Biblia Todo Logo
La Biblia Online
- Anuncios -




DUNGWVNC 34:16 - Hawa Naga Bible 2001

16 Nuimshiq suiuz vsaz htenc rueq kvruex mungx wawc miq kuex lvmz wuez vtueq, ngaz nuex tvmtuing tvhttax muq maq nuiyc tsuingshiq tishox htenc kuex tvnawk palx kv-phuinx.

Ver Capítulo Copiar

ASII LAKDAP Bible (BSI)

16 Kiimaq namsetiim raq pong mung maiqse sheare kra molam wan she moraq miraq. Raüla kra nyungre raq tsangwesetiim ka Ngi miimthü raüta lamjiq niishe misheaho. Raüta tsangshiq thatsang phra kong kriishe mitiishomnoqho.

Ver Capítulo Copiar




DUNGWVNC 34:16
23 Referencias Cruzadas  

Mnoz rueq isaz tvkoc miq kuex Kanaan miqsaz wawc thuiyx kuq mauk ngoz tueq, raungx nuiyc ghaq Yehowa Tishox muingc ruingc vtueq kvtuemc kuiuz.


Solomon rueq pungnuk shvlx rulx paunghvlc lungwawx tueq. Ejip hokhvmx waz saz yalxjuik saz kvmaq lvy vtueq, Hitti, Moba, Ammon, Edom nuiyc Sidon shvlx rulx htenc kuex lvmz tueq.


(Vtaungx nyuiuz Jezebel rueq nvr yaq yauk shuimc lotlaz shuimc jix Ahab ikhoc Yehowa htumc nuex vbac yauk shuimc kuex piq shauk pumz maq raungc raq vtueq tvhtumx laz shuimc gay jix ukhaq yuq muinz httax luc tuex rvmuq.


Piq rueq Yuda mungx wawc kanx vjoz htenc nuex yac yuimx nawk palx juing htenc kuex tvhungx kuq ruiux, Yuda mungx nuiyc Yerusalem ghaq jix htenc muex lvmx shvlc tvyaq kuq vtueq Yehowa muex mvrax yaq kuq tueq.


Tsuingshiq rueq nuiyshiq suiuz vsaz htenc kvruex mungtan kvyuq vkoz vkez maq pattup guimz wvnc lvp tvkoc ngoz ruiux kuex, tsuingshiq kuex kvruex miqsaz htenc kvrulc rvshot rvshauk shung ngaungc muq tvkoc muinz, tsuingshiq rungwanx lvmz nuiyc lotlaungc yauk shuimc htenc nuex mkaq muinz romc naungx muq tvkoc muinz nuiyshiq muex jungx phuex.


Yuda waz rulx rueq mungganc miqsaz lvmc ningkhvnc nuex Tishox vsawc miqsaz htenc kvmvlc kvtsawc yaungx wuez tueq. Walaungx bix nuiyc vyungx vlaungx bix htenc kuex jvnc vtueq yaq wuez tueq.


Naungshiq rueq vruex mungx nuex httax yaq pungnuk miqsaz htenc rulc shung ngaungc tix rvmuq.


Pungnuk miqsaz htenc rueq naungshiq kuex Vguilc Raungnuiyq nuiyc vganc vsawc raungnuiyq nuex tuiuz vtsvmz nuiyc vganc phvnx shishiz vshaungc muex laq ruiux yuq, naungshiq rueq tsuingshiq kox wawc ruiyx shix rvmuq. Naungshiq rueq wawc mvshix httuiuc tuex tek wuik vnax kuex shuimx miq, htawz htuimc httax yaq lotlaz tv-nyingx tvmaq gay vshix.


Kvruex baunglaung Yuda miqsaz paunghvlc Ashdod, Ammon nuiyc Moba shvlx rulc htenc lvmz wuez tueq lvmz ngaz rueq khiz tauk.


Kvkhoc ningkhvnc nuex ngaz rueq kvruex waz hez kuex ngoz ngax httonx tauk, thvt tauk, tsuingshiq khux mul muinz phiz gay tauk. Kvruex yimaq ngaz rueq tsuingshiq nuiyc tsuingshiq sahez muex mkaq muinz pungnuk shvlx rulc kuex lvmz miq shex, ngoz tueq Tishox muingc jungx vtueq tvtuemc tvkhvmc wuez tauk.


Tsuingshiq rueq shuimx wvnc tueq yauk shuimc maq tsuingshiq shauk vgvnz kuex tvshuy shac wuez yaq, Tishox muex tvmtuing thuinz vguez shex.


Yehowa rueq Hosea maq raz tueq Israel muex vphaungc jungx tueq nuex, vpiq rueq Hosea muex, “Mnoz rueq miq kuex lvmz kaz kuiuz; mtaungx nyuiuz kuex tvmtuing vguez yaungx tuex, msahez muinz piq kvkhoc jvnc yaungx wuez tuex. Kvrulc rv-ngvlc ngvy miqsaz htenc muinz ngvy kox wawc dung wvnc vtueq tvmtuing vguez shex,” ngoz tueq jungx tueq.


Kvkhoc rvmuq ngoz ruiux, sawc aungx yaq piq suiuz vsaz htenc kuex sawc muq muex yaungx tuex. Ngaz Yehowa rvtauk rulc rv-ngvlc piq kuex Shomc Wayungx muex tvrv-phvlc taq tauk,” ngoz tueq jungx tueq.


Nuimshiq tvmtuing wawc kv-phelc wvnc vtueq nuimshiq rulc kvjungx httax yaq vganc phvnx miqsaz rulc khoalx ruix rvyaungc ruiux yuq kuex,


nuimshiq kvtenc kaz wvnc ruiux muinz Yehowa nuimshiq Tishox rueq miqphvnx kvruex vsuingc suing yurc gay muq lvmz kuex nuimshiq rueq tuiuz taq wuez shuinz. Tsuingshiq kuex nuimshiq tvkoc phex, rvmuq ngoz ruiux ghaqkhurx, vwungc juing svnthuingx, muik nuex suk yaq shuiuq ikhoc pinhtumc kvhiz juing muex yaungx tuex. Kvdvyx muinz rvmuq Yehowa nuimshiq Tishox rueq nuimshiq muex kuq kv-phuinx vruex vhvlx mungtan vwawc nuimshiq vshiz muinz tvjungx muq thvy gay nuex httuiuc laz vkhoc ruez shuex.


Yuq muinz vnyuiuz waz rueq piq muex ngoc, “Mnoz rueq yvmx ngoz tueq lac mtaungx nyuiuz vshiz lvp tvkoc kvmluimx muq Philistin miqsaz kox wawc roc kaz tonx? Mnoz rueq naungshiq waruiuz wawc muinz, naungshiq miqsaz lotlaz wawc yalxjuik vshiz muinz humc lot muq shex haz?” ngoz tueq wiz tueq. Samson rueq vwaz muex ngoc, “Kvruex yalxjuik saz kvdvyx ngvy tvkoc tvwiz kay roc, piq kuex ngaz rueq lungwawx vshaungx,” ngoz tueq jungx tueq.


Kvkhoc rvtueq Israel miqsaz kuex Kanaan miqsaz, Hitti miqsaz, Amori miqsaz, Perizi miqsaz, Hiwi miqsaz nuiyc Jebusi miqsaz htenc rulc vdvmz nuex httax wuez tueq.


Tsuingshiq rueq kvruex hez rulc khoalx vruix rvyaungc wuez vtueq kvruex nuk tishox htenc kuex nawk palx wvnc wuez tueq.


Gideon rueq kvruex kuimshawx htenc kvmaq yac yuimx vshiz kuex tvhungx guirx vtueq, piq httax yaq Ophra nuex taq tueq. Israel miqsaz htenc rueq Tishox kuex tuip gay ruiux, kvruex wawc yac yuimx kuex nawk palx kaz wuez tueq. Kvruex kuex Gideon nuiyc piq yuimx jix htenc tvkoc bix vtsvnc taq ikhoc yaungx wvnc tueq.


Síguenos en:

Anuncios


Anuncios


¡Síguenos en WhatsApp! Síguenos