ISAIA 3:15 - Hawa Naga Bible 2001

¹⁵ Nuimshiq nuex ngvy miqsaz htenc kuex tvbunx jek gay nuiyc htemc saz jix htenc kuex mop jap svy muex vkhangx vhvlx lvmc juing yvmx muinz vguez. Ngaz, Tvphaungc Tvsuip Johvlc Yehowa rueq jungx vshaungx.”

ASII LAKDAP Bible (BSI)

¹⁵ Namshiq raq isenginok ka ji maq nishishi tseabaiq ka thekmak arang ahü. Lantea miitsan maiqse thun ka nanshan shan haihü ka maimak. Ngi, Ajong Pinthum Tati raq toqtan tiikang.”

ISAIA 3:15 Referencias Cruzadas

Tvtsvmc 94:5

Yehowa lex, tsuingshiq rueq mmiqsaz htenc kuex guirguenz wuez vtueq; mnoz rueq guimz vshuiux miqsaz htenc kuex tuinghtuing wuez yaq.

DUNGWVNC 5:14

Ejip miqsaz dax muex tvkuiux raz kuy jix hez rueq yauk shuimc shunshvlc muex vthvl taq Israel walaungx bix kuex wungthvt tueq. Tsuinghez rueq, “Vruex miq htenc kuex kungkhux nuex nuimhez rueq shuimx ruiux shuinx rulc rv-ngvlc yvmx ngoz tueq lac shuimx muit?” ngoz tueq wiz tueq.

TAKSU LAK 30:14

Htemc saz jix htenc nuiyc lvp muq luz muq rax thuiyc yaq jix htenc kuex menjenc muq maq tuinghtuing vtueq, tvbac jix miq htenc httax yaq; kvkhoc ruez yaq kuex tsuingshiq wuk kvdungc gay yauk shuimc rvtueq.

ISAIA 10:2

Kvkhoc rvtueq nuimshiq rueq htemz vrvmz miqsaz htenc rueq lvp aungx yaq vkhangx nuiyc tvrac vlvmz lvp juing kuex tuinghtuing vshuinx. Nuimshiq rueq mvntix nyuiuz tamx nuiyc nojix saz tamx tsak vnyvmx kuex lvmz wvnc tuit.

ISAIA 14:30

Yehowa kuex htemsuiuz rvmsaz rvtueq vpiq miqsaz htenc khelbuenx remc jix washiz muex yaungx tuex, vpiq rueq tsuingshiq kuex tvkhup wungx vtueq tvhttax shuex. Yuq muinz vpiq rueq Philistin miqsaz htauk nuex vhiz juing thuimkux rvmc kuex tvkaz kuq vtueq, nuimshiq vshiz muinz thuiuzthuic tvraungx httax lvp tuinx rvmuq.

ISAIA 26:6

Htuingshuing rvhumc jix hez rueq kvruex htauk kvyuq majuiuc dvyx khuemx nuiuz vtueq kvruex kuex tsuingshiq yaz khung nuex nut nuiuz gay tueq.

ISAIA 29:19

Htemc saz jix nuiyc thuinz tvyomz jix bix kuex Yehowa Israel vsawc Tishox rueq kuq tueq kokez juing kuex lauk shiz hulawx lvp wvnc yek shuex.

ISAIA 30:12

Yuq muinz vruex kuex Israel muex vsawc Tishox rueq vjungx kvjaz rvtueq: “Nuimshiq kuex ngaz rueq nuimshiq muex jungx phaungx kvjaz kuex wvlc guez muex tvyaungc kuq phuinx, nuimshiq kuex yauk laungc yalawx nuiyc vrot vkaq muex dvyx kvmx vtuinx.

ISAIA 32:6

Miqyaq waz kuex miqyaq maq kvjak vtueq layx vbac shuimc tvkoc dvnc yaq. Piq rueq shuimx yaq nuiyc piq rueq jungx yaq bomc kuex Yehowa yomnamc muex yaungx yaq, piq rueq rvmc svy jix muex mkaq muinz kuq saq muq, rvmuq ngoz ruiux khvmx svy jix miq muex kuq nuingx muq.

ISAIA 5:7

Israel kuex Tvphaungc Tvsuip Yehowa svpiq sunc rvtueq; Yuda miqsaz kuex vpiq rueq vkhic svpiq ruiuz htenc rvtueq. Tsuingshiq rueq vhvlx shuimx shuex ngoz tueq vpiq rueq tvluimc wvnc tueq, yuq muinz kvkhoc shuimc tvraung tsuingshiq rueq miq thvt gay tueq. Tsuingshiq rueq vlvmz shuimx shuex ngoz tueq vpiq rueq tvluimc wvnc tueq, yuq muinz guirguenc rvhumc yaq hez rueq kuex tvrac vrungx vraz tvkoc ramc wuez yaq.

ISAIA 58:4

Nuimshiq rueq phuiuz svy mamc shuinx kuex rvthoz rvthvy maq yauk laungc yalawx ruez vshuinx. Kvkhoc maq nuimshiq rueq phuiuz svy mamc vtueq vjux thoz vshuinx kuex ngaz rueq tay shuex ngoz tueq haz tvmaung vshuinx?

ISAIA 63:8

Yehowa rueq, “Tsuingshiq kuex ngvy miqsaz htenc rvtueq; tsuingshiq rueq ngaz muex laulawc phuex rvmuq,” ngoz tueq. Kvkhoc rvtueq vpiq rueq tsuingshiq kuex

EJEKIEL 18:2

jungx tueq, “Israel mungtan nuex httax yaq miq htenc rueq jungx ruq jungx ruiux yaq vruex bomc tvguip kuex yvmx lac rvtvnx? ‘Vnyuiuz vwaz rueq svpiq thuey vhix kuex saq, Yuq muinz vsahez kuex wac kuimz wuez yaq.’

Jona 1:6

Lix walaungx waz rueq humc kaz vtueq piq muex, “Mnoz yvmx ngoz tueq lac woalc kaz tuiux? Kvtenc vtueq mtishox rueq romc kuy tvkoc vjux thoz shuiuz. Vpiq rueq waz wuez naunghez kuex menjenc vtueq naunghez thuiuzthuic htenc tvluenx wvnc phuex wuez,” ngoz tueq jungx tueq.