Biblia Todo Logo
La Biblia Online
- Anuncios -




Hosea 8:1 - Hawa Naga Bible 2001

1 Yehowa rueq vkhoc jungx tueq, “Bolic kuex tuimz shuiuz! Ralx htenc kuex lawx htenc rueq ikhoc ngvy mungtan kuex phamx wvnc yaq nyix! Ngvy miqsaz htenc kuex tsuingshiq rulc ngaz rueq vtaq bomkhvrc kuex tvbac gay ruiux ngaz rueq tvluing vshaungx kuex khawx lvlx yaq.

Ver Capítulo Copiar

ASII LAKDAP Bible (BSI)

1 Tatiwe raq chongtlo, “Lerong tsürong laq. Re dong wanto! Liihawe raq wu phiimtlaq ikha, Re raq isenginok phiimtlo! Tsangshiq raq itongshong jaqkhaq raü chumbaiqto. Tsangshiq raq tongshong tri jinto.

Ver Capítulo Copiar




Hosea 8:1
34 Referencias Cruzadas  

Piq rueq, “Nuimhez nuiyc hokhvmx waz muex dvyx vruex lvmz lotlaz jungc kuy tvkoc honoc waz rueq ngaz tvkaz phuex ngoz tueq haz tvmaung vshuiux? Rvmuq, ngaz rueq palx ruk htauk nuex ngaungc yaq miq htenc muex muinz jungx vshaungx, tsuingshiq muinz nuimshiq kvkhoc miqmac diq kuex saq ruiux miqmac shawz kuex nuingx wuez shuex,” ngoz tueq tvralc jungx tueq.


Ghaq htauk nuex httax yaq miq ruip rawx lex, tay wuez shuinz! Kankhux poz nuex tsomz shuex nganc dvmx kuex lawc wuez shuinz! Bolic thuic kuex tay tvtsuingc wuez shuinz!


Miq htenc rueq Tishox tvrac htenc kuex tvbac gay tueq ikhoc maq muinz, pattup phaungx ngaungx tvkoc vpiq rueq vkuq bomkhvrc htenc kuex yaq gay tueq ikhoc maq muinz, ghaq kuex tvshuy shac gay tueq.


Yehowa rueq, “Mnoz kuex bolic tuimz shuiux ikhoc guyc lot tuiux tanc khvnc guyc kuiuz! Tsuingshiq mvrax htenc nuex seng vtueq ngvy miqsaz Israel htenc muex jungx kuq shuiux!


Kvruex bomkhvrc kuex ngaz rueq tsuingshiq kuex Ejip mungx wawc yauk maq het vtueq shvlx wvnc tauk nuex, tsuingshiq jix vwaz tamx rulc vtaq ikhoc rvmuq. Ngaz kuex tsuingshiq tvkoc vtaungx waz ikhoc yaungx vtaungx rvhvt maq tsuingshiq rueq bomkhvrc kuex phvnx muq.


Yuda mungx nuiyc Yerusalem wawc vyungx vlaungx bix tauk nongx hoc wawc vyungx vlaungx bix, shomc waz bix nuiyc walaungx bix lotlaz kuex vnueyc muex tvkhoz lak rap gay tueq manx saz hvlwvl kvmaq lvy wvnc vtueq, ngaz rulc bomkhvrc taq wuez tueq. Yuq muinz tsuingshiq rueq vtvhungx bomkhvrc kuex tvbac gay ruiux kvruex phvnx wuez muq. Kvkhoc rvtueq tsuingshiq rueq manx saz kuex vnueyc muex tvkhoz lak rap gay tueq ikhoc ngaz rueq muinz vruex miq htenc muex kvkhoc yauk shuimc tvdung kuq shaungx.


Lawc shuinz, ralx htenc kuex phuemx ikhoc kaz yaq. Tsuingshiq nolaungx renc htenc kuex raungguil tul ikhoc, tsuingshiq mvre htenc kuex lawx saz htauk nuex muinz vphaq lanc yuz yaq. Naungshiq sumx tiq shex! Naungshiq kuex vphoc rvhumc tix!


Mungtan wvtaungx nuex bolic tuimz shuinz! Selc suil vyungx maq ramc shuinz! Yuda miqsaz nuiyc Yerusalem jix lex lung palx ruk vhttax ghaqyungx htenc nuex yuz wuez kuinz.


Lawx rueq vraungx tvparc ruiux raungx maq phamx yaq ikhoc miqphvnx phvnx shiz rueq Moba mungx kuex khvt vtueq,


Lawx kuex vraungx tvparc vtueq raungx maq phamx kaz yaq ikhoc, ralx waz rueq Bozara kuex khvt shuex. Kvruex raungnuiyq Edom nolaungx bix kuex nox wuic khic thuiuz rvhumc yaq nyuiuz ikhoc hisungx wuez tuex,” ngoz tueq jungx tueq.


“Vkhvt muex tvtsuingc juing kuq shuinz! Bolic tuimz shuinz, kvkaq miqphvnx htenc rueq tay lot shuex! Babelon kuex khvt lungc muex miqphvnx htenc kuex tvyoalc shuinz! Piq kuex khvt tvkoc Ararat, Minni, Ashkenaza mungtan htenc muex jungx shuinz. Vshvlc khvt jix vyungx vlaungx kuex thvl taq shuinz. Kup jawrawx ikhoc paung vtueq khuemx yaq mvre htenc kuex shvlx vtueq duiz kuinz.


Benjamin miqsaz lex, kvwungx tvkoc yuz wuez kuinz! Yerusalem maq kaz wvnc kuinz! Tekoa ghaq maq bolic kuex tvthuiz shuinz, Bet Hakerem ghaq maq httoarc tvlvp wvr htung kuex tvjvp shuinz. Thuimkux nuiyc tvbac jix kuex ghaqkhux kox maq httuiuc kaz yaq shex.


Majuiuc kuex vthueyc rvyaq miq waz lex, tsuingshiq kuex yomnamc gay shuiuz,” ngoz tueq jungx phuex.


Johvlc Yehowa rueq, “Mnoz rueq mbomkhvmc htenc kuex wvlc guez tvyaungc vtueq bomkhvrc kuex tvbac gay toq ningkhvnc nuex mnoz muex aungx yaq kuex tvgurc phaungx.


ngaz, Johvlc Yehowa rueq jungx vshaungx kvjaz kuex tsuingshiq muex tvtuiuz shuiuz: vlawc muex svp hvlc vmul paunghvlc kemz vtueq, yungc loayc hvlc vraungx kungx htenc kuex tvparc yaq lawx tawx yunghvlc vshiz httax yaq. Piq kuex Lebanon Kanx htenc httax yaq kox nuex baz wvnc vtueq, ruippulx jungx lungc thawx kuex tv-ngawk tawk ruiux,


Bolic tuimz shuiuz, miq pumz tek vtueq tvyoalc wuez shuinz. Yuq muinz washiz muinz ralx rvlungc nuex kaz wuez muq, yvmx khoc lac ngoz ruiux lec Tishox thuinkhvy kuex miq pumz tek htauk nuex httuiuc wvnc tuex rvtueq.


Ngvy miqsaz htenc rueq ngaz muex kvjungc wuez muit ningkhvnc nuex vphoc rvhumc wuez vtuinx. Nuimshiq shomc waz bix rueq muinz ngaz muex kvjungc tvkoc tvlvlc gay tuit, ngaz rueq tvluing vphaungx kuex tvdux gay tuit, kvkhoc rvtueq ngaz rueq nuimshiq kuex tvdux gay ruiux nuimshiq saz miqwaz sahez kvmuinz ngvy shomc waz bix ikhoc tvyaungc wvnc shaungx rvmuq.


Gibea nuex rvlungc bolic tuimz shuiuz! Rama nuex ralx daungx tvhuingc tvthuiz shuiuz! Bethawen lex ralx lungc muex guyc tvruingx wuez kuinz! Benjamin miqsaz lex ralx khvt wuez shuinz!


“Yuq muinz tsuingshiq kuex ngaz rulc vtaq bomkhvrc kuex Adam rueq ikhoc tvbac gay ruiux, ngvy htauk nuex tvmtuing httax wuez muq.


Yehowa rueq, “Tsuingshiq rueq shuimx yaq layx bac yauk shuimc lotlaz kuex Gilgal ghaq maq phaungc ruiux yaq. Kvruex kuex tsuingshiq rueq ngaz muex shuiuc pac thuinz kvruex maq phaungc wvnc tueq. Tsuingshiq rueq shuimx wvnc tueq layx vbac ningkhvnc nuex ngvy mungtan wawc tsuingshiq kuex yurc gay shaungx. Tsuingshiq kuex ngaz rueq mkaq muinz lungwawx shaungx rvmuq shex; tsuingshiq vyungx vlaungx bix lotlaz rueq ngaz kuex khawx lvlx wuez yaq.


Tishox vsawc ghaqluimx, Zion nuex, bolic tuimz shuinz; honc lvmc tvruingc kuq shuinz. Yuda miqsaz lex, kvkhuirc hiz wuez kuinz! Yehowa raungnuiyq kuex mtanc rvmuq httuiuc wvnc yaq.


Zion Kanx nuex bolic tuimz shuinz; phuiuz svy mamc tvkoc nvr vtueq mungx miqsaz htenc tvtuimx gvl shuiuz!


Ghaqyungx mungx nuex ralx lungc bolic thuiz ruiux yuq, ghaq miqsaz kuex hiz muq haz rvtvnx? Yehowa rueq jamjaux kuilc daz tvkaz muq ngoz ruiux ghaqyungx kvyuq yaungx tuex haz?


Kvruex raungnuiyq hoc mungx nuex shic ngoyc tvruingc kuex vkhoarc tvruingc nuex kvlayc wvnc vtueq, vthueyc maungx kuex baung ruip saz nuex woalc tueq. Tsuingshiq kuex kuiyqshuik maq tuip gay rvhumc tuex,” ngoz tueq jungx phuex.


Ngaz rueq shomrawx hep nuex jvp yaq Taungjix kuex khiz tauk. Vpiq rueq nvrc bomc kuex kuq phuex: “Shomc yuimx htung khux htenc kuex tv-ngawk wung gay shuiuz, kvkaq phaungx hvlc htungyaz kuex kvbuilc wvnc tuex. Kvruex htenc tv-ngawk vtueq miq htenc htauk kvyuq tvdvy shuiuz. Ngaz rueq kvjungx yaq miq htenc kuex ralx khvt nuex thvt gay shaungx. Vshiz muinz yuz lvp muq; vshiz muinz luenx tuex rvmuq.


“Tsuingshiq mvre htenc kuex jaqtuik htauk nuex muinz lvwvnz hvlc, vrvmc thuiuz rvhumc yaq shoalx htauk nuex muinz vhiz juing rvtueq. Mvre nuex ngaungc jix shvrvyx bix kuex lvmx luz maq tvyuz vtueq kaz wuez yaq; tsuingshiq mvre htenc rueq ghaq kuex vyaz maq khvyhuip yaq. Tsuingshiq kuex vkhuingx maq phamx yaq lawx htenc rueq ikhoc phamx laq yaq.


palx ruk yoalx ghaqyungx htenc nuiyc johvlc nolaungx ghaqshungc htenc kuex khvt ruiux ralx lungc bolic tuimz vtueq guyc sez yaq raungnuiyq yaungx tuex.


Lebanon lex, mkaluix htenc kuex daz taq shuiuz, ngoz ruiux wvr rueq mruenx pulx htenc kuex khamc gay lot shuex!


Yehowa kuex vpiq miqsaz htenc htauk nuex kvkhic kaz vtueq; vpiq rueq vpiq laqsvnz htenc kuex raunglep yaq ikhoc gap shuex. Johvlc Yehowa rueq bolic tuimx shuex; vpiq kuex ghaqyaz kox raunghtiq raungguil rulc khuemx wvnc yaq.


“Vmaungx woalc yaq baung ruip saz nuex lawtawx htenc muinz rvtuimx yaq.


Yehowa rueq nuimshiq kuex tvkhvt tvkoc nuimshiq rulc bomc rv-ngvlc muq raungtsec kawx wawc miqphvnx phvnshiz kuex gvl wvnc shuex. Tsuingshiq rueq nuimshiq kuex lawx butux rueq phamx yaq ikhoc khvt kv-phuinx.


Síguenos en:

Anuncios


Anuncios


¡Síguenos en WhatsApp! Síguenos