JEREMIA 51:53 - Hawa Naga Bible 2001

⁵³ Babelon kuex raungx nuex duiz lvp vtueq kvruex yuq hunglaungc httaz hvlc nolaungx ghaqshungc guirx ruiux muinz, kvruex tvbac gay tvkoc miq htenc ngaz rueq tvkaz shaungx. Ngaz, Yehowa rueq jungx tauk.”

ASII LAKDAP Bible (BSI)

⁵³ Bebilon mungti ka ra na düwan raüta, kiitelong maq chela tro na jamlai riimin chhemak phan ruk hai raü min, Ngi raq kiijaq maiq tiiwa lata kra chela ka mishthen baiqha. Arka, Ngi, Tatiwe raq toqtan tiikang.”

JEREMIA 51:53 Referencias Cruzadas

RAPHA HIQWA LAK 11:4

Tsuingshiq rueq, “Raungx nuex kvhtuy laz lunghtuimz rulc vdvmz ghaqyungx kuex tec wuez ix, vkhoc raz tueq naungshiq muingjungc dungc muex nuiyc mungkawx baung ruip saz nuex rv-phvlc nyanc kaz miq laung nuex guirx ix,” ngoz tueq rvjungc wuez tueq.

YOBA 20:6

tsuingshiq kuex pinhtumc yungx luz vtueq raungx nuex httuiuc wvnc mvy yaq, yungc hvlc tsuingshiq khux poz htenc kuex phuemx nuex htanc laz rvtueq,

ISAIA 13:17

Yehowa rueq, “Babelon mungx kuex khvt tvkoc Mede miqsaz kuex tvtenc vshaungx. Tsuingshiq rueq kuimphox kuex raungc muq, kuimshawx muex muinz rvnphvnx muq.

ISAIA 41:25

“Ngaz rueq shaldungc kox nuex httax yaq miq washiz kuex thvl taq tauk; Ngaz rueq piq kuex ghaqkhux kox maq khvt tvkoc shvlx laq shaungx. Tuik lauz jix waz rueq gvmlawx kuex yaz maq nuiuz yaq ikhoc, piq rueq mungx walaungx bix kuex gvmlawx ghaq ikhoc nuiuz gay shuex.

ISAIA 47:5

Yehowa rueq Babelon muex, “Kuiyq shuik maq raungnyauk mungx nuex ngaungc kuiuz; tsuingshiq rueq mnoz ngoc miqphvnx ruip rawx hokhvmx nyuiuz ngoz tueq mkaq muinz gvl muq shex!

ISAIA 47:7

Mnoz kuex hokhvmx nyuiuz muex mkaq muinz yaungx ruq rvtaungx ngoz tueq tvmaung vtueq, vruex lvmz htenc kuex mthuinz vmungx nuex taq muq mkhoc suip wvnc juing lac muinz tvmaung muq rvtoq.

JEREMIA 49:16

Mnoz ngamc vngax rueq mnoz kuex laulawc gay kv-phux. Mnoz rueq tvmaung vshuiux kvkhoc ukhaq muinz mnoz muex hiz muq. Mnoz kuex lung rauk htenc nuiyc vjoz kanx htenc nuex httax vtueq, lawx ikhoc vjoz nuex httax ruiux muinz, Yehowa rueq mnoz kuex tvsvt gay kv-phux. Yehowa rueq jungx tueq.”

JEREMIA 50:21

Yehowa rueq, “Merathaim nuiyc Pekod miqsaz kuex khvt shuinz. Tsuingshiq kuex thvt tvbac gay shuinz. Ngaz rueq nvr phaungx phvnx ruip saz kuex shuimx shuinz. Ngaz, Yehowa rueq jungx tauk.

JEREMIA 50:25

Ngaz, Tvphaungc Tvsuip Yehowa kuex Babelon mungx nuex shuimc juing yauk shuimc vhttax ningkhvnc nuex, ngvy koz vlaq tumz htenc kuex ngaz rueq daz vtueq tsuingshiq kuex ngaz rueq tvdung yurc gay shaungx.

JEREMIA 50:45

Kvkhoc rvtueq Babelon ghaqyungx kuex ngaz rueq khvt tvkoc kvmungx vshaungx lvmz nuiyc kvruex wawc ghaq miqsaz htenc tvkoc ngaz rueq kvmungx vshaungx lvmz kuex tay shuinz. Tsuingshiq sahez doc muinz vhet shvlc lvy rvhumc ruiux miq tek vtueq kawc yawc wuez tuex.

JEREMIA 51:11

Yehowa rueq Babelon kuex tvbac gay tvkoc kvmungx httax yaq ningkhvnc nuex vpiq rueq Media hokhvmx bix thuinz kuex tvsvmz kuq tueq. Kvruex kuex vpiq Shomc Yuimx tvbac gay tueq laung nuex phuiuq lvmc rvtueq. Vkhvt muex vyungx vlaungx bix rueq, “Nuimshiq laqsvnz kuex thvmz wuez shuinz! Nuimshiq marrarc kuex tvyoalc wuez shuinz!

JEREMIA 51:25

Babelon lex, mnoz kuex mungkawx lotlaz tvbac gay tueq kanx ikhoc rvtoq, yuq muinz ngaz, Yehowa kuex mralx rvtauk. Ngaz rueq mnoz kuex lvp shuimx vtueq, ghaq rulc raz laz tvdvy gay ruiux tvp muex tvyaungc phaungx.

JEREMIA 51:48

Ghaqkhux kox maq kaz vtueq khvt jix hez yauk nuex Babelon mungx dvy rul wvnc tuex nuex ghaq htauk nuex nuiyc raungx wuirwanc nuex httax yaq phvnx ruip saz kuex vkoz vkez maq guyc sez wuez tuex.

JEREMIA 51:56

Tsuingshiq rueq Babelon kuex tvbac gay tvkoc httuiuc kaz tueq; kvruex wawc nolaungx bix lvp gay tueq, tsuingshiq laq htenc tv-ngawk tawk gay tueq. Ngaz kuex layx vbac shuimc jix htenc muex murx tvgurc jix Tishox rvtauk, Babelon rueq gurc aungx yaq rulc rv-ngvlc mvrax tvgurc shaungx.

JEREMIA 51:58

Hungc hvlc Babelon palx ruk htenc kuex ghaq nuex kvhttak rul wvnc vtueq, kvruex johvlc palx kaluix htenc muinz jauk gay tueq. Miq phvnx htenc yauk shuimc lotlaz kuex khuec guez dvyx; tsuingshiq hunglaungx yaq kuex wvrluic dvyx shex rvtueq. Ngaz, Tvphaungc Tvsuip Yehowa rueq jungx tauk.”

DANIEL 4:30

piq rueq, “Lawc shuiuz Babelon mungx kuex pinhtumc yungx luz yaq nyix! Kvruex kuex ngvy luimc vkawc nuiyc hungc vlaungc, ngauz vngax dung wvnc tvkoc muingjungc khushec tvkhic muex ngvy ghaqyungx tvyaungc muex ngaz rueq vtec rvtueq,” ngoz tueq jungx tueq.

AMO LUIK DVP (AMOS) 9:2

Tsuingshiq rueq wulumx mungx nuex kay juing lvmx htuz ruiux muinz, ngaz rueq tsuingshiq kuex lvp shaungx. Tsuingshiq raungmungx nuex duiz ruiux muinz, ngaz rueq tsuingshiq kuex tvsvt gay shaungx.

AMO LUIK DVP (AMOS) 9:4

Tsuingshiq kuex tsuingshiq ralx rueq lvp gay rvhumc ruiux yuq, vthvy gay tvkoc ngaz rueq nvr shaungx. Ngaz rueq tsuingshiq muex romc kuq shaungx rvmuq, tsuingshiq kuex tvbac gay muex htvp htaz gay tauk.”

HABAKUK 2:9

Nuimshiq kuex vphoc rvhumc vtuinx! Yauk laungc yalawx maq vnyvlc tsak vnyvmx maq nuimshiq rueq miqmac yuimx wuinz kuex tvrungx wanx wvnc tuit, laungc maq miqmac jez kuex johvlc nuex jez yaq wushawx ikhoc miqmac yuimx kuex vhiz rac muq kvwungx lvp laz juing tvhungx vshuinx!