Hosea 8:7 - Hawa Naga Bible 2001

⁷ Tsuingshiq rueq raungguil khic yuingc ruiux yuq, raunghtiq raungguil kuex tvjomx yut wvnc shuex! Wuik vnax wawc muinx muq tuiz vtsvmz kuex mkaq muinz wanx muex yaungx lot muq. Kvwawc httax ruiux doc muinz pungnuk miqsaz rueq dvyx saq gay shuex.

ASII LAKDAP Bible (BSI)

⁷ Tsangshiq raq alai ka rahai na wan wanto. Krai mren, rathaiq rahai tsi she mijut wan! Piiwong rü ka atsi ango ahü, ajaq lamlam li chaptlo. Tsingo wan raüli jiimin, Pongmungti riili michiiq phaq wan.

Hosea 8:7 Referencias Cruzadas

RAPHA HIQWA LAK 41:23

Kvruex yimaq kumtsvy tvnx raungguil kalc rueq vtvyuiuq gay tsvmz nyvmx vphex nyvmx mvshix muinz dung kaz vtueq,

2 HOKHVMX 15:19

Asiria honoc Tiglat Pileser rueq Israel mungx nuex nyuip vtueq khvt tueq nuex, Menahem rueq muinz mungtan kuex piq luimc vkawc maq guimz yaq nuex htuiz daungx hungc vlaungc kuy lvp laz juing ngoz tueq kuimphox kilogram 34,000 kuq tueq.

2 HOKHVMX 15:29

Peka kuex hokhvmx muex yaungx yaq nuex Asiria honoc Tiglat Pileser rueq Ejon, Abel Bet Maaka, Janoa, Kedesh, Hazor ghaqyungx htenc nuiyc Gilead mungx, Galile nuiyc Naphtali mungx htenc kuex khvt lvp wvnc vtueq, miq htenc kuex Asiria mungx nuex thuq wvnc tueq.

YOBA 4:8

Ngarvyx kuex htuz vtueq vlix ikhoc layx vbac wuinc jix miqsaz htenc kuex ngaz rueq khiz tauk; majuiuc kuex layx vbac nuiyc ngarvyx kuex tsuingshiq rueq yut wvnc tueq.

TAKSU LAK 22:8

Tvrac muq vlix wuinc jix waz rueq vkuilc vdaz juing phvnx vthuey vngoz kuex yut tvjomx wvnc shuex, kvkaq piq rueq miq guirguenz yaq kuex thauk tuex.

THARC TVLUINGC 5:16

Kvruex kuex vyaq! Naungshiq kaz tiq rulc rv-ngvlc dungc kay yek juing dvyx rvtueq. Naungshiq rueq raungguil lvp laz hunglaungx shuimx wvnc tiq kuex yvmx vjux lvp wvnc juing lac?

ISAIA 17:11

Yuq muinz mnoz rueq khic yuingc toq htenc kuex vkoz dung vtueq raungnvp nuex vpuic puic ruiux muinz, kvruex wawc vthuey kuex mnoz rueq puinz lvp shuiux rvmuq. Kvruex yuq kuilc daz jamjaux nuiyc tvhvlc lot muq vthuiuz vsac dvyx shex httax tuex.

ISAIA 55:2

Vjux vguez phuiuz vsvy tvkoc yvmx ngoz tueq lac kuimphox tvhtumx vshuinx? M-yauk mauk kuex tvhtumx gay ruiux yvmx ngoz tueq lac rvmc svy lez httax vtuinx? Ngvy kvjaz kuex tay vtueq ngaz rueq jungx phaungx kvkhoc shuimx shuinz, nuimshiq rueq raungc hvlc phvnx phuiuz vsvy kuex phauk saq vtueq kokez wuez kuinz.

ISAIA 66:15

Yehowa kuex wvr rulc vdvmz kaz tuex. Vpiq thuinkhaq yaq jix hez muex murx tvgurc tvkoc raungguil renc htauk nuex ngaungc vtueq kaz tuex.

JEREMIA 12:13

Ngvy miqsaz rueq nyensaz tsvmz yuingc tueq, yuq muinz httuingx dvyx gvnz wvnc shuex; tsuingshiq kuex yauk shuimc hung yaq, yuq muinz vlvp wvnc tvkoc kuex vguez. Ngvy thuinkhvy ningkhvnc nuex vthuey vngoz sumx wvnc wuez tueq,” ngoz tueq.

AJONJÜ 5:2

Nuiyshiq tsak vnyvmx kuex juiuc httuingx wuinz waz yauk nuex nyuip woz vtueq; pungnuk miqsaz muinz nuiyshiq yuimx htenc nuex httax yaq.

Hosea 2:9

Kvkhoc rvtueq tsvmz yut jauz ngvy yauk noalc htenc rvtueq tuiz vtsvmz nuiyc svpiq tix, piq rueq svmx yaq khoz vkhvy tvkoc ngaz rueq kuq tauk khelbuenx mul nuiyc ruiynyel khvy htenc kuex tvyez lvmz wvnc yek shaungx.

Hosea 7:9

kvkhoc pungnuk miqsaz nuex kvwungx kvguing yaq kuex tsuingshiq hungc vlaungc nyvlc wvnc rvtueq kuex helc tuiuz wuez muq. Tsuingshiq raungnuiyq htenc htumx wvnc tueq, yuq muinz kvruex lvmz tsuingshiq rueq tuiuz wuez muq.

Hosea 9:16

Israel miqsaz htenc kuex vruingx shanx wvnc koq tueq vthuey thuey lot muq pulx jungx rulc rv-ngvlc yaq. Tsuingshiq nuex suiuz vsaz httax tuex rvmuq, mkhoc shoc maq httax ruiux doc muinz, tsuingshiq rueq lungwawc hvlc sahez kuex ngaz rueq thvt gay shaungx,” ngoz tueq jungx tueq.

NAHUM 1:3

Yehowa kuex yoalx rek rek maq thuinkhaq muq, yuq muinz vpiq kuex luimc vkawc yunghvlc nuiyc mvrax vhttax jix muex murx tvgurc muq maq mkaq muinz taq muq. Yehowa khuemx yaq baung nuex raunghtiq raungguil httuiuc yaq; phuemx htenc kuex vyaz khung wawc kvtenc yaq bokkhuyx rvtueq!

HAGAI 1:6

Nuimshiq rueq paunghvlc khic yuingc tuit, yuq muinz raungluingx saz dvyx yut wvnc tuit. Nuimshiq nuex phuiuz vsvy juing vhttax, yuq muinz phoay laz phauk saq shuinx rvmuq. Nuimshiq nuex vnuingc juing svpiq tix vhttax, yuq muinz pawx laz nuingx lvp shuinx rvmuq! Nuimshiq nuex khoz vkhvy vhttax, yuq muinz nuimshiq rueq luimx laz svmc juing vguez. Yauk shuimc jix rueq muinz miqmac phuiuz svy tvkoc hungx laz yauk mauk lvp muq.

Galatians 6:7

Nuimshiq miqmac shauk vgvnz kuex nauk laulawc kaz; Tishox kuex uraq muinz rot kaq lot muq. Miqsaz kuex miqmac rueq khic yuingc wvnc shuex rulc rv-ngvlc vthuey vngoz kuex tvjomx wvnc shuex.

Galatians 6:8

Miqsaz gvnngvmx ngoz yaq ghaq nuex khic yuingc jix waz kuex vthueyc vmvy ngoz yaq vthuey vngoz kuex tvjomx gvnz wvnc shuex; Siyac ngoz yaq ghaq nuex khic yuingc jix waz kuex pattup rullungx ngoz yaq vthuey vngoz kuex tvjomx gvnz wvnc shuex.

TRI CHONGKE 28:33

Nuimshiq hunnyec hvlc maq vkhic yuingc pulx thuey waq thuimx htenc kuex mungganc phvnx htenc rueq lvp wvnc shuex. Nuimshiq kuex tuinghtuing gay rvhumc vtueq vguirc vguenc rvhumc tuinx.