ISAIA 1:22 - Hawa Naga Bible 2001

²² Yerusalem lex, mnoz kuex lauk shiz kuimphox ikhoc yaungx toq, yuq muinz majuiuc kuex mnoz htawz guez shex; mnoz kuex vhvlx svpiq ikhoc rvtoq, yuq muinz majuiuc kuex yuix dvyx shex.

ASII LAKDAP Bible (BSI)

²² Jerusalem lei, man na akhing ashi na, ümniika kampho ikha silaü. Shatmaq ümchaü ka thiihü she sitlaü; ümniika che asumwiq chetsai ikha riilaü, shatmaq ümchaü ka ralang khamsangtili ikha sitlaü.

ISAIA 1:22 Referencias Cruzadas

Tvtsvmc 119:119

Layx bac jix lotlaz kuex suingkez namx yauk ikhoc mnoz rueq tuip gay toq, kvkhoc rvtueq ngaz kuex mnoz rueq jungx vshuiux htenc kuex lungwawx vshaungx.

ISAIA 1:21

Laukshiz tvmtuing httaz wvnc tueq ghaqyungx kuex mephex nyuiuz ikhoc shex khuemx shamx httax yaq nyix! Kvruex ghaqyungx kuex vkhing vshiz nuex tsuingrux miqsaz htenc mvrx wvnc tueq, yuq muinz majuiuc kuex miq thvy jix dvyx shex kvjungx yaq.

ISAIA 1:23

M-walaungx bix kuex vlauc vlawc jix nuiyc vguiuq vrot jix hez kungjix muex yaungx yaq; tsuingshiq rueq yauk noalc htenc nuiyc khauloayc yauk noalc htenc kuex mkaq muinz lvmz wuez yaq. Tsuingshiq rueq phoc waz rungx maq nojix saz tamx kuex mkaq muinz tvguing muq, nuiyc mvntix nyuiuz tamx khuec vkhac kuex tay vtueq wisoz kuq muit.

Hosea 4:18

Svpiq pawx laz nuingc yix maq, tsuingshiq rueq mephex yauk shuimx yaq kuex raungc raq wuez yaq, miqyvlc vsvy yauk shuimc kuex tvtsanc nganc wuez yaq.

Hosea 6:4

Yuq muinz Yehowa rueq, “Israel nuiyc Yuda lex, ngaz kuex nuimshiq rulc yvmx ruec kay juing lac? Ngvy tvkoc ngoz tueq tvkhic vshuinx lungwawc thuinz kuex rvmak laz httuiz kaz yaq raungnvp wawc buing ikhoc muinz, raungnvp samaq sawc wvnc yaq tv-httuiuc ikhoc rulc muinz rv-ngvlc yaq.

2 Corinthians 2:17

Naungshiq rueq vganc miq paunghvlc rueq ikhoc, Tishox bomjungc kuex htawz guez hup svmx rvshaungc taungc yaq ikhoc kuex tvyaungc miq; yuq muinz naungshiq kuex Tishox rueq vtvkaz hez rvtiq ningkhvnc nuex, Christu nvrc waz hez ikhoc Tishox htumc nuex bomjungc kuex vsawc thuinz maq jungx kuq vshix.