JEREMIA 51:22 - Hawa Naga Bible 2001

²² miqwaz rulx nuiyc yalxjuik rulx kuex thvy gay tvkoc muinz, nyuiuz waz rulx nuiyc nosaz rulx htenc muinz, miqwaz saz rulx nuiyc yalxjuik saz rulx kuex thvy gay tvkoc muinz,

ASII LAKDAP Bible (BSI)

²² Lata maiqwere nai jechakre thun jiipbaiq kang, nyungwere nai jerobi thun jiipbaiq kang, lata maiqwe sere nai jechak sere tiiqbaiq kang.

JEREMIA 51:22 Referencias Cruzadas

2 KAÜWA WERAÜ 36:17

Kvkhoc rvtueq Yehowa rueq tsuingshiq kuex khvt kay tvkoc Babelon hokhvmx waz kuex tvkaz tueq. Hokhvmx waz rueq Shomc Yuimx mungx nuex httax yaq Yuda yalxrox bix nuex httuiuc laz thvt gay tueq. Piq rueq nyuiuz waz, nosaz, miqwaz yalxjuik, vthuiuz vsac jix, miq hvlx jix, ukhaq muex muinz menjenc muq. Tishox rueq tsuingshiq lotlaz kuex piq yauk nuex lekuq gay tueq.

ISAIA 13:15

Vlvp vruex htenc kuex yaung khushuiux maq shuiuq thvt gay shuex.

ISAIA 13:16

Tsuingshiq kuex kvshix kvrix maq lawc thvt yaq nuex, tsuingshiq sahez kuex nyet vtueq thvt gay shuex, tsuingshiq yuimx htenc kuex httak gay rvhumc tuex, tsuingc taungnyuiuz hez kuex yomnamc gay shuex,” ngoz tueq jungx tueq.

ISAIA 13:18

Tsuingshiq laq nuiyc laqsvnz htenc maq yalxrox rulx kuex thvt gay shuex. Tsuingshiq rueq noshawx sahez muex menjenc thuinz tvkhic kuq shuex rvmuq, nosaz rulx muex muinz menjenc shuex rvmuq.

ISAIA 20:4

Asiria honoc waz rueq vruex mungtan vnueyc wawc piq rueq vlvp khoktep miqsaz htenc kuex sawkumx shvlx wvnc shuex. Vyungx vruinx ngoz muq tsuingshiq kuex jotac vguez nuiyc sawkumx maq khuemx vtueq, tsuingshiq wex htenc tvkhic vtueq Ejip mungx muex yvlc svy tvrvhumc shuex.

JEREMIA 44:7

“Kvkhoc rvtueq ngaz, Yehowa Israel Tishox rueq nuimshiq shauk pumz kuex tvmaq jup ruec tvkoc layx vbac yauk shuimc kuex nuimshiq rueq yvmx ngoz tueq lac shuimx vshuinx? Nuimshiq kuex miqwaz, yalxjuik, nosaz nuiyc noshawx saz hez htenc vshiz muinz kvjungx muq laz juing tvbac gay rvhumc haz raungc raq vshuinx?

JEREMIA 50:37

Kvruex mungx wawc mvre htenc nuiyc nolaungx renc htenc kuex tvbac shuinz! Kvruex yuq vgvl shec nolaungx htenc kuex vthueyc vmvy, tsuingshiq kuex mtanc lac nulx wuez yaq nguinx! Kvruex wawc tsak vnyvmx htenc kuex tvbac shuinz; yauk laungc yalawx raz tueq nyvlc wvnc shuinz.

JEREMIA 51:23

khelbuenx remc jix hez nuiyc khelbuenx kung htenc muinz, wuik shuimc jix nuiyc ghaq htoay jix mvre htenc kuex thvy gay tvkoc muinz, mungx guimz lawc jix htenc nuiyc vjoz vyungx vlaungx bix kuex tvhuyx gay tvkoc muinz mnoz kuex shuimx vphaungx,” ngoz tueq jungx tueq.

JEREMIA 6:11

Yehowa lex, ngvy htauk nuex mthuinz khvy mvrc yaq ningkhvnc nuex, nanx lot shuiux rvmuq,” ngoz tauk. Kvruex yimaq Yehowa rueq ngaz muex jungx phuex, “Ngvy thuinkhvy kuex lvmx htenc wawc nosaz rulx htauk nuex muinz, yalxtux yalxrox bix htauk nuex muinz ruiuc kuq shuiuz. Vtaungx waz nuiyc vtaungx nyuiuz htenc nuiyc nyuiuz waz likawx htenc muinz kvguing lot tuex rvmuq.

AJONJÜ 2:11

Ngvy muik htenc kuex vkhoarc htuiz rueq htvl yaq; ngvy siyac kuex pinhtumc thuiuz sac yaq. Ngaz kuex ngvy miqsaz htenc bac wvnc ningkhvnc nuex yonz yex vtueq nulx wvnc vtaungx. Nosaz rulx nuiyc noshawx sahez kuex ghaqyungx lvmx htenc nuex maungc kaz wuez tueq.

AJONJÜ 2:21

Nyuiuz waz nosaz ngoz muq lvmx htenc nuex thueyc kaz wuez tueq, Yalx rox rulx nuiyc yalxjuik rulx muinz ralx waz yaung maq thvy gay rvhumc tueq. Mthuinz khaq yaq raungnuiyq tsuingshiq muex menjenc muq maq mnoz rueq thvt gay toq.

EJEKIEL 9:6

Nyuiuz waz rulx, yalxrox rulx, yalxtux rulx, vnyuiuz rulx nuiyc vsahez kuex thvt gay shuinz. Yuq muinz khaungkuimx htauk nuex tvtsuingc juing vtvkop jix vngoz ngoz kuex nauk heq kaz. Kvruex kuex ngvy Shomc Yuimx maq phaungc wvnc shuinz,” ngoz tueq jungx yaq kuex ngaz rueq tay tauk. Tsuinghez rueq Shomc Yuimx nuex jvp yaq walaungx bix kuex kungkhux thvt phaungc wvnc tueq.

TRI CHONGKE 32:25

Ralx rvkhvt kuex lvmx laungx nuex vthueyc vmvy tvyaungc yaq; vkvhiz juing phvnx kuex yuimx htenc nuex kvwungc tuex. Yalxtux yalxrox bix htenc thueyc wvnc wuez tuex; noshawx sahez nuiyc nyuiuz waz likawx htenc thueyc wvnc wuez tuex.

1 SAMUEL 15:3

Amalek miqsaz kuex khvt kaz vtueq, tsuingshiq nuex httax yaq phvnx ruip saz kuex tvsawc ric tvbac gay shuinz. Yvmx muinz nauk tvjungx kaz; miqwaz yalxjuik, nosaz noshawx maq phaungc vtueq khelbuenx, manx, kamel, loze htenc lotlaz thvt gay shuinz,” ngoz tueq jungx tueq.