Hosea 5:13 - Hawa Naga Bible 2001

¹³ “Israel piq kuex mtanc lac thuiuz yaq nguinx kvmuinz, Yuda piq mac mtanc lac mac yaq nguinx kvmuinz khiz shuex nuex, Israel kuex Asiria kox nuex kaz vtueq romc kuy tvkoc honoc yungx waz muex wisoz shuex, yuq muinz piq rueq tsuingshiq muex phemc kuq lot muq, tsuingshiq mac kuex tvhvlc lot muq.

ASII LAKDAP Bible (BSI)

¹³ “Israil mung raq tsangshiq ngarai thatsi chhito. Kiimaq Juda mung riimin tsangshiq ngarai homa chhito. Raüta Israil raq Asiria hokham tijong howato. Shatmaq Asiria hokham raq, tsangshiq ngarai tsi ka tiihea lot mak riito.

Hosea 5:13 Referencias Cruzadas

2 HOKHVMX 15:19

Asiria honoc Tiglat Pileser rueq Israel mungx nuex nyuip vtueq khvt tueq nuex, Menahem rueq muinz mungtan kuex piq luimc vkawc maq guimz yaq nuex htuiz daungx hungc vlaungc kuy lvp laz juing ngoz tueq kuimphox kilogram 34,000 kuq tueq.

2 HOKHVMX 15:29

Peka kuex hokhvmx muex yaungx yaq nuex Asiria honoc Tiglat Pileser rueq Ejon, Abel Bet Maaka, Janoa, Kedesh, Hazor ghaqyungx htenc nuiyc Gilead mungx, Galile nuiyc Naphtali mungx htenc kuex khvt lvp wvnc vtueq, miq htenc kuex Asiria mungx nuex thuq wvnc tueq.

2 HOKHVMX 16:7

Ahaza rueq Asiria honoc Tiglat Pileser kox nuex vkhoc bomjungc rulc vdvmz piq miq kuex tvkaz tueq: “Ngaz kuex mnoz muex tvluimc jix mnvrc waz rvtauk. Ngvy khvt jix Siria hokhvmx nuiyc Israel hokhvmx yauk wawc ngaz kuex palc kaz loq.”

ISAIA 3:7

Yuq muinz piq rueq, “Ngaz kuex yaungx mauk dvyx! Ngaz rueq nuimshiq muex romc kuq lot mauk. Ngaz rueq phuiuz vsvy nuiyc khoz vkhvy kuex lvp mauk. Ngaz kuex nuimshiq walaungx muex nauk tvyaungc vkueq!” ngoz tueq tvralc shuex.

JEREMIA 30:12

Yehowa rueq vpiq miqsaz muex jungx tueq, “Nuimshiq mac htenc kuex gungc tuex rvmuq, nuimshiq thuiuz vsac htenc kuex tvhvlc lot shuinx rvmuq.

EJEKIEL 23:5

Piq kuex ngvy tvkoc rvtueq, yuq muinz Ohola kuex mephex muex yaungx ruq raz tueq Asiria mungx wawc piq rueq lungwawc yaq hez roc thuinz dvyx mvrc yaq.

Hosea 10:6

Kvruex yac yuimx kuex Asiria honoc yungx waz muex yauk noalc kuy tvkoc kvruex mungx nuex lvmc lvy rvhumc tuex. Israel miqsaz kuex kvruex yac yuimx kvmac kvmluimx tvluimc itueq ningkhvnc nuex yvlc svy rvhumc tuex.

Hosea 12:1

Israel miqsaz rueq raungnvp maq raungx tvyac laz shuimx yaq phvnx ruip saz kuex khuec guez nuiyc vbac gay juing dvyx rvtueq. Vkhawc vlvlc nuiyc yauk laungc yalawx phvnx kuex tsuingshiq nuex pinhtumc paung wvnc tueq. Tsuingshiq rueq Asiria rulc bomshuit taq ruiux Ejip miqsaz rulc pvkac pvylvyc yauk shuimc vdvmz nuex shuimx tueq.”

Hosea 14:3

Asiria rueq nuiyshiq kuex mkaq muinz palc wvnc lot muq, ralx lungc mvre htenc rueq muinz nuiyshiq kuex tvwungx lot muq. Yac yuimx htenc kuex nuiyshiq Tishox ngoz tueq mkaq muinz jungx miq shex. O Yehowa lex, tvluimc juing miq vshiz muinz lvp muq jix htenc muex menjenc thuinz tvkhic kuq koq.”

Hosea 2:7

Piq kuex piq rueq lungwawx yaq hez yix nuex yurc laq shuex yuq muinz tsuinghez kuex lauz shuex rvmuq. Piq rueq tsuinghez kuex thuiyx shuex yuq muinz tsuinghez kuex humc shuex rvmuq. Kvruex yimaq piq rueq, “Ngaz kuex vphaungc wawc itaungx waz kox nuex yek waung taungx, kvruex kuex majuiuc ngaz httax vtaungx htauk nuex muinz kungkhux wawc taungwaz rulc httaz kuex vhvlx rvtuex,” ngoz tueq jungx tueq.

Hosea 7:11

Israel kuex vruc hituiuc kuiux shiz ikhoc baungshiz maq baungshiz nuex kvhttot khuemx yaq; piq miqsaz htenc kuex vphaungc romc kuy rvhumc tvkoc Ejip wawc thoz tueq, kvruex yimaq tsuingshiq rueq Asiria kox nuex yuz wvnc tueq!

Hosea 8:9

Israel miqsaz kuex loze vtsvy ikhoc khux tsanz vtueq tsuingshiq rueq vroc khuemx yaq. Tsuingshiq kuex Asiria mungx wawc romc kuy thuiyx kaz tueq, vhtawz vrawz kuq vtueq mungganc wuinz rueq tvkhup wungx kuy kuex rvhumc yaq.

Mikha 1:9

Samaria phiz vshuz kuex phemc tsamc lot muq, Yuda mungx muinz kvkhoc kuilc daz rvhumc vtueq; kvruex kuex ngvy miqsaz httax yaq Yerusalem palx kaluix htenc nuex httuiuc laz tvbac gay ruiux lauz wvnc yaq,” ngoz tueq jungx tueq.