx jungx nuex but gay rvhumc jix waz kuex Tishox rueq vtuemc kuq waz rvtueq,” ngoz tueq Rumvrc luik nuex jungx shec tueq ikhoc, Christu kuex naungshiq tvkoc vkvtuemc aungx yaq ikhoc rvhumc tueq yix maq, naungshiq kuex Tvrac rueq tuemc kuy rvhumc tiq wawc daungc wvnc phuex.

JOSHUA 8:29

Piq rueq Ai hokhvmx waz kuex raungx tvyac laz pulx jungx nuex tvshuirc pauk gay tueq. Raungyac wvnc koq tueq Yoshua rueq nvr tueq rulc rv-ngvlc vmaungx kuex tvsvt dawc vtueq, ghaqyungx palx kaluix lvmx nuex nyuip waungc juing lvmx nuex tuip gay ruiux, kvruex htauk kvyuq lung phungc yunghvlc phungc taq shec tueq ningkhvnc nuex majuiuc nuex httuiuc laz kvyuq httax hvt dvyx doc.

PHOWEBI 8:21

Kvruex yimaq Zeba nuiyc Zalmunna rueq Gideon muex ngoc, “Mshauk pumz maq nvnueyc kuex thvt koq. Miqwaz rueq shuimc juing kuex miqwaz rueq dvyx shuimc rax,” ngoz tueq. Kvkhoc rvtueq Gideon rueq tsuingnueyc kuex thvt gay ruiux, tsuingnueyc kamel kuiux hez duingx nuex vtvmarc khak hup svmx htenc kuex lvmz tueq.

1 SAMUEL 15:33

Samuel rueq, “M-yaung muex vnyuiuz hez paunghvlc muex vsaz hez kuex tvsumx gay tueq ikhoc, majuiuc m-nyuiuz muex muinz vsaz tvsumx gay tueq nyuiuz muex tvyaungc shuex,” ngoz tueq jungx tueq. Piq rueq Gilgal wawc shomrawx khaungkac nuex Agag kuex tvhtaq tvruk jumz gay tueq.