DUNGWVNC 5:8 - Hawa Naga Bible 2001

⁸ Yuq muinz tsuingshiq rueq shoay juing ghaqlung kuex kungkhux wawc htauk nuex tvyomx mvy muq, yvmx dvyx rungx rax ruiux muinz yauk shuimc kuex tvyomx mvy muq. Tsuingshiq kuex yauk shuimc duimc muex ngoc, tsuingshiq Tishox muex shomc kuy kay tvkaz koq ngoz tueq ngaz muex jungx wuez yaq.

ASII LAKDAP Bible (BSI)

⁸ Shatmaq kongkhuji maq ranaiq shi na kiitelong ka ümchuwa lo tlaq, kiichu khaq khaq lo ratlo. Kiitelong ka poshi min tiitsap mai mak. Tsangshiq jaqsham chang ahü kha maq, tsangshiq raq ngi nangnga tsangshiq Shiikeawe ma honglu takekai miitu tiiwa laq nguta paqlaqtlo!

DUNGWVNC 5:8 Referencias Cruzadas

Tvtsvmc 106:41

Vpiq rueq tsuingshiq kuex vganc miqsaz luimc vkawc nuex lekuq gay ruiux, tsuingshiq ralx htenc rueq tsuingshiq kuex guimz lawc wvnc wuez tueq.

DUNGWVNC 1:11

Kvkhoc rvtueq Ejip miqsaz rueq tsuingshiq htauk nuex dax yauk shuimc lawc jix kuex thvl taq vtueq, vgvrx vtsvrx yauk shuimc nuiyc tsuingshiq thuinz htenc kuex tvnulx tawk gay tueq. Israel miqsaz htenc rueq hokhvmx tvkoc taungx vwawx tvy juing baung Pithom nuiyc Ramese ghaqyungx kuex Israel miqsaz muex tvguirc tueq.

DUNGWVNC 5:17

Hokhvmx waz rueq, “Nuimshiq kuex vduimz, yauk shuimx roc muit rvtueq ngoc nuiyshiq Yehowa muex shomc kuy kay tvkoc kaz phix, ngoz tueq thoz wuez vshuinx.

DUNGWVNC 5:19

Kungkhux nuex tsuingshiq rueq shuimx wvnc tueq rulc rv-ngvlc wvraungx nuiyq tek ghaqlung tvhungx rax ngoz tueq jungc kuy ningkhvnc nuex tsuinghez kuilc daz rvhumc yaq kuex walaungx bix rueq helc wuez tueq.

DUNGWVNC 5:7

“Vruex miq htenc rueq ghaqlung shoay tvkoc tsvmkuiz kuex nauk kuq kaz shex. Tsuingshiq miqmac rueq mthuiyx wuez shueq.

DUNGWVNC 5:9

Tsuingshiq muex yauk shuimc vgvrx kuex nvp hvt maq tvshuimc shuinz, kvkhoc ngoz ruiux jix tsuingshiq muex laulawc yaq kvjaz kuex tay tvkoc vkhing lvp muq rvshuex,” ngoz tueq jungx tueq.