JEREMIA 13:17 - Hawa Naga Bible 2001

¹⁷ Mkhoc shoc maq mnoz rueq tay muq, mngamc boq ruiux yuq, ngaz kuex vyumx maq khoar taungx; Yehowa mmiqsaz kuex vlvp lvy rvhumc yaq jix ikhoc lvp lvy rvhumc ningkhvnc nuex, ngaz kuex vkhuip vkhaq httaz laz juing khoar vtueq ngvy muik phic svrc tuex, yvmx khoc lac ngoz ruiux lec Yehowa miqsaz htenc kuex thuq lvy ningkhvnc nuex rvtueq.

ASII LAKDAP Bible (BSI)

¹⁷ Kiimaq namshiq raq taiman riihanla, ngi ka namshiq shiikong kha chhilata, ahukse maq mihoqha; Ngi ka makphai khüshang mihoqha, kiimaq imakphai ka mirok, jamkhano ngukla Tatiwe senginok ka rewe raq shumwikong ma kharü maq kha raüta tsuq wanto.

JEREMIA 13:17 Referencias Cruzadas

Tvtsvmc 119:136

Miq htenc rueq mtvrac kuex phvnx muq ningkhvnc nuex ngvy muik phic kuex yuix ruilx ikhoc kaz yaq.

Tvtsvmc 80:1

Israel Khelbuenx remc waz lex, nuiyshiq muex tay kuq koq; khelbuenx kung htenc muex walaungx waz lex, nuiyshiq muex tay kuq koq. Kherubim htauk wawc mhoc daungraungc nuex ngaungc jix waz lex,

ISAIA 63:11

Yuq muinz tsuingshiq rueq lvy wvnc tueq, Yehowa nvrc waz Moshe pat wawc raungnuiyq htenc kuex rvwvl wuez yek vtueq, “Svmuktvrax wawc vpiq miqsaz muex walaungx bix kuex palc wvnc jix Yehowa kuex majuiuc m-yuq lac? Moshe muex vpiq siyac kuy jix Yehowa kuex m-yuq lac?

JEREMIA 14:17

Ngaz yonzyex vtaungx kuex mungx miqsaz muex jungc kuy tvkoc ngaz muex Yehowa rueq nvr phuex: “Ngvy muik htenc kuex raung-nuiyq raungwvrx muik phic m-svrc kueq, ngvy miqsaz kuex pinhtumc vphiz vshuz rvhumc vtueq, thuiuz sac hvlc ningkhvnc nuex ngaz kuex mkaq muinz vkhoarc thauk lot mauk mruez kueq.

JEREMIA 15:17

Ngaz kuex vganc jix miq rulc nueyx luemz vtueq vkhing tvhttvmc vshaungx rvmuq. Mnoz rueq nvr shuiux kuex phvnx ruiux ngvy lauk lauk dvyx httax vtueq thuinkhvy mvrc yaq.

JEREMIA 17:16

Yuq muinz Yehowa lex, ngaz rueq tsuingshiq htauk nuex kuilc daz tvgurc tvkoc mnoz muex jungx mauk doc, tsuingshiq tvkoc kuilc daz rvhumc vkhing kuex ngaz rueq roc vshaungx rvmuq. Yehowa lex, vruex lvmz mnoz rueq tuiuz yaq; ngaz rueq jungx tauk kvjaz kuex mnoz rueq tuiuz yaq.

JEREMIA 22:5

Yuq muinz mnoz kuex ngaz rueq nvr phaungx tay muq ngoz ruiux yuq, vruex hoc kuex bac wvnc tuex ngoz tueq ngaz rueq mnoz muex tuemc kuq vphaungx. Ngaz, Yehowa rueq jungx vshaungx.

JEREMIA 23:1

Vpiq miqsaz htenc kuex tvbac gay vtueq tvpanc yanc gay jix guimz lawc jix hez htauk nuex Yehowa rueq phox shuex kuex mtanc khvnc kvhiz juing wuez rvtvnx!

JEREMIA 23:2

Vruex kuex Yehowa Israel Tishox, rueq vpiq miqsaz kuex tvwungx lawc aungx yaq guimz lawc jix hez muex jungx tueq kuex: “Mnoz rueq ngvy miqsaz htenc kuex tvwungx lawc muq; mnoz rueq tsuingshiq kuex tvpanc gay ruiux yurc gay toq. Majuiuc kuex mnoz rueq shuimx wvnc toq layx bac yauk shuimc ningkhvnc nuex ngaz rueq mnoz muex murx tvgurc phaungx.

JEREMIA 9:1

Ngvy khux poz kuex yuix tumz yuix, ngvy muik htenc kuex muik phic ruilx yaungc tvkoc ngaz rueq raungc raq vshaungx, kvkaq ngaz kuex vthvy gay rvhumc tueq ngvy miqsaz htenc tvkoc raungnuiyq raungwvrx khoar lot taungx rvtueq.

AJONJÜ 1:16

“Kvkhoc rvtueq ngvy muik htenc maq muik phic yvlx yaq. Vshiz raung rueq muinz ngaz muex sitenc yatenc lot muq; vshiz raung rueq muinz ngvy thuinz tvyungc kuq lot muq. Ralx htenc rueq ngaz kuex taungx gay phuex; ngvy miqsaz htenc rueq yvmx muinz lvp muq.

AJONJÜ 1:2

Piq kuex wvrx taungx khoar vtueq; piq muik phic kuex vhtvlx phawc maq svrc yaq. Kungkhux wawc piq kungjix lot- laz kuex piq muex sitenc yatenc jix vshiz muinz vguez. Piq rulc rungx raz jix htenc rueq piq maq tvmtuing kv-phelc wvnc vtueq majuiuc piq kuex khawx lvlx wuez yaq.

AJONJÜ 1:9

Piq sawc muq kuex yoalx rek dvyx kvkhic yaq, yuq muinz piq khaungx tvmax kox tvkoc rvwvlc tvmaung lvmz tvkhic muq. Piq rul wvnc tueq kuex vkawc yawc juing rvtueq; vshiz raung rueq muinz piq muex sitenc yatenc lot shuex rvmuq. Piq ralx hez rueq piq kuex taungx gay koq tueq, menjenc kuy tvkoc Yehowa kox wawc guyc sez thoz tueq.

AJONJÜ 2:18

O Yerusalem lex, mpalx ruk htenc rueq Taungjix muex m-guyc ramc shueq! Mmuik phic kuex yuix ruilx ikhoc raungnuiyq raungwvrx msvrc kueq; Mshauk pumz kuex vkhoarc vsez nuiyc vyonz vyex raz tueq nulx wvnc kueq!

AJONJÜ 3:48

Ngvy miqsaz htenc batac wvnc ningkhvnc nuex yuix ruilx htenc kaz yaq ikhoc muik phic yvlx yaq.

EJEKIEL 24:16

Vpiq rueq, “Vthueyc rvyaq miq lex, mnoz rueq lungwawc hvlc waz kuex ngaz rueq lauk shiz lvmz maq dvyx shvlx wvnc shaungx, piq kuex vhuingc rvhek maq dvyx thueyc kaz tuex. Mnoz kuex kvbot nyvnx, vkhoarc vnyerc, muik phic ruk tuiux rvmuq.

EJEKIEL 34:31

“Ngvy khelbuenx hez lex, ngaz rueq dungx ghaq vphaungx khelbuenx kung nuimshiq kuex ngvy miqsaz htenc rvtuit, ngaz kuex nuimshiq Tishox rvtauk,” ngoz tueq Johvlc Yehowa rueq jungx tueq.

EJEKIEL 36:38

Mvnnuex lvy wvnc tueq nuex Yerusalem ghaq kuex moalx raungnuiyq htenc, shomc nawk kuy muex shomc kuy juing khelbuenx htenc kv-phungc yaq ikhoc, majuiuc kvhttak bac wvnc tueq ghaqyungx htenc kuex miq mvrx wvnc tuex. Kvkaq ngaz kuex Yehowa rvtauk lvmz tsuingshiq rueq tuiuz wvnc wuez shuex,” ngoz tueq jungx tueq.

EJEKIEL 9:4

“Yerusalem ghaqyungx hup nuex khuemx kaz vtueq, ghaqyungx mungx nuex miqsuirc vsac shuimx yaq lotlaz kvruex ningkhvnc nuex thuinbac yonzyex vtueq kuilc daz rvhumc yaq jix miq ruip rawx khaungkuimx htauk kvyuq tvtsuingc juing tvkop taq shuiuz,” ngoz tueq jungx phuex.

MALAKI 2:2

Nuimshiq shuimc vkay maq ngaz muex tvtsanc nganc kuq phuinx. Mkhoc shoc maq ngvy kvjaz kuex nuimshiq rueq tay muit ngoz ruiux yuq, ngaz rueq nuimshiq htauk nuex mvnhttonx tvrvhumc phaungx. Nuimshiq rueq tvluimc vshuinx htenc kvmuinz mvnhttonx tvrvhumc shaungx. Vsuingc suing kvruex htenc kuex majuiuc doc muinz mvnhttonc rvhumc wuez yaq, yvmx khoc lac ngoz ruiux lec ngaz rueq nuimshiq muex nvrc phaungx kuex tvtsanc nganc muit ningkhvnc nuex rvtueq.

1 SAMUEL 15:11

“Sholu kuex ngaz rueq hokhvmx muex tvyaungc gay vtueq ngaz yonz vtaungx; piq kuex ngvy kox wawc kvroz wvnc vtueq ngaz rueq nvr shaungx bomc muinz phvnx muq,” ngoz tueq jungx tueq. Samuel kuex thuinkhaq tueq, piq rueq wvrx taungx Yehowa kox wawc kvmenc jenc thoz tueq.

1 SAMUEL 15:35

Samuel kuex tvraungx httax tueq wawwawx hokhvmx waz rulc rvhumc muq shex; yuq muinz piq kuex Sholu ningkhvnc nuex thuinbac hvlc rvtueq. Yehowa muinz Sholu kuex Israel hokhvmx muex tvyaungc tueq ningkhvnc nuex yonz tueq.