JEREMIA 4:8 - Hawa Naga Bible 2001

⁸ Kvkhoc rvtueq ruiyhec khvy svmx ruiux, khoar nyerx wuez kuinz, yvmx khoc lac ngoz ruiux lec Yehowa thuinkhvy bac hvlc kuex Yuda mungx wawc lvmz gay tueq rvmuq.

ASII LAKDAP Bible (BSI)

⁸ Arningkhan wunthaü riinaü samtong samlanta agiliilii hoq ronglaq, jamkhano ngukla Tatiwe tsankhiq ka Juda mung khuthaq wa jang wan mak dea.

JEREMIA 4:8 Referencias Cruzadas

Tvtsvmc 78:49

Vpiq rueq vpiq thuinkhvy kuex ruiuc koq tueq vthueyc kamx waz htenc httuiuc kaz tueq ikhoc jamjaux kuilc daz yunghvlc tsuingshiq muex tvyaungc kuq tueq.

ISAIA 10:4

Nuimshiq kuex ralx khvt nuex thvy rvhumc tuinx, rvmuq ngoz ruiux khoktep miqsaz htenc ikhoc het shvlc wvnc rvhumc tuinx. Kvkhoc rvyruiux doc muinz Yehowa thuinkhvy htumx muq; murx tvgurc tvkoc vyauk kuex tenz hvt dvyx rvshuex.

ISAIA 13:6

Vthuiuz vsac maq guyc sez khoar kuinz! Yehowa raungnuiyq kuex vnyek dvyx shex, Tvphaungc Tvsuip waz kox wawc tvbac gay raungnuiyq kuex httuiuc kaz yaq shex.

ISAIA 22:12

Tvphaungc Tvsuip Johvlc Yehowa rueq mnoz kuex vkhoarc vnyerc, vyonz vyex, mkhux luk gay ruiux ruiyhec khvysvmc tvkoc nvr shec tueq.

ISAIA 32:11

Nuimshiq kuex rvwvlc tvmaung rac muq piauc hvlc dvyx httax vtuinx; yuq muinz majuiuc kuex hiyaz kvkhuirc wuez kuinz! Nuimshiq khoz vkhvy htenc kuex put gay ruiux nuimshiq khez kuex khvy jez maq shuit wuez shuinz.

ISAIA 5:25

Yehowa kuex vpiq miqsaz muex khaq vtueq tsuingshiq muex murx tvgurc tvkoc vyauk tenz tueq. Kanx htenc kvbuilc vtueq, vthueyc vruez kaz maungx htenc kuex lvmx nuex suingkez namx yauk ikhoc kv-phungc tuex. Yehowa thuinkhvy kuex shix kaz tuex rvmuq, yuq muinz murx tvgurc muex vpiq yauk kuex tenz ruq dvyx rvshuex.

ISAIA 9:12

Shaldungc kox wawc Siria mungx nuiyc shalx nyuip kox wawc Philistin mungx rueq Israel kuex yuk gay tvkoc tsuingshiq nuix htenc tvkac wuez yaq. Kvkhoc rvyruiux doc muinz, Yehowa vpiq thuinkhvy kuex shiz muq; vpiq yauk kuex murx tvgurc muex tenz hvt dvyx doc.

ISAIA 9:17

Kvkhoc rvtueq Taungjix rueq yalxrox waz washiz muinz tvdung gay shuex rvmuq, nojix saz tamx nuiyc mvntix nyuiuz tamx muex muinz menjenc shuex rvmuq, yvmx khoc lac ngoz ruiux lec miq lotlaz kuex tishox vguez, layx bac nuiyc tsuingshiq kvjak tuex ruip rawx kuex vshuy vshac kvjaz dvyx rvtueq. Kvkhoc rvtueq Yehowa vpiq thuinkhvy kuex htumx muq, murx tvgurc muex vyauk kuex tenz hvt dvyx.

ISAIA 9:21

Manase miqsaz nuiyc Ephraim miqsaz kuex vdvmz dvmz rvkhvt wuez tueq yix maq, vdvmz nuex kvruiuz vtueq Yuda kuex khvt tueq. Kvkhoc rvtueq Yehowa thuinkhvy kuex htumx muq, murx tvgurc muex vyauk kuex tenz hvt dvyx.

JEREMIA 25:34

Walaungx bix lex, khoar wuez kuinz, ngvy miqsaz remc jix hez lex, hung vtueq guyc khoar kuinz! Yonzyex vtueq bokkhuyx nuex rv-nyvt wuez kuinz. Mnoz thvy gay tvkoc vkhing httuiuc wvnc yaq ningkhvnc nuex, khelbuenx pung hez ikhoc thvy gay rvhumc tuiux.

JEREMIA 48:20

Tsuinghez rueq ‘Moba kuex maq tueq shex, piq tvkoc khoar kuinz; kvruex kuex yvlc svy rvhumc yaq. Moba tvbac gay rvhumc tueq lvmz kuex Arnon Ruilx wvlex nuex jungx tvtay shuiuz!’ ngoz tueq tvralc shuex.

JEREMIA 6:26

Yehowa rueq vpiq miqsaz muex jungx tueq, “Ruiyhec khvy kuex svmx ruiux tvp nuex rv-nyvt wuez kuinz. Mnoz kuex tvbac gay tvkoc huingc rvhek laz maq khvt kay ningkhvnc nuex, saz vshiz lauk lauk thueyc kaz tueq ikhoc pinhtumc yonzyex khoar wuez kuinz.

AJONJÜ 1:12

Piq rueq vruex maq lvy jix miq tek muex, “Ngaz kuex lawc kuit! Ngaz vkhoc thuiuz vsac kuex ukhaq muinz rvhumc muit shvmx nauz,” ngoz tueq guyc sez ramc tueq. Yehowa rueq vpiq thuinkhaq yaq nuex ngvy htauk nuex vthuiuz vsac tvgurc kuq phuex.

EJEKIEL 21:12

Vthueyc rvyaq miq lex, yonzyex vtueq guyc khoar kuiuz; vruex yaung kuex ngvy miq htenc nuiyc Israel walaungx bix lotlaz tvkoc rvtueq kuex vlvmz tvkhic yaq. Tsuingshiq kuex kvjungx yaq ngvy miq htenc rulc vdvmz nuex thvy gay rvhumc tuex. Thuinz htumx vtueq mkhuiuq kvyuq kvwungc kuiuz!

EJEKIEL 30:2

Vpiq rueq, “Vthueyc rvyaq miq lex, ngaz, Johvlc Yehowa rueq jungx vshaungx kuex rawshvmx shvmx vtueq jungx shuiuz. Mnoz rueq vruex kvjaz htenc kuex ramc jungx shuiux: Vhiz juing raungnuiyq kuex httuiuc wvnc yaq shex!

Yoel 1:13

Shomrawx nuex shuimc lvmc jix shomc waz bix lex, ruiyhec khvy svmx vtueq khoar wuez kuinz! Shomc Yuimx mungx nuex kaz vtueq wvrx taungx yonzyex kuinz! Nuimshiq Tishox muex shomc kuy juing tuiz vtsvmz nuiyc svpiq tix vguez shex.

AMO LUIK DVP (AMOS) 8:10

Ngaz rueq nuimshiq kuiuq vmoalx htenc kuex vluip vshoay moalx tvyaungc ruiux, nuimshiq kokez shic kuex vyonz vyex nuex layc gay shaungx. Ngaz rueq nuimshiq khux htenc tvsawc gay ruiux ruiyhec khvy tvsvmc phaungx, nuimshiq kuex saz shauk thueyc kaz koq yuq vnyuiuz nuiyc vwaz yonzyex rvhumc yaq ikhoc yaungx wuez tuinx. Kvruex raungnuiyq kuex vkhuip vkhaq httax laz juing htumx wvnc tuex.

Mikha 1:16

Yuda miqsaz lex, nuimshiq rueq lungwawx vshuinx sahez tvkoc khux sulx vtueq yonzyex wuez kuinz. Nuimshiq suiuz vsaz htenc lvmx luz mungx nuex thuq laq wuez vshuex ningkhvnc nuex nuimshiq khux kuex lawx tawx khux ikhoc tvsawc gay shuinz.

WEAWEA 25:4

Moshe muex ngoc, “Ngvy thuinkhvy shiz tvkoc Israel miqsaz walaungx bix htenc kuex tvdung vtueq mungx miqsaz khaungkac nuex thvt gay shuiuz,” ngoz tueq jungx tueq.