James 5:4 - Hawa Naga Bible 2001

⁴ Nuimshiq rueq nuimshiq wuik vnax htenc nuex yauk shuimc jix hez muex yvmx yauk mauk muinz kuq muit. Tsuingshiq kvbot nyvnx yaq kuex tay shuinz! Nuimshiq tuiz vtsvmz gvnc kuy jix htenc guyc sez tvruingc kuex Tvphaungc Tvsuip Taungjix Tishox nac nuex nyuip waung vtuex.

ASII LAKDAP Bible (BSI)

⁴ Namshiq raq namwak na ningchang tham phaqti, tsamhan jaq maq kampho ka kuq man maq haihii lan. Tsangshiq raq aholülü maq tiipaiqnea jaü tlaq kra tai man sha! Tsangshiq hoq trang tlaq kra Tatiwe, Ajong Shiikeawe raq taito she.

Muklom

⁴ Siin inn! Nim aa pik na langtey ma jakthang ko min ang tin, eshi jakthang sha uring ang chey aa. Eshi jakthang ma langtey qhap sha ajong Teyhungwa naq náng thuta.

James 5:4 Referencias Cruzadas

RAPHA HIQWA LAK 4:10

Yehowa rueq, “Mnoz rueq yvmx rvtueq lac vkhoc kvhiz juing yauk shuimc kuex shuimx vshuiux? Mnox piq tvguiy kuex murx tvyez kuy tvkoc gvl yaq tvruingc ikhoc ghaq vmaq ngaz muex ramc thvt yaq vnauz.

YOBA 34:28

Tsuingshiq rueq Tishox kuex ramc tvkoc htemc vrvmc miqsaz htenc muex nvr yaq, vpiq rueq romc kuy tvkoc tsuingshiq rueq ramc yaq kuex tay tueq.

YOBA 7:2

raungbuingc vkuiyq roc yaq dax waz ikhoc muinz; yauk mauk kuy bvmc yaq yauk shuimc jix waz ikhoc muinz rvtueq.

Tvtsvmc 9:12

Tishox rueq kuilc daz rvhumc yaq jix muex rvwvl tvmaung vtueq; tsuingshiq rueq guyc thoz yaq kuex lauk gay muq, vpiq rueq tsuingshiq muex yaq jix htenc muex murx tvgurc yaq.

DUNGWVNC 22:27

yvmx khoc lac ngoz ruiux lec piq rueq svmc juing vruex vshiz lauk lauk dvyx wuez rvtvnx, kvkhoc ngoz ruiux piq kuex yvmx khoc lac kvtsoalx lot tvnx? Kvkaq ngaz rueq romc kuy tvkoc piq rueq thoz ruiux yuq, ngaz rueq piq muex tay kuq shaungx, yvmx khoc lac ngoz ruiux lec ngaz kuex menjenc thuinz vhttax waz rvtauk.

DUNGWVNC 3:9

Ngvy miqsaz khoarc sez tvruingc kuex tay tauk, tsuingshiq kuex Ejip miqsaz rueq yvmx khoc lac guirguenz yaq nguinx kvmuinz ngaz rueq khiz tauk.

ISAIA 1:9

Mkhoc shoc maq Tvphaungc Tvsuip Yehowa rueq tvjungx taq shec miq wvyvmc kuex vguez ngoz ruiux yuq, Yerusalem kuex Sodom nuiyc Gomorra ikhoc tvsawc ric tvbac gay khvmz tueq.

ISAIA 5:7

Israel kuex Tvphaungc Tvsuip Yehowa svpiq sunc rvtueq; Yuda miqsaz kuex vpiq rueq vkhic svpiq ruiuz htenc rvtueq. Tsuingshiq rueq vhvlx shuimx shuex ngoz tueq vpiq rueq tvluimc wvnc tueq, yuq muinz kvkhoc shuimc tvraung tsuingshiq rueq miq thvt gay tueq. Tsuingshiq rueq vlvmz shuimx shuex ngoz tueq vpiq rueq tvluimc wvnc tueq, yuq muinz guirguenc rvhumc yaq hez rueq kuex tvrac vrungx vraz tvkoc ramc wuez yaq.

ISAIA 5:9

Tvphaungc Tvsuip Yehowa rueq jungx yaq kuex ngaz rueq vkhoc tay tauk, “Vruex yunghvlc svp hvlc yuimx htenc lotlaz kuex sawc ric bac wvnc tuex.

JEREMIA 22:13

Piq yuimx kuex tsuingmuq ruxmuq maq guirx vtueq kvruex kuex thuinz vkoarx maq tvyungc ruiux; piq miqsaz muex shauk httuiz maq yauk tvshuimx vtueq tsuingshiq rueq lvp aungx yaq kuex kuq muq waz kuex vphoc rvhumc yaq.

LEWI 19:13

“Miqmac htauk nuex hungc vlaungc vnulx waz kuex nauk yomnamc kaz, piq hup svmx nauk nyvlc kaz, vmauk kuy juing kuex raungnvp kvyix nuex httuiuc laz nauk tvhttvmc kaz.

HABAKUK 2:11

Palx ruk lung htenc rueq doc muinz nuimshiq muex khawx lvlx ramc wuez yaq, wuxwaq htenc rv-nyawx tvruingx yaq.

MALAKI 3:5

Tvphaungc Tvsuip Yehowa rueq, “Nuimshiq muex khac phoc tvkoc ngaz httuiuc kaz vtueq, luinglawc jix htenc, miqjuik miqwaz senc lvy jix htenc, vyaq vphaq hakhix khvmc jix htenc, yauk shuimc jix hez yauk mauk kuex laulawc phuiuz svy jix htenc, mvntix nyuiuz tamx, nojix sahez nuiyc pungnuk miqsaz htenc kuex yomnamc jix htenc maq phaungc vtueq, ngaz muex hiyaz tvtsanc nganc muq jix htenc muex lvmx lvy dvyx tvkhic tvtay shaungx.

Matthew 9:37

Kvkhoc rvtueq vpiq sangac hez muex vpiq rueq jungx kuq tueq kuex, “Tsvmz yut juing tsvmz paunghvlc httax ruiux muinz vyut vgvnc jix miq hungx muq.

Luke 18:7

Vthvlc vruez jix htenc rueq raungnuiyq raungwvrx guyc sez thoz ruiux yuq, Tishox rueq tvrac rulc rv-ngvlc yaungc tvkoc phox kuq muq dvyx haz rvshvnx? Vpiq rueq tsuingshiq muex romc kuy tvkoc kvyix hvlc haz rvtvnx?

Romans 9:29

Kvrulc rv-ngvlc kungkhux nuex Esaia rueq jungx shec tueq kuex, “Tvphaungc Tvsuip Taungjix tvkoc wvyvmc tvjungx taq muq ngoz ruiux naungshiq kuex Sodom ikhoc yaungx vtueq Gomorra rulc rv-ngvlc tix,” ngoz tueq.

TRI CHONGKE 15:9

Htawhtuimc tvmvy tvmauk gay raungwawc httuiuc wvnc muex vyek dvyx shex ningkhvnc nuex piq muex tvnvmc kuq muq maq nauk httax kaz. Mthuinz nuex kvkhoc nauk tvkhiq khvmz kaz. Mnoz rueq piq muex tvkhic nvmc kuq muq ngoz ruiux yuq, piq rueq Yehowa kox nuex tvtay jungc ningkhvnc nuex mnoz kuex mvrax yaq gay muex yaungx tuiux.

Colossians 4:1

Jiyungx waz tamx lex, nuimshiq muinz raungmungx nuex Taungjix washiz lvp taq vshuinx kuex rvwvl hvt maq, miqmac dax hez kuex tvrac vlvmz maq nvr shuinc shuinz.