JEPHANIA 1:13 - Hawa Naga Bible 2001

¹³ Tsuingshiq tsak vnyvmx htenc sumx wvnc ruiux yuimx htenc tvbac gay shuex. Tsuingshiq rueq vguirx yuimx htenc kvyuq mkaq muinz httax lvp tuex rvmuq, svpiq sunc khic yuingc taq ruiux muinz svpiq tix nuingx lvp shuex rvmuq.”

ASII LAKDAP Bible (BSI)

¹³ Tsangtsiiq tsang-nyam tum thun, wiita mirun wan; tsangshiq jam thun kiimin, wiita mitiithen baiq; tsangshiq raq jamhai tlaq kiijiimin, silumak miraq. Kiimaq spiqro chhi tlaq kiimin, spiqtai nyanglu mak miraq.”

JEPHANIA 1:13 Referencias Cruzadas

ISAIA 6:11

Ngaz rueq, “Taungjix lex, mtanc nuex httuiuc laz vkhoc yaungx wvnc tvnx?” ngoz tueq wiz tauk. Vpiq rueq, “Ghaqyungx htenc bac wvnc vtueq sawc ric yaungx wvnc tuex nuex httuiuc laz, yuimx htenc kuex kuiyqshuik kuiyq shix yaungx wvnc vtueq, ghaq kuex sawc riric phaq tvwawc gay shec shuex vkhing nuex httuiuc laz rvtuex, ngoz tueq tvralc phuex.

JEREMIA 15:13

Yehowa rueq ngaz muex jungx phuex, “Ngaz rueq wvmungx tuimx nuex tsuingshiq rueq yaq tueq mvrax ningkhvnc nuex, tsuingshiq muex murx tvgurc tvkoc ngvy miqsaz tsak vnyvmx htenc tvjomx lvmc wvnc muex ralx hez kuex ngaz rueq tvkaz shaungx.

JEREMIA 4:20

Thuimkux kuex phvnshiz maq phvnshiz httuiuc wvnc yaq; wvmungx tuimx bac wvnc tueq. Naungshiq tap htenc kuex huingc rvhek maq bac wvnc tueq; kvruex tuk juing htenc kuex kvjuirc kaz wuez tueq.

JEREMIA 4:7

Piq kvhttuiyq juing baung wawc dung kaz yaq hangsic ikhoc, miqphvnx ruip rawx tvbac gay jix waz kuex dung kaz yaq. Piq kuex Yuda mungx tvbac gay muex kaz yaq. Yuda ghaqyungx htenc kuex bac wvnc vtueq, miq vshiz muinz httax tuex rvmuq shex.

JEREMIA 5:17

Tsuingshiq rueq nuimshiq pulx thuey waqthuimx nuiyc phuiuz vsvy kuex phauk saq vtueq; tsuingshiq rueq nuimshiq saz miqwaz sahez nuiyc yalxjuik sahez kuex thvt gay shuex. Tsuingshiq rueq nuimshiq khelbuenx htenc nuiyc suiux vngac htenc nuimshiq svpiq ruiuz htenc nuiyc phuiuq muiuq jungx htenc kuex tvbac gay shuex. Tsuingshiq nolaungx bix rueq nuimshiq rueq tvluimc vshuinx lung palx ruk ghaqyungx htenc kuex tvbac gay shuex.

JEREMIA 9:11

Yehowa rueq, “Ngaz rueq Yerusalem kuex tvthuip tvkhvt tvbac gay ruiux, yaruix guyhex httaz juing muex tvyaungc shaungx; Yuda ghaqyungx htenc kuex kuiyqshuik kuiyq shix yaungx wvnc vtueq ukhaq muinz httax muq baung muex yaungx wvnc tuex,” ngoz tueq jungx tueq.

JEREMIA 9:19

Zion nuex khoar yaq tvruingc kuex tay shuinz: “Naungshiq bac wvnc vtix shex! Naungshiq pinhtumc yvlc svy rvhumc vtix! Naungshiq rueq naungmungx kuex gay shec juing shex; naungshiq yuimx htenc httak gay rvhumc tiq.”

AJONJÜ 5:2

Nuiyshiq tsak vnyvmx kuex juiuc httuingx wuinz waz yauk nuex nyuip woz vtueq; pungnuk miqsaz muinz nuiyshiq yuimx htenc nuex httax yaq.

EJEKIEL 22:31

Kvkhoc rvtueq ngaz rueq ngvy thuinkhvy kuex tsuingshiq htauk nuex ruiuc gay ruiux, tsuingshiq rueq shuimx wvnc tueq honc vyaungc rulc rv-ngvlc tsuingshiq kuex wvr rueq ikhoc tvbac gay shaungx.” Johvlc Yehowa rueq ngoz tueq.

EJEKIEL 7:19

Tsuingshiq rueq miqmac kuimshawx nuiyc kuimphox htenc kuex suingkez ikhoc lvmx htenc nuex tuip gay wuez shuex, yvmx khoc lac ngoz ruiux lec Yehowa rueq vpiq thuinkhvy phuk yaq kuex ruiuc gay shuex nuex, kuimphox kuimshawx rueq tsuingshiq kuex palc lot muq ningkhvnc nuex rvtueq. Tsuingshiq rvmc tvlvp muex rvmuq ngoz ruiux tsuingshiq wuk tv-phoay muex shuimx lvp muq. Kuimshawx nuiyc kuimphox rueq tsuingshiq muex mvrax tvshuimx yaq.

EJEKIEL 7:21

Yehowa rueq, “Ngaz rueq pungx mungx miqsaz htenc muex kvruex hup vsvmx htenc kuex tv-nyvlc shaungx, tvrac phvnx muq miqsaz rueq muinz tsuingshiq tsak vnyvmx lotlaz kuex lvmz vtueq tvshuy shac gay shuex.

EJEKIEL 7:24

Ngaz rueq layx bac miqphvnx htenc kuex vruex mungx vyuq tv-nyuip ruiux tsuingshiq yuimx vwuik htenc kuex tvlvp luz wvnc shaungx. Mnoz rueq nawk palx vshuiux baung htenc nuex miqphvnx htenc muex tvshuy shac gay tauk nuex, mnoz hunglaungc httax hvlc waz hez kuex kvmluimx thuinz htumx wvnc tuex.

AMO LUIK DVP (AMOS) 5:11

Nuimshiq rueq htemc saz jix kuex tuinghtuing vtueq tsuingshiq tuiz vtsvmz kuex nyvlc gay tuit ningkhvnc nuex, nuimshiq rueq guirx taq tuit svp hvlc lung yuimx htenc nuex httax lvp tuinx rvmuq, nuimshiq rueq vkhic svp hvlc svpiq sunc wawc svpiq tix kuex nuingx lvp shuinx rvmuq.

Mikha 3:12

Kvkhoc rvtueq, nuimshiq ningkhvnc nuex, Zion kuex nax ikhoc htoay gay rvhumc ruiux, Yerusalem kuex tvbac httak phungc gay rvhumc tuex, Shomc Yuimx luimx kuex luingx vlak yaungx wvnc tuex.

Mikha 6:15

Nuimshiq rueq vlix khic wuinc shuinx, yuq muinz yut saq shuinx rvmuq. Nuimshiq rueq olip thuey wawc vpuiz sur ruiux muinz kvruex mkaq muinz shuimx lvp muit. Nuimshiq rueq svpiq thuey kuex sur ruiux muinz kvruex mkaq muinz nuingx lvp muit.

JEPHANIA 1:9

Yac yuimx nawk jix ikhoc nawk yaq jix htenc nuiyc tsuingshiq taungjix yuimx kuex vguiuq vruez taungx vwawx maq tvmvrc tvkoc, miq thvy yauk shuimc jix htenc lotlaz muex ngaz rueq murx tvgurc shaungx.

TRI CHONGKE 28:30

“Mnoz muex lvmc tvkoc vwiz shec yalxjuik nyuiuz kuex vganc jix miq washiz rueq tsuingc nyuiuz muex tvyaungc wvnc shuex. Mnoz rueq yuimx guirx taq ruiux muinz kvruex yuimx kvyuq httax muq, svpiq sunc khic ruiux muinz vthuey saq lvp muq.

TRI CHONGKE 28:39

Nuimshiq rueq svpiq sunc htenc khic yuingc vtueq tsvp kvp shuinx, yuq muinz vruiuz htenc kuex vyung rueq tvnc gay vtueq vthuey kuex saq lvp muit, vtix muinz nuingx lvp muit.

TRI CHONGKE 28:51

Nuimshiq rueq phuiuz svy juing nuimshiq suiux vmanx htenc nuiyc vthuey vngoz htenc kuex tsuingshiq rueq phuiuz svy ningkhvnc nuex nuimshiq kuex rvmc rueq thueyc mvy wvnc wuez tuinx. Nuimshiq tuiz vtsvmz, svpiq thuey tix, olip puiz, suiux vmanx htenc lotlaz phuiuz svy gay ningkhvnc nuex nuimshiq kuex rvmc rueq thueyc wvnc wuez tuinx.