ISAIA 1:15 - Hawa Naga Bible 2001

¹⁵ “Nuimshiq rueq yauk phac tv-phop vtueq vjux thoz shuinx nuex, ngaz rueq nuimshiq kuex lawc phaungx rvmuq. Nuimshiq rueq mtanc dvyx thoz ruiux muinz, ngaz rueq tay kuq phaungx rvmuq, yvmx khoc lac ngoz ruiux lec nuimshiq yauk htenc nuex tvguiy kawp yaq.

ASII LAKDAP Bible (BSI)

¹⁵ “Ümtiikiiwa ümniiraq ümjaq ka ra na dolaüta achu mijaühaü, Ngi raq ümniika alü min liimang she mirha. Ümniiraq ümtinkhan li achu jaü raümin, Ngi raq tre mangshe. Jamkhano ngukla ümjaq ka maiq tiijai na atsam reawi she.

ISAIA 1:15 Referencias Cruzadas

1 HOKHVMX 8:22

Kvkaq Solomon kuex miq htenc khaungkac nuex nuiyc shomrawx max nuex jvp kaz vtueq vyauk kuex tenz ruiux,

1 HOKHVMX 8:54

Solomon kuex shomrawx khaungkac nuex yauk tenz ruiux kuix tsvrung maq raz tueq Yehowa kox wawc vjux thoz lot yix, kvtenc vtueq jvp tueq.

EJRA 9:5

Raungyac shomc nawk kuy jauz httuiuc tueq nuex, ngaz kuex yonzyex vtaungx baung kvmaq kvtenc vtueq, puinz juir gay tauk khoz vkhvy htenc kuex svmx hvt maq dvyx kuix tsvrung maq Yehowa ngvy Tishox kox nuex yauk phac tv-phup vtueq vjux thoz tauk.

YOBA 27:20

Hiyaz kawc yawc juing kuex vphuk rvdungx puingx wvnc yaq yuix rueq ikhoc tsuingshiq htauk nuex httuiuc wvnc vtueq; raungyac raungguil rueq tsuing -shiq kuex pvnc wvnc shuex;

YOBA 35:13

Kvkhoc guyc sez ruiux muinz tsuingshiq tvkoc khuec guez dvyx rvtueq; Tvphaungc Tvsuip Tishox rueq tsuingshiq kuex khiz muq, tsuingshiq tvruingc kuex tay muq.

Tvtsvmc 134:2

Nuimshiq yauk htenc kuex tenz vtueq Shomc Yuimx mungx nuex vjux thoz shuinz, Yehowa muex tvtsvmc shuinz!

Tvtsvmc 55:1

O Tishox lex, ngvy vjux thoz bomc kuex tay shuiuz; ngaz rueq tvtay jungx phaungx yuq htvlx nauk phel wvnc kaz!

Tvtsvmc 66:18

Ngvy mvrax htenc kuex kvduimx kaz tauk ngoz ruiux yuq, Taungjix rueq ngaz muex tay kuq phuex rvmuq.

DUNGWVNC 9:29

Moshe rueq piq muex ngoc, “Ngaz ghaqyungx maq kaz wvnc taungx rulc rv-ngvlc, ngvy yauk tenz ruiux, Yehowa kox wawc vjux thoz kuq phaungx. Yehowa rueq ghaq vruex guimz yaq lvmz mnoz rueq tuiuz wvnc tvkoc raungmuk nuiyc tv-nguirx dvy kuex tvthauk gay shuex.

TAKSU LAK 1:28

Kvkaq jix mnoz rueq taksux tharc kuex gvl shuiux, yuq muinz ngaz rueq tvralc phaungx rvmuq. Mnoz rueq ngaz kuex baung ruip saz nuex thuiyx phux, yuq muinz ngaz kuex humc lot muq.

ISAIA 4:4

Taungjix rueq vpiq luimc vkawc maq khac phox kuq ruiux, miqphvnx htenc kuex tvsawc nawc vtueq Yerusalem mvrax nuiyc kvyuq ruiuc tueq tvguiy kuex tvsawc hoal kuq gay shuex.

ISAIA 45:15

Vpiq miqsaz htenc palc wvnc jix Israel Tishox kuex, vpiq shauk pumz kvhttuiyq kvpuiuc httax yaq Tishox rvtueq.

ISAIA 58:4

Nuimshiq rueq phuiuz svy mamc shuinx kuex rvthoz rvthvy maq yauk laungc yalawx ruez vshuinx. Kvkhoc maq nuimshiq rueq phuiuz svy mamc vtueq vjux thoz vshuinx kuex ngaz rueq tay shuex ngoz tueq haz tvmaung vshuinx?

ISAIA 58:7

Khvmx vrvmc jix muex tv-phauk saq ruiux yuimx vguez htemc saz jix kuex m-yuimx nuex tvhttax shuiuz. Vsvmc juing khvy vguez jix muex khvy kuq ruiux, miqmac nuk vgaq muex romc kuy yauk shuimc kuex nauk tvlvlc gay kaz.

ISAIA 64:7

Mnoz kox nuex kvroz yek tvkoc vjux thoz jix vshiz muinz vguez; mnoz rueq romc kuy tvkoc kay jix vshiz muinz vguez. Nuiyshiq mvrax ningkhvnc nuex mnoz rueq htvlx phel wvnc vtueq nuiyshiq kuex tuip gay phux.

ISAIA 8:17

Yehowa rueq vpiq pumz kuex vpiq miqsaz kox wawc htvlx phawc kuex httuiyq gay tueq, yuq muinz ngaz kuex vpiq muex kvmx vtueq tvluimc shaungx.

JEREMIA 11:11

Kvkhoc rvtueq majuiuc ngaz, Yehowa rueq tsuingshiq kox nuex tvbac gay juing tvkaz vtueq honc tvsvmc vshaungx, tsuingshiq yuz wvnc lot tuex rvmuq. Tsuingshiq romc kuy tvkoc ngaz kox wawc ramc thoz phuex yuq, ngaz rueq tsuinghez tvruingc kuex tay kuq shaungx rvmuq.

JEREMIA 14:12

Tsuingshiq rueq phuiuz svy mamc vtueq ngaz rueq romc kuy tvkoc tsuingshiq rueq thoz ruiux muinz tay kuq shaungx rvmuq; tsuingshiq rueq ngaz muex wvr maq jauk shomc kuy nuiyc vruiy vwungx shomc kuy shomc kuq ruiux doc muinz ngaz rueq raungc raq shaungx rvmuq. Kvkhoc ngoc mvnx, ngaz rueq tsuingshiq kuex ralx lungc, khvmc vrvmc nuiyc vmac vtsac htenc maq thvt gay shaungx,” ngoz tueq.

JEREMIA 4:31

Nox wuic khic thuiuz rvhumc yaq yalxjuik nyuiuz huinc, pekhux saz jawx tueq yalxjuik nyuiuz guyc tvruingc ikhoc ngaz rueq vkhoarc tay tauk. Kvruex kuex nyec hvlc vyauk kvkhuirc yaq, Yerusalem ghaq tvruingc rvtueq, piq rueq, “Ngaz kuex vphoc rvhumc tauk! Tsuingshiq kuex ngvy thvy muex kaz yaq!” ngoz tueq jungx tueq.

EJEKIEL 11:6

Nuimshiq rueq ghaqyungx vyuq miq paunghvlc thvt tueq yauk shuimc shuimx tuit ningkhvnc nuex lvmx htenc nuex miq maungx htenc mvrc yaq.

EJEKIEL 14:3

Vpiq rueq, “Vthueyc rvyaq miq lex, vruex hez kuex tsuingshiq thuinz vmungx htenc yac yuimx muex lekuq wuez vshuex, kvruex yac yuimx htenc rueq tsuingshiq kuex mvrax mungx nuex shvlx laq vshuex. Ngaz rueq tsuingshiq muex tvralc kuq shuex ngoz tueq haz tsuingshiq rueq tvmaung yaq nguinx?

EJEKIEL 39:23

Israel miqsaz ngaz muex yaq phuex mvrax htenc ningkhvnc nuex tsuingshiq thuq wvnc rvhumc tueq kuex miqphvnx htenc rueq tuiuz wuez shuex. Ngaz kuex tsuingshiq kox maq nyez wvnc ruiux, tsuingshiq kuex muex tvtaungx gay vtueq, tsuingshiq kuex ralx rueq khvt thvt gay shuex.

Hosea 5:6

Tsuingshiq khelbuenx nuiyc manx kuex Yehowa muex shomc nawk juing shomc kuy tvkoc laq wuez tueq, yuq muinz kvruex kuex tsuingshiq muex vhvlx tvyaungc kuq muq. Vpiq kuex tsuingshiq kox wawc kay wvnc ningkhvnc nuex tsuingshiq rueq vpiq kuex humc lot muq.

Mikha 3:4

Nuimshiq rueq Yehowa kox wawc ramc thoz jauz shex httuiuc wvnc yaq, yuq muinz vpiq rueq nuimshiq muex tvralc shuex rvmuq. Vpiq rueq nuimshiq vjux thoz bomc kuex tay shuex rvmuq, yvmx rvtueq lac ngoz ruiux lec nuimshiq rueq layx vbac shuimx gay tuit ningkhvnc nuex rvtueq.

JEKERIA 7:13

Ngaz rueq jungx koq tueq tsuingshiq rueq tay muq ningkhvnc nuex tsuingshiq rueq thoz yaq kuex ngaz rueq tvralc mauk.

Matthew 23:13

“Kvyonc yuk jix Tvrac tvluingc waz hez nuiyc Pharise nuk lex, nuimshiq kvhiz juing httax yaq! Nuimshiq rueq miq htenc max wawc raungx Mungtan kaluix kuex shauk gay tuit, nuimshiq muinz nyuip muit, vnyuip tvkoc hunglaungx jix muex vnyuip vkhangx kuq muit.

Matthew 6:7

“Nuimshiq rueq vjux thoz ruiux yuq mungganc miqsaz rueq ikhoc yvmx vlvmx muinz dung muq kvjaz maq nauk thoz kaz, tsuingshiq rueq loayc hvlc thoz ruiux yuq jix tsuingshiq tishox htenc rueq tay kuq phuex ngoz tueq tvmaung wuez yaq.

John 9:31

Mvrax vhttax jix kvjaz kuex Tishox rueq tay kuq muq kuex naungshiq rueq tuiuz vshix; vpiq muex tvtsanc vtueq vpiq thuinroc shuimc kay jix htenc kvjaz kuex tay kuq yaq.

1 Timothy 2:8

Phungc nuex nawk palx rvtuimx vtuinx ruip rawx miqwaz rulx muex vjux tvthoz roc vshaungx, tsuingshiq kuex Tishox muex lekuy yoalx jix ningkhvnc nuex thuinkhvy lvmx, rvkhawc lvlc lvmx lomx muq maq yauk tenz vtueq vjux mthoz shueq.