Biblia Todo Logo
La Biblia Online
- Anuncios -




DUNGWVNC 5:21 - Hawa Naga Bible 2001

21 Tsuinghez rueq Moshe nuiyc Arun muex ngoc, “Nuimhez rueq yvmx wuez ruez vshuinx Yehowa rueq khiz yaq, hokhvmx waz nuiyc piq miq vyungx vlaungx bix htenc rueq nuiyhez kuex shuiuc pac tvkoc, nuimnueyc rueq ruez vshuinx ningkhvnc nuex Yehowa rueq jix nuimnueyc muex murx mtvgurc kv-phuinx. Nuiyhez kuex tvthvy gay tvkoc nuimnueyc rueq tsuinghez muex yaung kuex noalc kuq gay tuit shex,” ngoz tueq jungx tueq.

Ver Capítulo Copiar

ASII LAKDAP Bible (BSI)

21 Tsangshiq raq Mosheq nai Aron ma nguto, “Namnai raq jamlai wa riilan ka Tatiwe raq chhito she. Namnai raq hokhamwe nai asengi ajong alabi ma naishiq tiingeng wan lan arkha na namnai apaiq mo mihohan. Namnai raq tsangshiq ma naishiq tiitsea baiq miitu lampu tankuq lan.”

Ver Capítulo Copiar




DUNGWVNC 5:21
19 Referencias Cruzadas  

Kvruex yimaq Sarai rueq Abram muex ngoc, “Mnoz ningkhvnc nuex Hagar rueq ngaz wvlc guez waqguez tvyaungc yaq. Ngaz rueq piq kuex mnoz muex kuq phaungx, piq wvgvnz shex kuex piq rueq tuiuz vtueq ngaz muex wvlc guez tvyaungc yaq. Mnoz shuex vlvmx ngaz wuez vlvmx kuex Yehowa rueq mhtvp htaz phox kuq phueq!” ngoz tueq jungx tueq.


Abraham Tishox nuiyc Nahor Tishox rueq naungnueyc hvlwvl vruex yuq mphox kuq phueq,” ngoz tueq bomkhvmc taq tueq. Kvruex yimaq Yaku rueq muinz vwaz rueq nawk palx yaq Tishox muingc kuex jungx vtueq bomkhvmc khvmc taq tueq.


Yaku rueq Simeon nuiyc Lewi muex ngoc, “Nuimnueyc rueq ngaz muex kuilc daz shex tvrvhumc phuinx; majuiuc Kanaan miqsaz, Perizi miqsaz nuiyc vruex mungx wawc miq lotlaz rueq ngaz vruex shex shuiuc wuez phuex. Ngaz kox nuex miq kuex raungluingx saz dvyx httax yaq; mkhoc shoc maq tsuingshiq rvtuimx vtueq ngaz kuex kheltoal khvt wvnc ruiux yuq, naungshiq wvtaungx tuimx tvbac gay rvhumc tix,” ngoz tueq jungx tueq.


Ammon miqsaz rueq Dawid kuex tsuingshiq ralx muex tvyaungc gay tueq lvmz helc lvp vtueq, Betharehob nuiyc Zoba wawc Siria nolaungx bix 20,000, Tob ghaq wawc miq 12,000, kvmaq Maaka hokhvmx waz kox wawc miq 1,000 tauk nuic tueq.


Dawid kuex tsuingshiq ralx muex tvyaungc gay tueq lvmz Hokhvmx Hanun nuiyc Ammon miqsaz htenc rueq helc vtueq, tsuinghez rueq Htauk kox Mesopotamia nuiyc Siria mungx Maaka nuiyc Zoba hong htenc wawc nolaungx renc htenc nuiyc mvre nolaungx bix htenc kuex gvlc tvkoc kuimphox sawx kilogram 34,000 kuq tueq.


Tsuingshiq rueq Moshe muex ngoc, “Ejip mungx nuex luip ruiuz khux vguez rvtueq haz? Mnoz rueq nuiyhez kumtsvy tvnx vyuq tvthueyc gay muex haz shvlx laq phux? Lawc shuiuz mnoz rueq nuiyshiq kuex Ejip mungx wawc tvdung shvlx wvnc vtueq yvmx lac ruez vphux!


Miq htenc rueq Moshe muex ngoc, “Nuiyshiq rueq yvmx lac nuingx vshix,” ngoz tueq kvbot wuez tueq.


Kumtsvy tvnx kvmaq tsuingshiq lotlaz rueq Moshe nuiyc Arun muex,


Tsuingshiq kvmx wuez tueq, Yehowa kuex tsuingshiq kox nuex svt kaz vtueq, tsuingshiq pinhtumc tvkuilc daz yaq kuex khiz tueq shex lvmz tay wuez vtueq, tsuingshiq bumx vtueq nawk palx wuez tueq.


Tsuinghez dung kaz koq tueq, tsuingshiq bvmc yaq Moshe nuiyc Arun rulc rvhumc tueq.


Moshe rueq kvruex bomc kuex Israel miqsaz muex jungphvnx kuq tueq, yuq muinz tsuingshiq dax muex yaungc pat nuex bac wvnc tueq tsuingshiq siyac ningkhvnc nuex tsuingshiq rueq piq kvjaz kuex tay wuez muq.


Shoaykumx maungx htenc rueq vhomc waq vpuiz tix sheshac vshiz kuex vnvmx thuingc tvthuingx gay yaq ikhoc, raungluingx saz ngauk ngaz rueq yungc loayc hvlc taksux tharc kuex tvbac gay lot yaq.


Vruex kuex ghaqyaz kox kumtsvy tvnx nuex httax yaq ngvmx saz htenc nuex seng vtueq Tishox bomjungc rvtueq: “Kamx waz bix kuex hangsic htenc, vyangx httax yaq puiuc htenc nuiyc vbaz rvyaq paren htenc httax yaq kvhiz juing mungtan lvmx maq kaz wvnc tueq. Tsuingshiq rueq tsuingshiq loze htenc nuiyc kamel htenc nuex vhtawz vhttax kuimphox htenc tvdaungc vtueq, tsuingshiq muex raungluingx muinz romc kuq lot muq miqphvnx htenc tvkoc gurx laq yaq.


Ngaz rueq ghaqkhux kox maq httuiuc kaz tueq kup jawrawx ralx daungx kuex thuq gay ruiux tsuingshiq wawc wvyvmc kuex kumtsvy tvnx nuex yurc gay shaungx. Tsuingshiq khaungx tvmax wawc wvmuingc jungc jix kuex Yuix Maungx Jumx nuex, tsuingshiq yix kox wawc muingc jungc vhttax jix htenc kuex Mediteranean nuex yurc gay shaungx. Tsuingshiq maungx htenc nvmc kuex thuingx tuex. Tsuingshiq lotlaz rueq nuimshiq muex ruez wvnc tueq ningkhvnc nuex tsuingshiq kuex ngaz rueq tvbac gay shaungx.


vruex hez vmaq lvy vtueq ukhaq muinz kvruex mungx kvyuq nyuip mvy muq, tsuingshiq kuex phelez yaq ngvy ngauz vngax kvruex muinz, Ejip mungx maq nuiyc yaruix tvnx maq ngaz rueq shuimx wvnc tauk vwangc juing phvnx htenc kuex khiz ruiux muinz, tsuingshiq rueq ngaz muex lauk wvruip ruip wvlc guez waqguez tvyaungc vtueq, ngvy kvjaz muinz tay wuez muq.


Yvmx ngoz tueq lac Yehowa rueq naungshiq kuex kvruex mungx nuex tvkaz vphvnx? Naungshiq kuex ralx khvt nuex dvyx htumx wvnc tix, naungshiq juik vsaz hez htenc kuex ralx rueq lvp wvnc rvhumc tuex. Ejip mungx nuex yek waung ruiux waz vhvlx ngoc raung?” ngoz tueq kvbot nyvnx wuez tueq.


Sholu rueq Philistin nolaungx yungx waz kuex thvt gay tueq lvmz nuiyc Philistin miqsaz rueq tsuingshiq shuiuc pac yaq lvmz kuex Israel miqsaz lotlaz rueq tay tueq. Kvkhoc rvtueq Gilgal maq Sholu rulc rvhumc hemc ruiux rvtuimx ix ngoz tueq miq htenc rueq tvralc wuez tueq.


Yuq muinz Achish kuex Dawid muex tvluimc vtueq piq rueq, “Vruex waz kuex piq Israel miqsaz shauk htenc ningkhvnc nuex pinhtumc shuiuc pac rvhumc vtueq, piq rullungx wvlex ngaz muex dvyx mshuimx lvmz kuq phuex,” ngoz tueq rvwvl tueq.


Síguenos en:

Anuncios


Anuncios


¡Síguenos en WhatsApp! Síguenos