DUNGWVNC 8:4 - Hawa Naga Bible 2001

⁴ Lukburx htenc kuex mnoz, mmiqsaz, mmiq vyungx vlaungx bix htenc htauk kvyuq dawk dat wuez tuex,’ ngoz tueq jungx shuiuz.”

ASII LAKDAP Bible (BSI)

⁴ Makphang phong ka ümkhu thaq na, ümsengi mungmaiqse thaq na, kiimaq ümsengi ajong alabi thun khuthaq na adoq aloq haha she mirphong wan.’”

DUNGWVNC 8:4 Referencias Cruzadas

1 HOKHVMX 13:6

Hokhvmx Jeroboam rueq shvmmax waz muex ngoc, “Kejux maq Yehowa m-Tishox kox wawc ngvy tvkoc vjux thoz kuq koq, ngvy yauk kuex tvhvlc kuy tvkoc vpiq kox wawc kvmenc jenc thoz kuq koq!” ngoz tueq jungx tueq. Shvmmax waz rueq muinz Tishox kox wawc vjux thoz koq tueq hokhvmx waz yauk kuex hvlx kaz tueq.

Tvtsvmc 107:40

tsuingshiq htauk nuex tuinghtuing yaq jix htenc kuex vpiq rueq tsirix yaq lvmx kuex tvkhic ruiux, tsuingshiq kuex lvmx vguez kuiyq shuik kuiyq khvmx kumtsvy tvnx nuex tvkhuemc shamc tueq.

DUNGWVNC 10:17

Majuiuc lauk wawc ngvy mvrax kuex dawc kuq ruiux, vruex thuimkux bac hvlc kuex tvsawc kuy tvkoc Yehowa nuimshiq Tishox kox wawc vjux thoz shuinz,” ngoz tueq jungx tueq.

DUNGWVNC 8:24

Yehowa rueq nyoarbawx daungx htenc kuex hokhvmx hoc nuex nuiyc piq miq vyungx vlaungx bix yuimx htenc nuex tvkaz tueq. Ejip mungx lotlaz kuex nyoarbawx ningkhvnc nuex bac wvnc tueq.

DUNGWVNC 8:3

Nile ruilx kvyuq lukburx tvmvrc gay shaungx, lukburx htenc kuex yuix ruilx kvmaq raz tueq mhoc, mkhok, m-woalc chuing khok, mmiq vyungx vlaungx bix nuiyc mmiqsaz yuimx htenc, mtvp khux nuiyc wanx lumc juing htenc kvyuq duiz wvnc wuez tuex.

DUNGWVNC 8:5

Yehowa rueq Moshe muex ngoc, “Arun muex jungx shuiuz, mngvlhtulc kuex shuimx vtueq Ejip mungx nuex httax yaq yuix saz, yuix yungx, jumx, htvmx htenc htauk kvyuq tenz ruiux yuq, lukburx htenc duiz wvnc tuex,” ngoz tueq tvjungc tueq.

DUNGWVNC 9:28

Yehowa kox wawc vjux thoz shuinz! Nuiyhez nuex raungx rueq pheq nuiyc tv-nguirx rueq tuip yaq kuex hungx tueq shex! Nuimhez tvkay tvkoc ngaz rueq bomkhvmc kuq vphaungx; nuimshiq vyuq loayc hvlc httax muit shex rvtuinx,” ngoz tueq jungx tueq.

ISAIA 19:11

Zoan ghaqyungx wawc walaungx bix kuex miqyaq khoc vnauz! Ejip mungx wawc tuiuz thenc hvlc jix miq htenc rueq vngaz kvmungx kuq yaq! Tsuingshiq kuex mvnnuex wawc wvtharc jix nuiyc hokhvmx phvnx vmaq htenc rvtiq ngoz tueq hokhvmx waz khaungkac nuex tsuingshiq rueq yvmx khoc lac jungx khvmc lot shvnx?

ISAIA 19:22

Yehowa rueq Ejip miqsaz muex murx tvgurc shuex, yuq muinz vpiq rueq tsuingshiq muex tvhvlc kuq shuex. Tsuingshiq kuex vpiq kox nuex kvroz wvnc wuez tuex, vpiq rueq tsuingshiq vjux thoz yaq bomc htenc kuex tay kuq ruiux, tsuingshiq muex tvhvlc kuq shuex.

ISAIA 23:9

Tvphaungc Tvsuip Yehowa rueq kvkhoc tvyaungx tueq. Tsuingshiq rueq shuimx wvnc tueq yauk shuimc nuex, tsuingshiq ngamc vngax kuex tvmaq gay nuiyc tvtsanc nganc mvrc yaq tsuingshiq miq htenc tvyomx gay tvkoc kvruex tvyaungx gay tueq.

DANIEL 4:37

“Majuiuc kuex, ngaz, Nebukhadnezar rueq, raungmungx Hokhvmx waz ngauz vngax kuex tvtsanc nganc, tvtsvmc kvmc vshaungx. Vpiq rueq shuimx wvnc tueq phvnx ruip saz kuex vlvmx nuiyc tsuingrux yaq ningkhvnc nuex vpiq rueq ngamc vngax maq shuimc vkay jix ukhaq muinz tvruinc rvgay yaq,” ngoz tueq.

WEAWEA 21:7

Kvkhoc rvtueq miq htenc kuex Moshe kox nuex kaz vtueq, “Nuiyshiq rueq mnoz muex nuiyc Yehowa muex khawx lvlx ngoz ngax vtueq yaq gay tiq. Majuiuc muinz puiuc htenc vruex yurc gay tvkoc Yehowa kox wawc vjux thoz kuq koq,” ngoz tueq kvmenc jenc thoz tueq. Kvkhoc rvtueq Moshe rueq miq htenc kvruex tvkoc vjux thoz kuq tueq.