JEREMIA 51:34 - Hawa Naga Bible 2001

³⁴ Babelon hokhvmx rueq Yerusalem kuex jumz vtueq phauk gay tueq. Vpiq rueq kvruex ghaqyungx kuex tuik ikhoc kuip gay ruiux; yungrex kuiux rueq ikhoc yuk gay tueq. Vpiq rueq vroc htenc kuex lvmz vtueq kvjungx yaq kuex tuip gay tueq.

ASII LAKDAP Bible (BSI)

³⁴ Bebilon hokhamwe raq Jerusalem ka tiibunbaiqto, raüta wiita phaq baiqto. Apaiq raq chela ka hamlii tsabum wa hupsam tiidongbaiqtlaq ikha tiidongbaiqto; ngorokaü raq ikha apaiq raq jokbaiqto, Apaiq raq aroro tiithumpak runto, kiimaq kriiwa chantlaq ka wiita wanbaiqto.

JEREMIA 51:34 Referencias Cruzadas

YOBA 20:15

Layx bac jix tsuingshiq rueq vguiuq tsak vnyvmx htenc kuex vphaay rvgay yaq; Tishox rueq kvruex kuex tsuing -shiq wuk mungx wawc tvdung lvmz gay yek yaq.

Tvtsvmc 74:13

Mnoz hungc vlaungc maq svmuk-tvrax kuex tv-phvlc gay ruiux yuix yungrex khux poz htenc kuex tvbunx jek gay toq.

TAKSU LAK 1:12

Tsuingshiq kuex naungshiq rueq khiz shix nuex tsuingshiq kuex tvraungx gvnhttuingc httax wuez yaq, yuq muinz naungshiq rueq tsuingshiq muex phox kuq shix yuq tsuingshiq thueyc kaz wuez tuex!

ISAIA 34:11

Kvruex mungx kuex wuzkhuiuq htenc nuiyc wuzkhax htenc httaz juing yaungx tuex. Yehowa rueq kvruex mungx kuex tvdung sung lvmz yvmx muinz vguez shauk nuex doc ikhoc sawc riric hvlc tvyaungc gay shuex.

ISAIA 42:22

Yuq muinz majuiuc vpiq miqsaz htenc kuex vkhvt vnyvlc rvhumc vtuex; tsuingshiq kuex ghaq mungx khoktep nuex shuiuz gay rvhumc vtueq saqpix maq kvr vtueq httuiyq gay tueq. Tsuingshiq kuex yauk laungc yalawx rvhumc yaq, tsuingshiq palc jix miq vshiz muinz vguez.

JEREMIA 50:17

Yehowa rueq, “Israel miqsaz kuex hangsic rueq yurc tvyuz gay tueq khelbuenx ikhoc rvtueq. Tsuingshiq kuex vphaungc nuex Asiria honoc waz rueq khvt gay rvhumc tueq, kvruex yimaq Babelon Hokhvmx Nebukhadnezar rueq tsuingshiq ruk vrawz htenc kuex het phauk gay tueq.

JEREMIA 50:7

Tsuingshiq rulc rvhumc jix lotlaz rueq tsuingshiq kuex khvt wuez tueq. Tsuingshiq ralx htenc rueq, ‘Tsuingshiq kuex Yehowa muex mvrax yaq gay tueq, kvkhoc rvtueq naungshiq rueq shuimx gay tiq kuex yaq muq. Tsuingshiq jix vwaz tamx kuex Yehowa muex tvluimc wuez yaq, tsuingshiq shauk pumz muinz vpiq nuex tvmtuing httaz aungx yaq,’ ngoz tueq jungx tueq.

JEREMIA 51:44

Ngaz rueq Babelon tishox ngoz yaq Bela muex murx tvgurc shaungx, piq rueq vguiuq hup vsvmx htenc kuex vtvyez kuy rvyek shaungx; miqphvnx htenc rueq mkaq muinz nawk palx shuex rvmuq shex. “Babelon ghaq palx ruk htenc rul kaz shex.

JEREMIA 51:49

Babelon rueq mungkawx ghaq htauk wawc miq lotlaz vthueyc vmvy lvmz kuex tvdung tueq, piq rueq Israel miqsaz paunghvlc vthueyc vmvy lvmz muinz tvyaungc tueq ningkhvnc nuex, majuiuc Babelon kuex dvy rul tuex shex. Ngaz, Yehowa rueq jungx tauk.”

AJONJÜ 1:1

Mvnnuex laukshiz miq paunghvlc vkvlc vkawc yaungx tueq Yerusalem kuex piq lauk lauk dvyx shex ix! Laukshiz mungkawx kox maq tvtsanc nganc rvhumc yoalx nyuiuz kuex mvntix nyuiuz ikhoc yaungx yaq; ghaqyungx htenc wawc muingc jungc vhttax pinhtumc ghaq yungx kuex dax rullungx nuex httuiuc wvnc tueq.

AJONJÜ 2:16

Mnoz muex ralx htenc lotlaz rueq mnoz kuex shummarc vtueq vshuiuc vpac thuinz maq lawc tvtsuingc wuez yaq. Tsuingshiq rueq tsuingshiq nuix bar tvyoar vtueq, “Piq kuex naungshiq rueq tvbac gay tiq shex! Naungshiq rueq bvmc vshix raungnuiyq kuex vruex raungnuiyq vruex rvtueq!” ngoz tueq jungx tueq.

EJEKIEL 36:3

“Rawshvmx shvmx shuiuz, ngaz, Johvlc Yehowa rueq jungx vshaungx kvjaz kuex jungx shuiuz. Israel kanx htenc kuex phic vphaungx wawc mungtan htenc rueq khvt vtueq nyvlc wvnc shuex nuex, Israel kuex lotlaz rueq nueykuic wuez shuex.

Hosea 8:8

Israel kuex vganc miqphvnx htenc ikhoc yaungx wvnc vtueq tuik bunx ikhoc khuec guez yaungx yaq.

AMO LUIK DVP (AMOS) 8:4

Khvmx vrvmc jix kuex htuing nuiuz gay ruiux mungtan wawc htemc saz jix htenc tvbac gay muex hunglaungx vtuinx nuimshiq rueq vruex tay shuinz.

NAHUM 2:2

(Piq ralx htenc rueq piq mungtan kuex max tvbac gay jauz wawc ikhoc, Yehowa rueq Israel muex ngauz vngax kuex kuy yek tvkoc tvyoalc yaq.)

Matthew 23:13

“Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq miq htenc max wawc raungx Mungtan kaluix kuex shauk gay tuit, nuimshiq muinz nyuip muit, vnyuip tvkoc hunglaungx jix muex vnyuip vkhangx kuq muit.