ISAIA 1:25 - Hawa Naga Bible 2001

²⁵ Ngaz rueq nuimshiq kuex phox phaungx. Ngaz rueq nuimshiq kuex jungdungc diq tvyuimx lvmz gay yaq ikhoc, tvsawc gay shaungx, nuimshiq nuex sawc muq phvnx lotlaz kuex tvsawc gay phaungx.

ASII LAKDAP Bible (BSI)

²⁵ Ngi raq namshiq khuthaq na kha ka atsin miishe mipho wanha. Jin ka khitiip na wa maq shu raüta jamkho jindaiq tiisiibaiqtlaq, kiikha namshiq khum kriimin wa maq shulata mitiisiibaiqha. Lata namshiq khum wa ashe ashi thun kra wiita mitiisiibaiqha.

ISAIA 1:25 Referencias Cruzadas

Tvtsvmc 119:119

Layx bac jix lotlaz kuex suingkez namx yauk ikhoc mnoz rueq tuip gay toq, kvkhoc rvtueq ngaz kuex mnoz rueq jungx vshuiux htenc kuex lungwawx vshaungx.

ISAIA 1:22

Yerusalem lex, mnoz kuex lauk shiz kuimphox ikhoc yaungx toq, yuq muinz majuiuc kuex mnoz htawz guez shex; mnoz kuex vhvlx svpiq ikhoc rvtoq, yuq muinz majuiuc kuex yuix dvyx shex.

ISAIA 27:9

Yuq muinz pungmungx htungx vlayx phvnc jix hez lung shomrawx htenc kuex lunghtunc kawz ikhoc tv-ngawk gay ruiux, Ashera tishox nyuiuz tvtsuingc juing htung yac, rvmuq ngoz ruiux vhomc vtumc tvy juing shomrawx htenc, yix maq mkaq muinz httax muq laz juing tuip gay shuex kvkaq jix, Israel miqsaz htenc mvrax kuex dawc kuy rvhumc wuez tuex.

ISAIA 4:4

Taungjix rueq vpiq luimc vkawc maq khac phox kuq ruiux, miqphvnx htenc kuex tvsawc nawc vtueq Yerusalem mvrax nuiyc kvyuq ruiuc tueq tvguiy kuex tvsawc hoal kuq gay shuex.

JEREMIA 6:29

Junx tvyuimx shoay juing wvrkez kuex kalc hvlc rvtueq, yuq muinz junx tix kuex yuimx muq. Layx bac jix miqsaz htenc kuex thvlc gay guez ningkhvnc nuex ngvy miqsaz htenc kuex tvhttoarc vtueq jenx lawc tvkoc vjux vguez.

JEREMIA 9:7

Vruex lvmz ningkhvnc nuex Tvphaungc Tvsuip Yehowa rueq, “Ngaz rueq ngvy miqsaz kuex tvyuimx rvyaq phvnx ikhoc jenx shaungx, tsuingshiq kuex ngaz rueq taruiyx lawc shaungx. Ngvy miqsaz htenc vbac yauk shuimc shuimx gay tueq- tsuingshiq kuex ngaz rueq yvmx khoc lac rvlot shaungx?

EJEKIEL 20:38

Nuimshiq hvlwvl wawc vmulc tsvlc jix nuiyc mvrax shuimc jix htenc ngaz rueq lvmz gay shaungx. Ngaz rueq kvruex hez kuex tsuingshiq httax yaq mungtan kvwawc yurc gay shaungx, yuq muinz kvruex hez kuex Israel mungtan nuex tvyez mauk shex. Kvkaq nuimshiq rueq ngaz Yehowa rvtauk kuex tuiuz wvnc wuez shuinx.”

EJEKIEL 22:19

Kvkhoc rvtueq tsuingshiq kuex kvruex htenc kvkhoc vjux vguez ngoz tueq majuiuc ngaz, Johvlc Yehowa rueq tsuingshiq muex jungx vshaungx. Ngaz rueq tsuingshiq lotlaz kuex Yerusalem nuex vdvmz tvtuimx

EJEKIEL 22:20

vtueq kuimphox, nvyrvyx shawx, yanx, junx, yanx luiz htenc wvrkez nuex vdvmz htawc gay shix ikhoc nuimshiq kuex ngvy thuinkhvy wvr nuex nuimshiq kuex tvyuimx gay phaungx.

EJEKIEL 22:22

Kuimphox kuex wvr nuex tvyuimx shuz gay yaq ikhoc tsuingshiq kuex Yerusalem nuex tvyuimx gay rvhumc tuex, tsuingshiq rueq Yehowa thuinkhvy rvhumc vtuex lvmx tuiuz wvnc wuez shuex.”

JEPHANIA 3:11

Ngvy miqsaz htenc lex, kvruex vkhing nuex, nuimshiq rueq ngaz muex khawc lvlc wvnc phuinx laung nuex yvlc svy rac muq rvtuex. Ngaz rueq ngamc vngax jix nuiyc ngaz ngoz laz jix htenc kuex lvmz gay shaungx, nuimshiq rueq muinz yix maq lauk shiz mkaq muinz Yerusalem ghaq wawc ngvy vsawc ghaqluimx htauk nuex ngaz kuex khawx lvlx phuinx rvmuq.

MALAKI 3:3

Vpiq kuex kuimphox diq tvsawc jenx jix waz ikhoc httuiuc kaz vtueq khac phox shuex. Kuimphox nuiyc kuimshawx jenx jix waz rueq kuimphox nuiyc kuimshawx kuex jenx yaq ikhoc Yehowa kamx waz rueq shomc waz bix kuex tvsawc nawc shuex, kvkhoc ruez yaq lvmz kuex shomc waz bix rueq Yehowa kox nuex rvkhauk laz shomc kuy juing phvnx htenc kuex lvmc lvy tvkoc rvtueq.

Matthew 3:12

Vpiq tsvmz dvmx wawc tsvmz ruz nuiyc tsvmz phex kuex thvlc gay tvkoc vpiq yauk nuex wvnkhuix shuimx yaq, tsvmz vshauk kuex tsvmtumz nuex htawc ruiux vphex kuex vtvthuik mvy muq wvr nuex jauk gay shuex,” ngoz tueq.

TRI CHONGKE 32:43

“Miq phvnx htenc lex, nuimshiq rueq Yehowa miqsaz kuex tvtsvmc wuez shuinz, tsuingshiq thvy jix lotlaz murx tvgurc rvhumc tuex. Ralx hez muex vpiq rueq phuiuq lvmz ruiux, vpiq miqsaz mvrax htenc kuex dawc kuq shuex.”

Revelation 3:19

Ngaz rueq ngaz lungwawx vshaungx jix lotlaz muex tvhonc tvtharc vtueq murx tvgurc vshaungx. Kvkhoc rvtueq mnoz thuinz hungc tvyungc ruiux thuinz layc lvp shuiuz.