James 5:3 - Hawa Naga Bible 2001

³ Nuimshiq kuimshawx nuiyc kuimphox htenc nuex phez kop wvnc vtuex, kvruex phez kvraq nuimshiq yaq rax wvnc tuit kox nuex hakhix yaungx kuq ruiux, nuimshiq gvnngvmx kuex wvr rueq ikhoc phauk gay shuex. Nuimshiq rueq vtvsuip raungnuiyq htenc nuex jix tsak vnyvmx hup vsvmx yoalc taq vshuinx ix.

ASII LAKDAP Bible (BSI)

³ Namtsiiq tum chaq nai kampho tum towan tlan kriika, ümchaü chhii raq aphaq wan kun she. Ara chhii raq aphaq rat, namtsiiq namnyam tum towan tlan kriili she, Phangthum khapho ranaiq na, namshiq ka ashut maiqsetiim dea nguta saqseng hakhi mikuq. Kra riili she namrilung na awum abi, kiimaq lapphaq lusiq siwan lan nguta hakhi mikuq. Kiimaq namtsiiq tum riili she namkhum ka mitiikhiim chaq baiq. Namshiq raq namtsiiq tum ka ümchaü phangthum wan pat na riichom lanta phong thü tlan.

Muklom

³ Nim aa hun aa cha tha ram eq sey phak ta; etho eshi ram shey nim ma miikkhi kona etho wal mal nim hanngam sha phakna. Nim aa uthun saal tang rangma ma lik aa ngin thajoq tin.

James 5:3 Referencias Cruzadas

RAPHA HIQWA LAK 31:48

Laban rueq Yaku muex ngoc, “Majuiuc raungnuiyq lung phungc vruex kuex naungnueyc muex hakhix m-yaungx kueq,” ngoz tueq. Kvkhoc rvtueq kvruex hong kv-ngoc Galeed ngoz tueq muingc tueq.

RAPHA HIQWA LAK 31:52

Ngaz rueq tvtsuingc juing lung phungc vruex lvy vtueq mnoz kuex khvt kaz phaungx rvmuq, mnoz rueq muinz tvtsuingc juing lung phungc vruex lvy vtueq ngaz kuex khvt kaz phux rvmuq lvmx kuex, vruex lung phungc nuiyc vruex mvhttarc kuex honc tvsvmc juing m-yaungx kueq.

RAPHA HIQWA LAK 49:1

Yaku rueq vsaz hez htenc kuex gvl vtueq, “Ngvy tvroz vyuq rvtuimx wuez kuinz, nuimshiq yix vmax maq yvmx khoc wuez yaungx wvnc tuinx lvmz kuex jungx kuq ix:

YOBA 16:8

Mnoz rueq ngaz kuex lvp gay phux; mnoz kuex ngvy ralx waz rvtoq. Ngaz kuex vrawz nuiyc vkhuix dvyx shex, miq htenc rueq ngaz kuex mvrax hakhix ikhoc khiz yaq.

ISAIA 2:2

Httuiuc wvnc yaq raungnuiyq htenc nuex Shomc Yuimx httax yaq kanx kuex lotlaz htauk nuex vjoz pinhtumc yaungx tuex, kanx lotlaz htauk nuex vjoz pinhtumc rvtuex. Miq phvnx paunghvlc kvyuq kaz wuez tuex,

JEREMIA 19:9

Ralx hez rueq ghaqyungx kuex komc gay ruiux kvwawc miq htenc kuex thvy gay tvkoc hunglaungx wuez tuex. Ralx hez rueq komc laq tueq kuex vhiz juing ningkhvnc nuex ghaqyungx mungx nuex httax yaq miq htenc kuex vshiz maq vshiz rv-phuiuz vtueq, tsuingshiq sahez tauk phauk gay wuez tueq,” ngoz tueq jungx tueq.

Mikha 3:3

Nuimshiq rueq ngvy miqsaz htenc kuex phauk gay tuit. Tsuingshiq khuix htenc kuex kawk gay ruiux ruk vrawz htenc kuex tv-ngawk soalc vtueq tuik nuex lumc tvkoc ngvmx jumz shix ikhoc tsuingshiq kuex jumz gay vshuinx.

Mikha 4:1

Httuiuc wvnc yaq raungnuiyq htenc nuex Shomc Yuimx jvp yaq kanx kuex lotlaz htauk nuex joz hvlc rvtuex, ghaqluimx lotlaz htauk nuex vjoz pinhtumc rvtuex. Miq phvnx paunghvlc htenc kuex kvruex baung kvyuq rvtuimx waung vtueq,

Acts 2:17

‘Tishox rueq vkhoc jungx tueq, vtvsuip raungnuiyq ngvy Siyac kuex miqphvnx ruip rawx htauk nuex ngaz rueq ruiuc kuq shaungx. Nuimshiq saz yalxjuik miqwaz htenc rueq ngvy bomjungc kuex jungphvnx kuq shuex; nuimshiq yalxrox bix rueq romzyac khiz wuez shuex, nuimshiq nyuiuz waz rulc rueq maung maq maung wuez shuinx.

Romans 2:5

Yuq muinz mnoz kuex khux tvtsanc vtueq tharc humc muq, kvkhoc ningkhvnc nuex thuinkhvy phuk tuex yuq, tsuingrux khac phox shuex raungnuiyq kvkaq mnoz kuex pinhtumc mvrax yunghvlc lvp shuiux.

2 Timothy 2:17

Kvkhoc tvluing yaq lvmz kuex gvnngvmx phauk gay yaq tsukut huiux bawx rulc rv-ngvlc yaq. Kvkhoc tvluing yaq nuex lomx jix wanueyc kuex Humeni nuiyc Philetu rvtueq.

JOSHUA 24:27

Piq rueq miq lotlaz muex ngoc, “Vruex lungkuiux kuex naungshiq lotlaz muex hakhix m-yaungx kueq. Naungshiq muex Yehowa rueq jungx phuex kvjaz lotlaz kuex tay tueq shex. Kvkhoc rvtueq nuimshiq Tishox muex nauk khawx lvlx wuez kaz, vruex kuex nuimshiq tvkoc hakhix muex yaungx tuex,” ngoz tueq jungx tueq.

2 Peter 3:3

Vtvsuip raungnuiyq htenc nuex miqmac gvnngvmx thuinz phvnx vtueq, thuiuzthuic tvraungx jix miqsaz htenc dung wvnc tuex lvmz kuex nuimshiq rueq vphaungc tuiuz wvnc juing rvtueq. Tsuingshiq rueq nuimshiq kuex shummarc vtueq,

Revelation 17:16

Mnoz rueq khiz vshuiux svl vwvl kuiux nuiyc vrungx rokshiz rueq mephex nyuiuz kuex shuiuc pac wuez shuex, tsuingshiq rueq mephex nyuiuz kox wawc httax yaq phvnx htenc lotlaz put nyvlc wvnc vtueq, kvruex nyuiuz kuex sawkumx tvyaungc shuex, vngvmx kuex phauk gay ruiux piq kuex wvr nuex jauk tvbac gay shuex.

Revelation 20:15

Rullungx luik dvp nuex muingc wvlc wuiyq tvy rvhumc muq jix htenc kuex wvr jumx nuex tuip gay rvhumc wuez tueq.

Revelation 21:8

Yuq muinz vhiz thuinz httaz jix, kvmluimx muq maq tvmtuing vguez jix, layx vbac miqsuirc vsac jix, miq thvy jix, htokpawx yauk shuimc jix, mantan htaqpix shuimc jix, yac yuimx nawk palx jix, vrot vkaq kvjaz jungc jix lotlaz kuex wvr nuiyc kanz luic yaq jumx nuex httuiuc wuez tuex, vruex kuex lauknueyc thueyc rvtueq,” ngoz tueq jungx phuex.