Hosea 2:13 - Hawa Naga Bible 2001

¹³ Piq rueq ngaz kuex lauk gay ruiux Bala muex vhomc vtumc jauk vtueq piq pumz kuex lungsex htenc maq kvmarc khak ruiux, piq rvlungwawc yaq hez yix nuex phvnx wvnc tueq vkhing kvruex tvkoc nuex murx tvgurc shaungx. Yehowa rueq vjungx kvjaz rvtueq.

ASII LAKDAP Bible (BSI)

¹³ Kiimaq apaiq raq ngi laqbaiq raüta, Baal phra shomnoq wanto, kra miitu mitsa shaha. Lata mitiichamchaoha. Kiimaq apaiq raq achaq aseng laktum thun ka, lak raüta awesekong jaijo wantaq kra miitu, ngi raq apaiq ka mitiichamchaoha. Arka Tatiwe raq chongtlo.

Hosea 2:13 Referencias Cruzadas

2 HOKHVMX 1:2

Israel Hokhvmx Ahazia kuex Samaria ghaq wawc piq hoc raungx htvp wawc ranc kanx maq dvy vtueq thuiuz hvlc rvhumc tueq. Kvkhoc rvtueq piq hvlc wvnc muex vbac lvmz tuiuz laz juing ngoz rueq Philistin mungx wawc Ekron ghaqyungx tishox Baalzebub muex wiz tvkoc piq kamx waz hez wvyvmc kuex tvkaz tueq.

2 HOKHVMX 10:28

Vruex kuex Israel mungtan wawc Bala muex nawk palx htungx kuex Jehu rueq mkhoc lac ruez gay tvnx lvmz rvtueq.

2 HOKHVMX 21:3

Vwaz Hezekia rueq tvbac httak gay tueq yac yuimx nawk juing baung htenc kuex piq rueq tvhungx guirx yek vtueq; Israel Hokhvmx Ahab rueq shuimx wvnc tueq rulc rv-ngvlc Bala muex nawk palx juing shomrawx htenc kuex tvhungx guirx ruiux, Ashera tishox nyuiuz yac kuex tvjvp guirx tueq. Manase rueq ruiysuiyq htenc kuex nawk palx tueq.

YOBA 8:13

Tishox muex kvmluimx muq jix miq kuex may-o rulc rv-ngvlc yaq; tsuingshiq rueq Tishox muex lauk gay shuex rulc rv-ngvlc tsuingshiq thuinz tvluimc yaq kuex htumx wvnc tueq.

Tvtsvmc 106:13

Yuq muinz tsuingshiq kuex vpiq rueq shuimx wvnc tueq htenc kuex yauk lox dvyx lauk gay ruiux, vpiq rueq tharc jungc kuy lvmx htenc kuex bvmc muq maq shuimx gay tueq.

Tvtsvmc 106:21

Ejip mungx wawc vwangc juing yauk shuimc maq tsuingshiq palc wvnc jix waz Tishox kuex lauk gay wuez tueq.

Tvtsvmc 78:11

Tsuingshiq kuex vpiq rueq shuimx wvnc tueq yauk shuimc htenc nuiyc, tsuingshiq rueq khiz wvnc tueq vwangc juing htenc kuex lauk gay wuez tueq.

DUNGWVNC 32:34

Majuiuc kaz vtueq mnoz muex ngaz rueq jungx phaungx baung kvyuq tsuinghez kuex shvlx laq shuiuz. Ngvy raungkamx waz rueq mnoz muex lvmx shvlx kuq kv-phux, yuq muinz vruex hez htenc yaq gay tueq mvrax laung kuex ngaz rueq murx tvgurc kuy vkhing httuiuc wvnc tuex,” ngoz tueq jungx tueq.

ISAIA 17:10

Israel lex, mnoz kuex mnoz palc wvnc vtueq lung kuiux yungx ikhoc tvguing kuq yaq Tishox kuex vlauk shex rvgay toq. Kvkhoc ruec tvraung, mnoz rueq pungnuk phvnx tishox muex nawk palx kuy tvkoc ngoz tueq vsawc sunc htenc khic yuingc taq toq.

ISAIA 65:7

tsuingshiq jix vwaz tamx mvrax htenc kuex ngaz rueq htuimz shaungx. Tsuingshiq rueq kanx nuex yac yuimx nawk juing baung htenc nuex vhomc vtumc phvnx kuex jauk ruiux ngaz muex ngoz ngax wuez yaq. Kvkhoc rvtueq tsuingshiq rueq gurc aungx yaq murx kuex tvgurc shaungx.”

JEREMIA 11:13

Yuda miqsaz tsuingshiq ghaqyungx paung yaq rulc rv-ngvlc tishox htenc muinz paunghvlc; Yerusalem miqsaz muinz ghaqyungx mungx nuex lvmx laungx htenc paung yaq rulc rv-ngvlc miqsuirc vsac Bala tishox muex shomc nawk kuy tvkoc shomrawx htenc tvhungx wuez tueq.

JEREMIA 18:15

Yuq muinz ngvy miqsaz rueq ngaz kuex lauk gay phuex; tsuingshiq rueq phara yac yuimx htenc nuex vhomc vtumc phvnx jauk yaq. Tsuingshiq kuex tsuingshiq kay aungx yaq lvmx nuex kvhtuip rul wuez tueq; tsuingshiq rueq lvmx kez kuex phvnx muq shex; tsuingshiq kuex lvmx penc guez nuex khuemx wuez yaq.

JEREMIA 2:32

Yalx tux nyuiuz rueq piq kvmarc khak juing lungsex, rvmuq ngoz ruiux miq muex waungc nuex svmc juing marc kuex lauk gay mvy yaq haz? Yuq muinz ngvy miqsaz rueq vwvlc lot miq, raungnuiyq paunghvlc ngaz kuex lauk gay phuex.

JEREMIA 23:2

Vruex kuex Yehowa Israel Tishox, rueq vpiq miqsaz kuex tvwungx lawc aungx yaq guimz lawc jix hez muex jungx tueq kuex: “Mnoz rueq ngvy miqsaz htenc kuex tvwungx lawc muq; mnoz rueq tsuingshiq kuex tvpanc gay ruiux yurc gay toq. Majuiuc kuex mnoz rueq shuimx wvnc toq layx bac yauk shuimc ningkhvnc nuex ngaz rueq mnoz muex murx tvgurc phaungx.

JEREMIA 7:34

Wvmungx tuimx kumtsvy tvnx muex yaungx wvnc tuex. Yuda ghaqyungx htenc nuiyc Yerusalem ghaq lvmx htenc wawc kokez tvruingc htenc nuiyc vshuenc vruenc htenc miqlvmc moalx nuex kokez tvruingc htenc kuex tvsuingx gay shaungx.

JEREMIA 7:9

Nuimshiq kuex vguiuq vrot, miq thvy, miq juik muex yaq, kvtuemc vtueq rot kaq jungphvnx, Bala muex shomc nawk kuq ruiux, kungkhux nuex tuiuz muit tishox htenc muex nawk palx wuez tuit.

AJONJÜ 1:4

Majuiuc kuex vsawc raungnuiyq htenc nuex nawk palx tvkoc Shomc Yuimx nuex ukhaq muinz httax kaz muq. Kvruex yuq vshic vngoyc jix yalx tux rulx kuex vkuilc vdaz rvhumc yaq, shomc waz bix muinz kvbot nyvnx wuez yaq. Ghaqyungx htenc palx kaluix muinz kuiyqshuik kuiyq shix yaungx vtueq, Zion kuex vkuilc vdaz rvhumc yaq.

AJONJÜ 5:14

Rullungx nyuiuz waz rulx kuex ghaqyungx palx kaluix nuex mkaq muinz ngaungc kaz muq shex, yalxrox bix rueq vtuimc vtvlc raungluingx muinz vguez shex.

EJEKIEL 16:12

Ngaz rueq mkhuiz waungx nuiyc nac jic tvjic vtueq svp hvlc khushec tvbuz phaungx.

EJEKIEL 16:17

Ngaz rueq mnoz muex vkuq kuimphox, kuimshawx nuiyc lungsex htenc kuex lvmz vtueq, miqwaz yac tvhungx ruiux, tsuinghez rulc yaq phaq vtuiux.

EJEKIEL 22:12

Miq wvyvmc rueq kuimphox ningkhvnc nuex miq thvt yaq. Wvyvmc rueq tsuingshiq phuz vnox Israel miqsaz htenc maq kuimphox tvlap thuiyx vtueq, luiz waungx yaungc tvkoc tsuingshiq kuex mop jap wuez yaq. Tsuingshiq rueq ngaz kuex lauk gay phuex.” Johvlc Yehowa rueq jungx tueq.

EJEKIEL 23:35

Majuiuc vruex kuex Johvlc Yehowa rueq jungx yaq: “Mnoz rueq ngaz kuex lauk gay phux, ngaz muex yix tvnungx shung kuq gay ruiux, mnoz htokpawx thuinz nuiyc mehpex yauk shuimc ningkhvnc nuex mnoz kuilc daz rvhumc tuiux.”

Hosea 11:2

Yuq muinz piq kuex ngaz rueq gvl thvt yaq nuex, ngvy kox wawc piq kvroz kay wvnc mak shuex mak rvtueq. Ngvy miqsaz htenc rueq Bala muex shomc nawk wuez yaq; tsuingshiq yac yuimx htenc nuex vhomc phvnx jauk wuez yaq.

Hosea 13:1

Lvy wvnc tueq nuex, Ephraim phvnx kvjak ruiux yuq, vganc Israel phvnx htenc kuex vhiz rvyaq; tsuingshiq rueq Ephraim kuex tvtsanc nganc wuez yaq. Yuq muinz miq htenc kuex Bala muex nawk palx vtueq mvrax yaq gay ningkhvnc nuex tsuingshiq vthueyc juing rvtuex.

Hosea 13:6

Yuq muinz nuimshiq kuex vhvlx ghaq vraungx nuex nyuip lvp vtueq, phuiuz vsvy phoay laz phauk saq lvp wvnc shuinx nuex nuimthuinz hvlx wuez ruiux, nuimshiq ngamc ngax wvnc vtueq ngaz kuex lauk gay phuinx.

Hosea 2:7

Piq kuex piq rueq lungwawx yaq hez yix nuex yurc laq shuex yuq muinz tsuinghez kuex lauz shuex rvmuq. Piq rueq tsuinghez kuex thuiyx shuex yuq muinz tsuinghez kuex humc shuex rvmuq. Kvruex yimaq piq rueq, “Ngaz kuex vphaungc wawc itaungx waz kox nuex yek waung taungx, kvruex kuex majuiuc ngaz httax vtaungx htauk nuex muinz kungkhux wawc taungwaz rulc httaz kuex vhvlx rvtuex,” ngoz tueq jungx tueq.

Hosea 4:13

Tsuingshiq rueq kankhux htauk wawc vsawc baung htenc nuex shomc nawk kuy shomc kuq vtueq, ghaq luimx vjoz htauk htenc nuex nuiyc pulx jungx yungx khung vbuingc baung htenc nuex homc hvlc phvnx jauk wuez yaq! “Kvkhoc ningkhvnc nuex nuimshiq saz yalxjuik sahez kuex mephex muex yaungx vtueq, nuimshiq nvmx nyuiuz hez rueq miqwaz senc wvnc wuez yaq.

Hosea 4:6

Ngvy miqsaz htenc rueq ngaz muex kvjungc wuez muit ningkhvnc nuex vphoc rvhumc wuez vtuinx. Nuimshiq shomc waz bix rueq muinz ngaz muex kvjungc tvkoc tvlvlc gay tuit, ngaz rueq tvluing vphaungx kuex tvdux gay tuit, kvkhoc rvtueq ngaz rueq nuimshiq kuex tvdux gay ruiux nuimshiq saz miqwaz sahez kvmuinz ngvy shomc waz bix ikhoc tvyaungc wvnc shaungx rvmuq.

Hosea 8:14

“Israel miqsaz rueq hoc htenc guirx tueq, yuq muinz tsuingshiq hoc Guirc kuy jix Waz kuex vlauk rvgay tueq. Yuda miqsaz rueq ghaqyungx palx ruk kuex ruk wuez tueq. Yuq muinz ngaz rueq wvr tvkaz vtueq tsuingshiq hoc htenc nuiyc ghaqyungx htenc kuex tvkhamc gay shaungx.”

Hosea 9:7

Murx tvgurc vkhing shex httuiuc tueq, miq htenc rueq shuimx tueq rulc rv-ngvlc tsuingshiq rueq lvp wvnc shuex. Kvkhoc yaungx wvnc ruiux yuq jix Israel rueq tuiuz shuex! Tsuingshiq rueq, “Vruex shvmmax waz vkuex vngaz khoc vnauz. Vruex siyac hungc vlaungc httax yaq waz kuex miqyaq ngoc raung,” ngoz tueq ngoz shuinx. Nuimshiq rueq mvrax yunghvlc ningkhvnc nuex nuimshiq rueq ngaz kuex shuiuc pac wuez vphuinx.

AMO LUIK DVP (AMOS) 8:10

Ngaz rueq nuimshiq kuiuq vmoalx htenc kuex vluip vshoay moalx tvyaungc ruiux, nuimshiq kokez shic kuex vyonz vyex nuex layc gay shaungx. Ngaz rueq nuimshiq khux htenc tvsawc gay ruiux ruiyhec khvy tvsvmc phaungx, nuimshiq kuex saz shauk thueyc kaz koq yuq vnyuiuz nuiyc vwaz yonzyex rvhumc yaq ikhoc yaungx wuez tuinx. Kvruex raungnuiyq kuex vkhuip vkhaq httax laz juing htumx wvnc tuex.

TRI CHONGKE 32:18

Tsuingshiq rueq rullungx thuiuzthuic kuy jix, hungc vlaungc httaz hvlc palc Taungjix, tsuingshiq Tishox kuex lauk gay wuez tueq.

TRI CHONGKE 6:12

dax muex yaungx tuit Ejip mungx kvwawc tvdungc shvlc wvnc jix Yehowa kuex lauk gay muit juing honc lvmz wuez shuinz.

PHOWEBI 10:6

Israel miqsaz rueq Bala tishox nuiyc Astarte tishox muinz, Siria tishox htenc, Didon tishox htenc, Moba tishox htenc, Ammon tishox htenc nuiyc Philistin miqsaz tishox htenc kuex nawk palx vtueq, Yehowa muex laukshiz hulawx mvrax yaq gay yek tueq. Tsuingshiq rueq Yehowa kuex tvdux gay ruiux, vpiq muex nawk palx lvmz httvr gay tueq.

PHOWEBI 3:7

Israel miqsaz rueq Yehowa tsuingshiq Tishox muex mvrax yaq vtueq lauk gay wuez tueq; Bala nuiyc Asher yac yuimx htenc kuex nawk palx wuez tueq.

1 SAMUEL 12:9

Yuq muinz miq htenc rueq Yehowa tsuingshiq Tishox kuex lauk gay wuez tueq, kvkhoc rvtueq vpiq rueq Philistin miqsaz muex muinz, Moba hokhvmx nuiyc Hazor ghaqyungx wawc nolaungx yungx Sisera muex muinz lekuy gay ningkhvnc nuex nuimshiq jix vwaz tamx kuex tsuingshiq rueq khvt vtueq taungx gay tueq.