DUNGWVNC 5:10 - Hawa Naga Bible 2001

¹⁰ Dax muex tvkuiux raz kuy jix hez nuiyc Israel walaungx bix kuex Israel miqsaz kox nuex kaz vtueq, “Hokhvmx waz rueq nuimshiq muex tsvmkuiz kuex kuq muq shex ngoz wuex.

ASII LAKDAP Bible (BSI)

¹⁰ Kiimaq dikong pengtibi nai Israilnok jaqsham liitibi ka Israilnok phana kito. Raüta Israilnok ma akha chongto, “Hokhamwe raq namshiq ma tsamkü shin ka lunkuq mak she nguwa.

DUNGWVNC 5:10 Referencias Cruzadas

DUNGWVNC 1:11

Kvkhoc rvtueq Ejip miqsaz rueq tsuingshiq htauk nuex dax yauk shuimc lawc jix kuex thvl taq vtueq, vgvrx vtsvrx yauk shuimc nuiyc tsuingshiq thuinz htenc kuex tvnulx tawk gay tueq. Israel miqsaz htenc rueq hokhvmx tvkoc taungx vwawx tvy juing baung Pithom nuiyc Ramese ghaqyungx kuex Israel miqsaz muex tvguirc tueq.

DUNGWVNC 3:7

Kvruex yimaq Yehowa rueq, “Ngvy miqsaz htenc Ejip mungx nuex kuilc daz rvhumc yaq kuex ngaz rueq rvkhauk laz khiz tauk; tsuingshiq muex nvrc jix hez rueq guirguenz yaq kuex nanx lot muq ningkhvnc nuex tsuingshiq muex romc lawc kuy tvkoc guyc sez kvjaz kuex ngaz rueq tay tauk. Tsuingshiq rvhumc yaq htemc vrvmc lotlaz ngaz rueq tuiuz yaq,

DUNGWVNC 5:11

Piq rueq ngoc nuimshiq miqmac rueq humc lot shuinx wawc thuiyx shuinz ngoz wuex, yuq muinz nuimshiq rueq shoay juing ghaqlung kuex tvyomx mvy muq, ngoz wuez,” ngoz tueq jungx tueq.

DUNGWVNC 5:6

Kvruex raungnuiyq kvkaq dvyx hokhvmx waz rueq yauk shuimc nvrc jix Ejip miqsaz nuiyc Israel miqsaz yauk shuimc shunshvlc jix hez muex ngoc:

DUNGWVNC 5:9

Tsuingshiq muex yauk shuimc vgvrx kuex nvp hvt maq tvshuimc shuinz, kvkhoc ngoz ruiux jix tsuingshiq muex laulawc yaq kvjaz kuex tay tvkoc vkhing lvp muq rvshuex,” ngoz tueq jungx tueq.

TAKSU LAK 29:12

Mungx walaungx waz rueq vyaq thuix thaungx kuex phvnx ruiux yuq, piq khung wawc vyungx vlaungx bix lotlaz kuex vrot vkaq jix jvnc yaungx tuex.

ISAIA 30:6

Vruex kuex ghaqyaz kox kumtsvy tvnx nuex httax yaq ngvmx saz htenc nuex seng vtueq Tishox bomjungc rvtueq: “Kamx waz bix kuex hangsic htenc, vyangx httax yaq puiuc htenc nuiyc vbaz rvyaq paren htenc httax yaq kvhiz juing mungtan lvmx maq kaz wvnc tueq. Tsuingshiq rueq tsuingshiq loze htenc nuiyc kamel htenc nuex vhtawz vhttax kuimphox htenc tvdaungc vtueq, tsuingshiq muex raungluingx muinz romc kuq lot muq miqphvnx htenc tvkoc gurx laq yaq.