JEREMIA 51:19 - Hawa Naga Bible 2001

¹⁹ Yaku Tishox kuex tsuingshiq rulc rv-ngvlc yaq rvmuq; vpiq kuex phvnx ruip saz tvdungc sungc jix waz rvtueq, vpiq rueq Israel kuex vpiq miq tvyaungc muex thvl taq tueq. Tvphaungc Tvsuip Yehowa kuex vpiq muingc rvtueq.

ASII LAKDAP Bible (BSI)

¹⁹ Jakob Shiikeawe ka tsangshiq kiikha riimak; apaiq ka phanrap phansangtiwe, kiimaq apaiq raq Israilnok ka awokhong na sima asenginok miishe tsea wanto. Tati Ningkun Ajongwe ka apaiq mang.

JEREMIA 51:19 Referencias Cruzadas

Tvtsvmc 115:3

Naungshiq Tishox kuex raungmungx nuex httax yaq; vpiq thuinroc yvmx yuq muinz vpiq rueq shuimx kaz yaq.

Tvtsvmc 135:4

Vpiq rueq Yaku kuex vpiq tvkoc, Israel miqsaz htenc kuex vpiq rueq guimz tvkoc thvl shec tueq.

Tvtsvmc 16:5

Yehowa lex, ngaz nuex httax yaq lotlaz kuex mnoz taungx wawx jvnc rvtueq, mnoz rueq ngaz muex rax yaq phvnx lotlaz kuex kuq phux; max kox wawc ngvy pat kvmuinz m-yauk nuex httax yaq.

Tvtsvmc 33:12

Yehowa kuex tsuingshiq Tishox muex tvyaungc yaq miqphvnx kuex thuinhvlx yaq; vpiq rueq thvlc tvy rvhumc jix miqsaz htenc kuex thuinhvlx yaq.

Tvtsvmc 73:26

Ngvy thuinz vmungx nuiyc shauk vpumz nulx wvnc tauk, yuq muinz Tishox kuex ngvy hungc vlaungc rvtueq; ngaz muex rax yaq lotlaz kuex vpiq rvtueq.

Tvtsvmc 74:2

Mvnnuex maq phuex mnoz rueq thvl wvnc toq miqsaz htenc nuiyc mphvnx yaungc muex dax wawc tvdungc wvnc rvhumc tueq mmiqsaz htenc kuex rvwvl shuiuz. Mnoz laukshiz httax wvnc toq Zion Kanx kuex rvwvl shuiuz.

ISAIA 47:4

Israel muex vsawc Tishox rueq naungshiq kuex tvdung wvnc phuex, vpiq muingc kuex Tvphaungc Tvsuip Yehowa rvtueq.

ISAIA 51:13

Raungx mungtan kuex tvparc vtueq, ghaq kuex vjungx ruingx tv-phaungx ruiux nuimshiq tvdungc jix Yehowa kuex vlauk shex haz rvgay tuinx? Nuimshiq guirguenc jix htenc, nuimshiq tvbac gay tvkoc tvyoalc yoalx httax yaq hez htenc muex, yvmx ngoz tueq lac nuimshiq kuex mkaq muinz hiyaz vtuinx? Tsuingshiq thuinkhvy kuex nuimshiq muex kvhiz juing yaungx lot muq.

JEREMIA 10:12

Yehowa rueq vpiq luimc vkawc maq ghaq kuex tvhungx tueq; vpiq taksux tharc maq mung-kawx kuex tvdung sung ruiux raungmungx kuex tvparc tueq.

JEREMIA 10:16

Yaku Tishox kuex tsuinghez rulc rv-ngvlc muq; vpiq kuex phvnx ruip saz tvdungc sungc jix rvtueq, Israel kuex vpiq miqsaz shauk tvyaungc muex thvl taq tueq. Vpiq muingc kuex Tvphaungc Tvsuip Yehowa rvtueq.

JEREMIA 33:2

Ghaq kuex tvhungx vtueq tvdung sung ruiux rvkhauk laz baung nuex tv-ngaungc tvy jix Yehowa rueq ngaz muex jungx phuex. Vpiq muingc kuex Yehowa ngoz yaq waz rueq ngoc,

JEREMIA 50:11

Yehowa rueq, “Babelon miqsaz lex, nuimshiq rueq ngvy mungtan kuex nyvlc wvnc tuit. Nuimshiq kuex tsvmz nuiuz yaq manx kuiux, rvmuq ngoz ruiux vbex rvyaq mvre ikhoc kokez vtueq kvroz khuemx wuez vtuinx,

JEREMIA 50:34

Yuq muinz tsuingshiq palc daungc jix waz kuex hunglaungc vhttax ningkhvnc nuex, vpiq muingc kuex Tvphaungc Tvsuip Yehowa rvtueq. Vpiq shauk pumz maq tsuingshiq laung shuimx kaz vtueq, ghaq htauk nuex nomic lvmx kuq shuex, yuq muinz Babelon miqsaz kox nuex kuex kuilc daz jamjaux yaungx tuex,” ngoz tueq jungx tueq.

JEREMIA 51:5

Ngaz, Tvphaungc Tvsuip Yehowa Tishox kuex, Israel muex Vsawc Waz ngoz yaq ngaz muex mvrax yaq ruiux doc muinz ngaz rueq Israel nuiyc Yuda kuex gay shec mauk.

AJONJÜ 3:24

Ngaz rueq lvp tauk lotlaz kuex Yehowa rvtueq, kvkhoc rvtueq vpiq muex ngaz rueq tvluimc vshaungx.

TRI CHONGKE 32:9

yuq muinz Yehowa rueq Yaku suiuz vsaz phvnx kuex vpiq tvkoc thvl taq shec tueq.

1 Peter 2:9

Yuq muinz nuimshiq kuex vthvlc vruez shec Hokhvmx shomc waz bix, vsawc miqsaz htenc nuiyc Tishox vpiq rueq guimz yaq miqsaz htenc rvtuit, kvkhoc thvl wvnc lvmz kuex, nuimshiq raungnyauk mungx kvwawc vpiq vwangc juing raungwuic nuex gvlc wvnc jix waz ngauz vngax httax yaq shuimc vkay htenc kuex jungphvnc tv-nyvmc wvnc tvkoc rvtueq.