DUNGWVNC 40:2 - Hawa Naga Bible 2001

² “Vphaungc yapix, vphaungc raungnuiyq nuex Yehowa httax yaq Tap kvruex tvjvp guirx shuiuz.

ASII LAKDAP Bible (BSI)

² “Apha wan jipi wa jiha ranaiqshi na Tatiwe asi Tombutiip ka shonglaq.

DUNGWVNC 40:2 Referencias Cruzadas

1 KAÜWA WERAÜ 17:5

Israel miqsaz htenc Ejip mungx wawc ngaz rueq palc wvnc tauk maq raz tueq majuiuc nuex httuiuc laz shomc yuimx nuex mkaq muinz httax mauk shauk doc; tap nuex dvyx httax vtueq baungshiz maq baungshiz nuex kvhttot wvnc tauk.

2 KAÜWA WERAÜ 29:3

Hezekia hokhvmx yaungx wvnc tueq raungwawc vphaungc yapix nuex, Shomc Yuimx kaluix htenc kuex daz yek vtueq tvhvlc tueq.

DUNGWVNC 13:4

Nuimshiq kuex Abib yapix ngoz yaq vphaungc yapix vruex raungnuiyq nuex Ejip mungx maq dung wvnc tuit.

DUNGWVNC 19:1

Israel miqsaz htenc kuex Ejip mungx maq dung kaz wvnc yix, Lex thuimx yapix vphaungc raungnuiyq Sinai kumtsvy tvnx nuex tsuingshiq httuiuc kaz tueq. Tsuingshiq kuex Rephidim maq waung wvnc vtueq Sinai Kanx yaz nuex jerak tec ruiux httax wuez tueq.

DUNGWVNC 26:1

“Ngaz httax taungx Tap kuex, ruiy vhvlx maq, kakiz nvm-yaz, pasic nvm-yaz, khelbuenx ruiyshawx htenc maq vtauk vjuinc juing khvymvnz rokshiz maq tvhungx shuiuz. Vjuinc juing htenc kvyuq kherubim yac wuiyq tvhungx shuiuz.

DUNGWVNC 26:30

Mnoz muex kanx maq tvkhic phaungx Tap romz ikhoc guirx tvhungx shuinz.

DUNGWVNC 26:7

“Tap shuip tvkoc khvymvnz rokshiz rac vshiz kuex khelkhix mul maq tauk shuiuz.

DUNGWVNC 27:21

Arun nuiyc piq sahez rueq ngvy httaz juing Tap mungx nuex Bomkhvrc Jep vtuk shec maq kantsec kox nuex, wvrkok kuex raungyac maq raungnvp nuex httuiuc laz ngvy khaungkac nuex tvluic tvy rax. Israel miqsaz nuiyc tsuingshiq phvnx vmaq htenc rueq tvrac vruex mkaq muinz phvnc wuez rax.

DUNGWVNC 30:36

Vhomc vshot kvwawc wvyvmc kuex tvwanx htuiuz ruiux, Ngaz httax taungx Tap mungx nuex lvmz laq vtueq Bomkhvrc Jep kvlc kvyuq wuinc shuiuz. Kvruex vhomc vshot kuex vsawc pinhtumc vhomc vtumc muex tvyaungc rax.

DUNGWVNC 35:11

Tap nuiyc vshuip vtuk juing, vbvt juing, rawtoz, vjuinc juing, htung htenc nuiyc gaq kox nuex yop juing htenc;

DUNGWVNC 36:18

Tsuinghez rueq Tap shuip tvkoc nvyrvyx khuiyq rok bv-ngac kuex tvhungx vtueq khvymvnz phux nueyc kuex tvjuy koq tueq, vshuip juing vshiz muex dvyx shex yaungx kaz tueq.

DUNGWVNC 40:1

Yehowa rueq Moshe muex ngoc,

DUNGWVNC 40:6

Wvr maq jauk shomc kuy juing shomrawx kuex Yehowa httax yaq Tap kac nuex taq shuiuz.

EJEKIEL 40:1

Nuiyshiq thuq wvnc phuex kuex wawc 25, wawc nyalx raungx rokshiz raungnuiyq, Yerusalem bac wvnc yix wawc rokshiz rac wawc bvlic nuex rvtueq, Yehowa luimc vkawc yunghvlc kuex ngvy htauk nuex httuiuc kaz vtueq ngaz kuex shvlx wvnc phuex.

EJEKIEL 45:18

Johvlc Yehowa rueq, “Vphaungc yapix vphaungc raungnuiyq, vmac vtsac vguez manx pung saz maq shomc nawk kuq vtueq Shomc Yuimx kuex tvsawc nawc rax.

WEAWEA 1:1

Israel miqsaz htenc kuex Ejip mungx maq kay wvnc yix, wawc nueyc ngoc yaungc lex nueyc yapix vphaungc raungnuiyq nuex Yehowa rueq Sinai Kumtsvy tvnx nuex vpiq lomx kaz yaq Tap maq Moshe muex jungx tueq.

WEAWEA 7:1

Moshe rueq Yehowa httax yaq Tap kuex guirx lot tueq raungnuiyq kvkaq, Tap nuiyc kvyuq seng yaq hup svmx htenc muinz, shomrawx nuiyc kvyuq seng yaq hup svmx htenc muinz, ruimruimc puiz tix maq shvy vtueq lekuq tueq.

WEAWEA 9:1

Israel miqsaz htenc kuex Ejip mungx maq dungc kay yix, raungwawc wawc nueyc, vphaungc yapix nuex Yehowa rueq Moshe muex Sinai Kumtsvy tvnx maq rvbomc tueq. Vpiq rueq,

WEAWEA 9:15

Yehowa httax yaq Tap kuex tvjvp guirc raungnuiyq phuemx svt kaz vtueq puingc gay tueq. Raungwvrx nuex phuemx kuex wvrluic tul ikhoc lez yaq.