Biblia Todo Logo
La Biblia Online
- Anuncios -




JEREMIA 51:15 - Hawa Naga Bible 2001

15 Yehowa vpiq luimc vkawc maq ghaq kuex tvhungx shec tueq; vpiq taksux tharc maq mung-kawx kuex tvdung sung tueq raungmungx kuex tvparc taq shec tueq.

Ver Capítulo Copiar

ASII LAKDAP Bible (BSI)

15 Tatiwe raq hiq ka aningkun maq tiiqto; apaiq nyan phaqchi maq mangjong hiq ka phansangto, kiimaq ramungtan thun kra tiikha chanto.

Ver Capítulo Copiar




JEREMIA 51:15
28 Referencias Cruzadas  

Tishox rueq raungmungx kuex tvparc ruiux, svmuktvrax yungrex rawx htungx kvyuq vpiq rueq nuiuz yaq nuex uraq muinz romc kuq muq.


Mshauk gvnz kuex raungwuic maq yop taq toq. Mnoz rueq raungmungx htenc kuex moka tap ikhoc tvparc juinx taq vtueq


Yehowa lex, mnoz rueq vtvdung sung phvnx htenc kuex paunghvlc httax yaq! Mnoz rueq kvruex htenc kuex tharc vhttax jvnc tvdung sung taq toq! Ghaq nuex mnoz rueq vtvdung sung phvnx htenc mvrc yaq.


Vpiq rueq nvr koq tueq raunghtiq raungguil guil wvnc vtueq, yuix daungx htenc dauk wuez tueq.


Vpiq rueq taksux tharc maq raungmungx kuex tvdung sung taq tueq; vpiq lungwawc kuex pattup httax yaq.


Yehowa rueq vpiq taksux tharc maq ghaq kuex tvdung tueq, vpiq phaqjic maq raungx kuex tvhungx htaungx tueq.


Kvruex kuex ghaq maq raungx htvp, khvrwuirx wuingc htauk nuex, hoc daungraungc nuex ngaungc jix waz rueq tvyaungc tueq; kvruex khung wawc miqsaz htenc kuex sisawx ikhoc dvyx ngoz tueq tvmaung yaq. Vpiq rueq raungx kuex khvrwuirx ikhoc muinz, miq httaz juing tap ikhoc muinz tvparc gay tueq.


Raungx kox nuex kac lawc shuiuz! Mnoz rueq khiz vshuiux ruiysuiyq htenc kuex uraq vtvdung sung lac? Nolaungx daungx ikhoc lvmx shvlc lvy jix waz kuex, kvyuq mjuc lac httax yaq nguinx vpiq rueq tuiuz yaq nuiyc kvruex hez vshiz maq vshiz kuex vmuingc maq gvl lot yaq! Vpiq luimc vkawc kuex yunghvlc rvtueq, kvruex hez wawc vshiz raung muinz mkaq muinz moz kaz tuex rvmuq!


Tishox rueq raungmungx htenc kuex tvdung ruiux kvruex tvparc shec tueq; vpiq rueq ghaq nuiyc kvrulc vdvmz thuiuzthuic tvraungx phvnx lotlaz kuex tvdung tueq; vpiq rullungx kuex kuq ruiux kvyuq httax yaq miqsaz lotlaz muex thuiuzthuic kuex htawc kuq yaq. Majuiuc Yehowa Tishox rueq vpiq nvrc waz muex jungx tueq,


“Ngaz kuex mnoz palc daungc jix Yehowa rvtauk; Ngaz kuex mnoz tvdungc sungc jix waz rvtauk. Ngaz rueq phvnx ruip saz kuex tvdungc sungc jix waz Yehowa rvtauk. Ngaz rueq dvyx raungmungx htenc kuex tvparc shec tauk; ghaq tvdung tauk nuex, uraq muinz ngaz muex romc kuq muq.


Ngaz rueq ghaq kuex tvhungx ruiux kvyuq httaz tvkoc miqsaz htenc kuex tvdung sung taq tauk. Ngvy luimc vkawc maq raungmungx htenc kuex tvparc ruiux; Ngaz rueq shalx, yapix nuiyc ruiysuiyq htenc kuex ngaz rueq lawc yaq.


Ngvy yauk maq ghaq vjungx tvjvp vtueq raungmungx htenc kuex tvparc tauk. Ghaq nuiyc raungx kuex ngaz rueq gvl tauk nuex, kvruex hez kuex lvmx lvy dvyx dung wvnc wuez tueq.


Raungx mungtan kuex tvparc vtueq, ghaq kuex vjungx ruingx tv-phaungx ruiux nuimshiq tvdungc jix Yehowa kuex vlauk shex haz rvgay tuinx? Nuimshiq guirguenc jix htenc, nuimshiq tvbac gay tvkoc tvyoalc yoalx httax yaq hez htenc muex, yvmx ngoz tueq lac nuimshiq kuex mkaq muinz hiyaz vtuinx? Tsuingshiq thuinkhvy kuex nuimshiq muex kvhiz juing yaungx lot muq.


“Ngaz yungx luz vtaungx luimc vkawc nuiyc hungc vlaungc maq ngaz rueq mungkawx muinz, miq muinz, ghaq htauk nuex httax yaq ngvmx saz lotlaz muinz tvdung sung taq tauk; ngaz rueq vthvl wvnc miq ukhaq muex muinz ngaz rueq kuq vshaungx.


“Johvlc Yehowa lex, mnoz rueq mluimc vkawc yunghvlc nuiyc hungc vlaungc maq ghaq nuiyc raungx kuex tvdung sung taq toq; mnoz tvkoc gvrc hvlc ngoz tueq yvmx muinz vguez.


Vruex bomjungc kuex Israel miqsaz htenc tvkoc Yehowa kox wawc vkaz kvjaz rvtueq. Raungx htenc tvparc ruiux ghaq kuex tvdung sung vtueq, miqsaz muex thuiuzthuic kuy jix Yehowa jungx tueq.


“Nuimhez rueq yvmx ruec lac dvnc vshuinx? Nvnueyc muinz nuimhez rulc rv-ngvlc miqsaz jvnc rvtiq! Kvruex khuec guez yauk shuimc kuex tuip gay ruiux, raungx nuiyc ghaq, svmuktvrax nuiyc kvyuq httax yaq phvnx ruip saz kuex tvdungc sungc jix Tishox kox nuex kvroz wvnc wuez kuinz, ngoz tueq juex nuimshiq muex Thuix Thaungx Vhvlx jungphvnx kuq vphix rvtueq.


Mungkawx nuiyc kvyuq httax yaq phvnx ruip saz htenc tvdungc sungc tvy jix waz Tishox kuex raungx nuiyc ghaq Taungjix rvtueq, miq yauk maq vguirx shomc yuimx nuex httax yaq rvmuq.


Mungkawx kuex Tishox rueq tvdung sung wvnc tueq maq phaungc vtueq, miqsaz htenc rueq muik maq khiz lot muq vpiq pattup pat-sac luimc vkawc nuiyc vpiq kuex vsuing Tishox rvtueq gvnngvmx kuex vhvlx waq tuiuz wvnc wuez tueq. Kvkhoc tuiuz wvnc tueq kuex Tishox rueq vtvdung sung taq tueq phvnx htenc kuex tsuingshiq rueq khic ningkhvnc nuex rvtueq, kvkhoc rvtueq kvruex miq htenc kuex miqmac yaq rax wvnc tueq mvrax tvkoc nuex vjungc tv-phvyx juing lvmx vguez rvtueq.


Tishox rungwanx kuex vtanc khvnc yungx yaq nyix! Vpiq taksux tharc nuiyc phaqjic kuex vtanc khvnc thuiuz sungx yaq nyix! Vpiq rueq htvp htaz tvhungx yaq kuex uraq lac jungphvnx kuq lot shvnx? Vpiq lvmz kuex uraq lac tuiuz lot shvnx?


“Nuiyshiq Taungjix Tishox lex! Mnoz rueq vphaungc vyaungc maq phuex tvdung sung vtueq, kvruex kuex mthuinz roc httax vtueq rullungx tvraungx httax wuez yaq, kvkhoc rvtueq mnoz kuex ngauz vngax, tvtsanc nganc nuiyc luimc vkawc kuex lvp aungx yaq,” ngoz tueq jungx wuez yaq.


Síguenos en:

Anuncios


Anuncios


¡Síguenos en WhatsApp! Síguenos