ISAIA 1:5 - Hawa Naga Bible 2001

⁵ Nuimshiq rueq yvmx ngoz tueq lac khawx lvlx wuez vshuinx? Nuimshiq rueq murx kuex janc vtueq gurc roc haz? Israel lex, mkhux nuex vmac htenc mvrc yaq, mthuinz vmungx nuiyc mthuinz nuex vthuiuz rvyaq.

ASII LAKDAP Bible (BSI)

⁵ Ümniiraq ikiq khü wanli she ka jam nguto sruriitlaü? Riita ümniiriika imo ka arthaq niimin laihea howan sha rotlaü? Israil loi, ümkhupo niika ümchaü sanha ami atsi phongli she. Kiimaq ümtsantsii nai ümkhutsai ka wiita atsi makaiq she.

ISAIA 1:5 Referencias Cruzadas

2 HOKHVMX 1:13

Hokhvmx waz rueq lauk shiz hulawx vyungx vlaungx washiz rulc vdvmz miq waz rok bv-ngac kuex tvkaz yek tueq. Piq kuex ghaqluimx poz nuex duiz waung vtueq, Elia khaungkac nuex kuix tsvrung bumx ruiux, “Tishox miq waz lex, ngaz nuiyc ngvy miq hez muex menjenc kuq koq. Nuiyhez rullungx kuex tvraungx taq koq!

2 KAÜWA WERAÜ 28:22

Ahaza kuex kuilc daz htenc rvhumc wvnc tueq rvyruiux piq kuex kungkhux wawc htauk nuex muinz vjvnc Yehowa muex mvrax yaq wvnc tueq.

NEHEMIA 9:34

Nuiyshiq jix vwaz tamx, nuiyshiq hokhvmx bix, walaungx bix nuiyc shomc waz bix rueq mtvrac kuex phvnx wuez yaq rvmuq. Tsuingshiq kuex mnoz rueq nvrc bomc htenc nuiyc tharc tvsvmz kuy lvmx kuex tay wuez muq rvtueq.

ISAIA 1:23

M-walaungx bix kuex vlauc vlawc jix nuiyc vguiuq vrot jix hez kungjix muex yaungx yaq; tsuingshiq rueq yauk noalc htenc nuiyc khauloayc yauk noalc htenc kuex mkaq muinz lvmz wuez yaq. Tsuingshiq rueq phoc waz rungx maq nojix saz tamx kuex mkaq muinz tvguing muq, nuiyc mvntix nyuiuz tamx khuec vkhac kuex tay vtueq wisoz kuq muit.

ISAIA 31:6

Tishox rueq, “Israel miqsaz lex, nuimshiq rueq ngaz muex yaq vtueq khawx lvlx phuinx. Yuq muinz majuiuc ngaz kox nuex yek waung luit!

ISAIA 33:24

Naungshiq mungtan nuex httaz jix ukhaq yuq muinz vthuiuz vsac raz tueq kvbot nyvnx kuex mkaq muinz httax tuex rvmuq shex, mvrax httax yaq lotlaz dawc kuq gay shuex.

ISAIA 9:13

Israel miqsaz rueq tharc humc muq shauk doc; Tvphaungc Tvsuip Yehowa rueq tsuingshiq muex murx tvgurc koq muinz, tsuingshiq kuex vpiq kox nuex yek muq.

ISAIA 9:21

Manase miqsaz nuiyc Ephraim miqsaz kuex vdvmz dvmz rvkhvt wuez tueq yix maq, vdvmz nuex kvruiuz vtueq Yuda kuex khvt tueq. Kvkhoc rvtueq Yehowa thuinkhvy kuex htumx muq, murx tvgurc muex vyauk kuex tenz hvt dvyx.

JEREMIA 13:23

Miqsaz rueq miqmac khuix nvm-yaz kuex layc gay, rvmuq ngoz ruiux wuiyq tuimz jaq rueq vwuiyq kuex tv-httot lot shuex haz? Mkhoc shoc maq tsuingshiq rueq layc gay lot shuex ngoz ruiux kuex, mnoz rueq yvmx shuimc muinz rac muq, honc bac yauk shuimc jix rueq vlvmz yauk shuimc tvkoc tvluing lvp yaq.

JEREMIA 17:9

“Miq thuinz vmungx kuex uraq lac tuiuz tay lot yaq nguinx? Vrot vkaq maq lvy vtueq yvmx muinz vguez; kvruex tvhvlc tvkoc kuex thuiuz hvlc shex rvtueq.

JEREMIA 2:30

Ngaz rueq nuimshiq muex murx tvgurc ruiux muinz vbac; nuimshiq muex tvhonc tvtharc kuex nuimshiq rueq roc muit. Pinhtumc khaq yaq hangsic ikhoc nuimshiq rueq nuimshiq shvmmax bix kuex thvt gay wuez tuit.

JEREMIA 44:15

Kvruex yimaq vganc tishox htenc shomc nawk kuy shomc kuq yaq tsuingshiq taungx nyuiuz hez rulc rvtuiuz yaq miqwaz rulx lotlaz nuiyc kvruex baung kvyuq jvp kay jix yalxjuik rulx lotlaz nuiyc vkung vdaungx yunghvlc ngoz yaq Ejip mungx ghaqyaz kox nuex httaz jix Israel miqsaz htenc muinz lomx vtueq ngaz muex ngoc,

JEREMIA 5:3

Yehowa rueq vsuing tvmtuing httaz tvkoc lawc yaq. Vpiq rueq nuimshiq muex murx tvgurc tueq, yuq muinz nuimshiq rueq bvlvmx lawx muit; vpiq rueq nuimshiq kuex tvbunx gay tueq, yuq muinz tvhonc tvtharc kuex nuimshiq rueq lvlc gay tuit. Nuimshiq kuex lung htauk nuex muinz khux vtsanz ningkhvnc nuex tharc humc wuez muit.

JEREMIA 5:31

shvmmax bix kuex vrot vkaq kvjaz maq lvy vtueq yvmx muinz jungx muq; shomc waz bix rueq muinz shvmmax bix rueq nvr yaq rulc rv-ngvlc guimz lawc yaq, ngvy miqsaz htenc rueq tvwanc juing lvmz yvmx muinz vguez. Yuq muinz vtvsuip nuex vruex lvmz htenc lotlaz yaungx wvnc tuex nuex tsuingshiq rueq yvmx lac shuimx shvnx?” ngoz tueq jungx tueq.

JEREMIA 5:5

Ngaz kuex luimc vkawc vhttax jix miq kox nuex kaz vtueq tsuingshiq muex jungx shaungx. Tsuingshiq rueq vsuing Yehowa thuinroc kuex tuiuz yaq, Tishox tvrac lvmz muinz tsuingshiq rueq tuiuz yaq,” ngoz tueq jungx tauk. Yuq muinz tsuingshiq lotlaz rueq Yehowa vpiq vrangx vpangx kuex tvdux gay ruiux vpiq muex tvlvlc gay tueq.

JEREMIA 9:3

Tsuingshiq kuex mkaq muinz vrot vkaq jungc tvkoc tvyoalc yoalx rvtueq; tsuingrux maq guimz tvraung tsuingmuq ruxmuq maq mungtan kuex guimz yaq. Yehowa rueq, “Ngvy miqsaz htenc rueq vbac phvnx yauk shuimc phvnshiz maq phvnshiz shuimx kaz vtueq ngaz kuex tsuingshiq Tishox ngoz tueq kvjungc wuez muq,” ngoz tueq jungx tueq.

AJONJÜ 5:17

Nuiyshiq thuinz vmungx bac rvhumc vtix muik phic kvjumx ningkhvnc nuex sawc riric kvkhic lot muq,

EJEKIEL 24:13

Yerusalem lex, mnoz vbac honc vyaungc htenc rueq mnoz kuex tvshuy shac kv-phux. Ngaz kuex mnoz tvsawc tvkoc hunglaungx ruiux muinz mnoz kuex tvshuy shac rvhumc ruq dvyx. Ngvy thuinkhvy phuk yaq kuex mnoz rvhumc muq wawwawx tvsawc nawc rvhumc tuiux rvmuq.

EJEKIEL 34:16

“Ngaz rueq vmoz vruez kaz hez kuex thuiyx shaungx, lvmx mawc jix hez muinz shvlx wvnc yek shaungx, vmac vtsac kuex yop kuq ruiux, vthuiuz vsac kuex tvhvlc kuq shaungx; yuq muinz puiz hvlc jix nuiyc hunglaungc hvlc jix kuex ngaz rueq tvbac gay shaungx, yvmx khoc lac ngoz ruiux lec ngaz kuex vlvmz rvkhauk shuimc jix khelbuenx remc jix waz rvtauk.

EJEKIEL 34:4

Hunglaungc vyomx khelbuenx htenc kuex nuimshiq rueq tsvp kvp lawc muit, vthuiuz jix muex tvhvlc kuq muit, vmac vtsac kuex yop kuq muit, lvmx tvyaq kv-phuinx muinz shvlx wvnc muit, vmoz vruex kaz kvmuinz thuiyx muit. Kvkhoc ruec tvraung, nuimshiq rueq tsuingshiq kuex thuinz laung maq guirguenz vshuinx.