DUNGWVNC 40:20 - Hawa Naga Bible 2001

²⁰ Kvruex yimaq piq rueq lungdvmx nueyc kuex lvmz vtueq Bomkhvrc Jep nuex htawc taq tueq. Jep kamz htenc kvyuq kantaung htenc kuex relc ruiux, kvruex htauk nuex vguip maq puingc tueq.

ASII LAKDAP Bible (BSI)

²⁰ Kra raütiishe apaiq raq longpen wiinai kra lamto. Raüta Tongshong Tek mong niishe thiito. Raüta apaiq raq tek pichang pepum wiinai ka awakom mong na tlea reto. Raüta apang chang ahap kiimaq pangto.

DUNGWVNC 40:20 Referencias Cruzadas

1 HOKHVMX 8:9

Israel miqsaz Ejip mungx maq kaz wvnc tueq nuex Yehowa rueq Sinai Kanx maq tsuingshiq rulc bomkhvrc taq ruiux, Moshe rueq vtaq lungdvmx vnueyc maq lvy vtueq Bomkhvrc Jep mungx nuex yvmx muinz httax muq.

1 KAÜWA WERAÜ 15:3

Kvkhoc rvtueq Dawid rueq Bomkhvrc Jep kuex piq rueq tvhungx shec tueq baung kvyuq pic tvy muex ngoz tueq, Israel miqsaz htenc lotlaz Yerusalem ghaq nuex rvtuimx tvkoc nvr tueq.

2 KAÜWA WERAÜ 5:10

Israel miqsaz kuex Ejip mungx maq kvtenc kaz wvnc tueq nuex, Yehowa rueq Sinai Kanx maq tsuingshiq rulc bomkhvrc taq vtueq Moshe rueq vtaq lungdvmx vnueyc maq lvy vtueq vganc kuex Bomkhvrc Jep mungx nuex yvmx muinz httax muq.

Tvtsvmc 40:8

Ngvy Tishox lex, mthuinz roc lvmx shuimc muex ngaz rueq mtanc lac lungwawx vshaungx! Mnoz rueq tvluing kuq vphux kuex ngvy thuinz vmungx nuex tvtsuingc taq vshaungx,” ngoz tueq tvralc tauk.

DUNGWVNC 16:34

Yehowa rueq Moshe muex nvr tueq kvkhoc Arun rueq tuik kvruex Bomkhvrc Jep khaungkac nuex taq tueq.

DUNGWVNC 26:34

Bomkhvrc Jep kuex vguip maq guip taq shuinz.

DUNGWVNC 31:18

Tishox rueq Sinai Kanx maq Moshe muex jungc kuy lot yix, Tishox vpiq rueq bomkhvrc htenc vwuiyq taq lungdvmx nueyc kuex piq muex kuq tueq.

DUNGWVNC 40:19

Yehowa rueq piq muex nvr tueq rulc rv-ngvlc, Tap shuip kuex tvparc shuip ruiux, wux khux htauk wawc lap kvruex muinz shuip yek tueq.

DUNGWVNC 40:3

Kvruex yuq Tvrac Rokshiz httax yaq Bomkhvrc Jep kuex htawc taq ruiux, max kox kvyuq vjuinc juing khvymvnz maq tuk shuiuz.

Matthew 3:15

Yuq muinz Yesu rueq, “Majuiuc kuex ruez kuq koq. Yvmx khoc lac ngoz ruiux lec Tishox rueq jungx shec tueq lvmz lotlaz kuex phvnc aungx yaq,” ngoz tueq ngoz kuq tueq. Kvkaq jix Yohan muinz raz tsaz naungx tueq.

Romans 10:4

Yvmx khoc lac ngoz ruiux lec Christu muex kvmluimx jix miq ruip rawx Tishox htumc nuex tsuingrux wvnc tvkoc Christu rueq Tvrac pat kuex tvhtumx gay tueq.

Romans 3:25

Christu vthueyc khvmc vtueq miqsaz kuex mvrax htenc wawc dawc kuy gay lot tvkoc Tishox rueq Taungjix kuex shomc nawk kuy juing phvnx muex tvyaungc gay tueq. Miqsaz kuex Christu muex kvmluimx vtueq mvrax htenc wawc dawc kuy rvhumc wuez tueq. Tishox rueq Christu kuex shomc nawk kuy juing ikhoc muex tvyaungc gay tueq lvmz kuex, vpiq tsuingrux lvmx tvkhic kuy rvtueq. Majuiuc pat nuex httuiuc laz Tishox kuex thuinz vluz nanx thuinz maq miqsaz vyaq vrax wvnc mvrax htenc kuex tvtsuingc kuq muq. Yuq muinz majuiuc pat nuex vpiq tsuingrux lvmx tvkhic tvkoc miqsaz mvrax kuex tvtsuingc kuq yaq. Kvkhoc maq Tishox rueq vpiq kuex tsuingrux waz rvtueq lvmz muinz, Yesu muex kvmluimx jix htenc kuex vpiq rulc tvtsuing tvrux yaq lvmz muinz tvkhic tueq.

TRI CHONGKE 10:5

ngaz kuex kvwek vtueq kanx htauk maq svt kaz tauk. Yehowa rueq nvr phuex rulc rv-ngvlc ngaz rueq vtvhungx jep mungx kvyuq htawc taq tauk, kvruex lungdvmx nueyc kuex majuiuc nuex httuiuc laz httax yaq.

Hebrews 4:16

Kvkhoc rvtueq naungshiq khvmc thuinz maq Tishox hoc daungraungc khaungkac nuex nyuip wuez ix. Kvkhoc ngoz ruiux naungshiq kuex menjenc kuy lvmx rvhumc tix nuiyc rax yaq nuex naungshiq muex romc kuy kejux lvp wvnc wuez shix.

Hebrews 9:4

Kvruex yuq vhomc phvnx juiuz juing kuimshawx shomrawx nuiyc wvpumz tuimx kuimshawx maq vtvhungx Bomkhvrc Jep httax yaq, kvruex jep mungx kvyuq manna wanx htawc juing kuimshawx tuik muinz, vpuic vsung rvyaq Arun paq muinz, bomkhvrc tvrac vwuiyq shec lung dvmx vnueyc muinz httax yaq.

1 John 2:2

Christu vpiq pumz kuex naungshiq mvrax laung nuex pumz httungx shomc kuy juing rvtueq, vpiq ningkhvnc nuex naungshiq mvrax htenc dawc kuq gay phuex kvdvyx muinz rvmuq, miqpumz tek mvrax htenc muinz dawc kuq gay tueq.