JEREMIA 4:5 - Hawa Naga Bible 2001

⁵ Mungtan wvtaungx nuex bolic tuimz shuinz! Selc suil vyungx maq ramc shuinz! Yuda miqsaz nuiyc Yerusalem jix lex lung palx ruk vhttax ghaqyungx htenc nuex yuz wuez kuinz.

ASII LAKDAP Bible (BSI)

⁵ Juda mung tlotli na lerong tsülaq! Tiihong laüta agi lülü maq riimlaq! Juda mungti nai Jerusalemti kiitelong maq trotam maq rukje chela thun kiina juronglaq nguta chonglaq.

JEREMIA 4:5 Referencias Cruzadas

ISAIA 28:19

Kvruex kuex lauk shiz maq lauk shiz, raungnvp shiz maq raungnvp shiz nuimshiq kuex wungthvt gay kv-phuinx. Nuimshiq rueq kvruex raungnuiyq raungwvrx nanx juing rvtueq. Tishox kox wawc vlvp bomjungc vnyalx bomc tek kvhiz juing jvnc rvtueq!

JEREMIA 11:2

“Bomkhvrc nuex httax yaq khuec vlvmz kuex tay shuinz. Yuda nuiyc Yerusalem miqsaz muex jungx shuiuz.

JEREMIA 35:11

Yuq muinz Hokhvmx Nebukhadnezar rueq mungtan khvt wvnc tueq nuex Babelon nuiyc Suria nolaungx hez yauk wawc dungc wvnc muex Yerusalem nuex waungc tvkoc nuiyshiq rueq htvp htaz wvnc tiq. Kvkhoc ningkhvnc nuex nuiyshiq Yerusalem nuex httax vtix,” ngoz tueq tvralc tueq.

JEREMIA 5:20

Yehowa rueq, “Yaku suiuz vsaz hez jungx kuq shuiuz, Yuda miqsaz htenc muex jungx shuiuz:

JEREMIA 6:1

Benjamin miqsaz lex, kvwungx tvkoc yuz wuez kuinz! Yerusalem maq kaz wvnc kuinz! Tekoa ghaq maq bolic kuex tvthuiz shuinz, Bet Hakerem ghaq maq httoarc tvlvp wvr htung kuex tvjvp shuinz. Thuimkux nuiyc tvbac jix kuex ghaqkhux kox maq httuiuc kaz yaq shex.

JEREMIA 8:14

Tishox vpiq miqsaz rueq, “Naungshiq kuex yvmx ngoz tueq lac ngaungc hvt dvyx httax kaz tix? Kaz luit, lung palx ruk ghaqyungx htenc nuex yuz vtueq kuiyqshuik maq thueyc wuez ix. Yehowa naungshiq Tishox kuex naungshiq rueq vpiq muex yaq gay tiq mvrax ningkhvnc nuex naungshiq kuiyqshuik maq thueyc wvnc tvkoc tvbac gay ruiux, naungshiq nuex vyangx tix kuex tvnuingc gay phuex.

JEREMIA 9:12

Ngaz rueq, “Yehowa lex, yvnc vghaq kuex kumtsvy tvnx ikhoc shanx wvnc vtueq, yvmx ngoz tueq lac ukhaq muinz lvy khuemx wuez muq rvkaz tvnx? Vruex lvmz hunghtaungx laz tuiuz tvkoc wvtharc jix waz kuex ukhaq lac? Ukhaq muex lac kvruex lvmz mnoz rueq jungx kuq lot vtueq, kvruex waz rueq vganc jix miq muex jungx kuq lvp shuex haz?” ngoz tueq wiz tauk.

EJEKIEL 7:14

Bolic tuimz shuiuz, miq pumz tek vtueq tvyoalc wuez shuinz. Yuq muinz washiz muinz ralx rvlungc nuex kaz wuez muq, yvmx khoc lac ngoz ruiux lec Tishox thuinkhvy kuex miq pumz tek htauk nuex httuiuc wvnc tuex rvtueq.

Hosea 8:1

Yehowa rueq vkhoc jungx tueq, “Bolic kuex tuimz shuiuz! Ralx htenc kuex lawx htenc rueq ikhoc ngvy mungtan kuex phamx wvnc yaq nyix! Ngvy miqsaz htenc kuex tsuingshiq rulc ngaz rueq vtaq bomkhvrc kuex tvbac gay ruiux ngaz rueq tvluing vshaungx kuex khawx lvlx yaq.

Yoel 2:1

Tishox vsawc ghaqluimx, Zion nuex, bolic tuimz shuinz; honc lvmc tvruingc kuq shuinz. Yuda miqsaz lex, kvkhuirc hiz wuez kuinz! Yehowa raungnuiyq kuex mtanc rvmuq httuiuc wvnc yaq.

AMO LUIK DVP (AMOS) 3:6

Ghaqyungx mungx nuex ralx lungc bolic thuiz ruiux yuq, ghaq miqsaz kuex hiz muq haz rvtvnx? Yehowa rueq jamjaux kuilc daz tvkaz muq ngoz ruiux ghaqyungx kvyuq yaungx tuex haz?

AMO LUIK DVP (AMOS) 3:8

Hangsic huk hex ruiux yuq, hiz muq maq ukhaq lac httax lot tvnx? Johvlc Yehowa kvjak ruiux yuq, rawshvmx shvmx muq kuex ukhaq lac rvtvnx?

WEAWEA 10:2

“Mnoz rueq miq htenc tvtuimx gvl shuiux nuex muinz, jerak httak shuiux nuex muinz tuimc kuy tvkoc kuimphox bolic vnueyc kuex tvhungx jek guirx shuiuz.

WEAWEA 10:3

Bolic nueyc kuex vthuic thuic luz het vtueq tvthuiz ruiux yuq, miq htenc kuex ngaz httax vtaungx Tap kaluix nuex httax vtuiux mnoz kox kvyuq rvtuimx kay rax.

JOSHUA 10:20

Yoshua nuiyc Israel miqsaz rueq ralx htenc paunghvlc thvt gay tueq, yuq muinz ralx wvyvmc kuex yuz wvnc vtueq palx ruk vhttax ghaqyungx htenc nuex httuiuc kaz tueq ningkhvnc nuex vthvy gay rvhumc muq.