DUNGWVNC 34:11 - Hawa Naga Bible 2001

¹¹ Majuiuc raungnuiyq ngaz rueq mnoz muex kuq phaungx tvrac htenc kuex phvnx shuinz. Ngaz rueq nuimshiq kay juing lvmx wawc Amori, Kanaan, Hitti, Perizi, Hiwit nuiyc Jebusi miqsaz htenc kuex yurc gay shaungx.

ASII LAKDAP Bible (BSI)

¹¹ Ümchaü ranaiq Ngi raq namshiq ma thungtri raütu thun kuq tiikang kra lang ronglaq. Ngi raq Amoraiqnok, Kanannok, Hitaiqnok, Perijaiqnok, Hiwaiqnok, kiimaq Jebusaiqnok thun kra namshiq jamkho sinkhu na wawantlan, kra phan phan wiita mijobaiqha.

DUNGWVNC 34:11 Referencias Cruzadas

1 KAÜWA WERAÜ 1:14

Kanaan kuex Jebusi, Amori, Girgashi,

NEHEMIA 13:23

Kvruex baunglaung Yuda miqsaz paunghvlc Ashdod, Ammon nuiyc Moba shvlx rulc htenc lvmz wuez tueq lvmz ngaz rueq khiz tauk.

DUNGWVNC 23:28

Nuimshiq ralx htenc kuex ngaz rueq tvhiz sungx tvkawc yawc gay shaungx; nuimshiq kaz vtuinx nuex Hiwit, Kanaan nuiyc Hitti miqsaz htenc kuex yurc gay shaungx.

DUNGWVNC 3:17

Ngaz rueq tsuingshiq kuex Ejip mungx wawc tvdungc shvlc wvnc tvkoc htvp htaz wuez shex, tsuingshiq guirguenz yaq kvwawc shvlx wvnc vtueq, puix nuiyc nyaq ngurx dung yaq mungx, Kanaan, Hitti, Amori, Perizi, Hiwi nuiyc Jebusi phvnx htenc httax yaq mungx nuex shvlx wvnc tvkoc htvp htaz tauk shex.

DUNGWVNC 3:8

kvkhoc rvtueq Ejip miqsaz yauk wawc tsuingshiq kuex palc wvnc vtueq, Ejip mungx maq tvdung wvnc ruiux, puix nuiyc nyaq ngurx dung yaq mungx nuex tsuingshiq kuex shvlc wvnc tvkoc ngaz svt kaz tauk. Kvruex mungx kvyuq Kanaan, Hitti, Amori, Perizi, Hiwit nuiyc Jebusi phvnx htenc majuiuc httax wuez yaq,

DUNGWVNC 33:2

Nuimshiq muex lvmx shvlc kuy tvkoc ngaz rueq raungkamx waz tvkaz shaungx, Kanaan, Amori, Hitti, Perizi, Hiwit nuiyc Jebusi miqsaz htenc kuex ngaz rueq yurc gay shaungx.

DUNGWVNC 8:27

Nuiyshiq kuex Yehowa nuiyshiq Tishox rueq nvr yaq rulc rv-ngvlc nuiyq thuimx lvmx kumtsvy tvnx nuex kaz vtueq shomc kuy kay juing,” ngoz tueq jungx tueq.

Matthew 28:20

ngaz rueq nuimshiq muex nvr vphaungx phvnx ruip saz kuex phvnx wuez shuinz, tsuingshiq muex tvluing kuq shuinz. Kvdvyx muinz rvmuq ghaq vpat htumx wvnc tuex nuex httuiuc laz ngaz kuex nuimshiq rulc vdvmz mkaq muinz httaz naungx phaungx,” ngoz tueq jungx kuq tueq.

John 14:21

“Ngaz rueq nvrc bomc htenc kuex tay phvnc jix waz kuex ngvy lungwawc jix waz rvtueq. Ngvy lungwawc jix waz kuex Iwaz rueq muinz lungwawx shuex. Ngaz rueq muinz piq kuex lungwawx vtueq, ngvy shauk pumz kuex piq muex tvkhic kuq shaungx,” ngoz tueq jungx tueq.

TRI CHONGKE 12:28

Ngaz rueq nuimshiq muex nvr phaungx phvnx htenc kuex tvmtuing maq raz tueq phvnx shuinx. Nuimshiq rueq rvkhauk laz shuimx vshuinx kuex Yehowa nuimshiq Tishox rueq raungc raq yaq ningkhvnc nuex, nuimshiq nuiyc nuimshiq suiuz vsaz lotlaz kuex rungwanx wvnc tuinx.

TRI CHONGKE 12:32

“Nuimshiq muex ngaz rueq nvr vphaungx htenc kuex shuimx kaz wuez shuinz; tvrvp htawc muinz mvy muq, tvyomx gay muinz mvy muq.

TRI CHONGKE 28:1

“Majuiuc raungnuiyq ngaz rueq nuimshiq muex kuq vphaungx vpiq rueq vnvrc kvjaz lotlaz kuex tvkhvlc muit maq phvnx vtueq, Yehowa nuimshiq Tishox kvjaz kuex tay phvnx ruiux yuq, vruex ghaq htauk wawc miqphvnx htenc htauk nuex lvy vtueq nuimshiq kuex tenpix kv-phuinx.

TRI CHONGKE 33:27

Tishox rueq nuimshiq kuex pattup pat-sac tvkhup wungx kuq yaq; Vpiq rueq pattup yauk phumz maq nuimshiq muex romc kuq yaq. Vpiq rueq nuimshiq khuemc juing lvmx wawc ralx htenc kuex yurc gay tueq, ralx htenc kvruex tvbac gay tvkoc nuimshiq muex nvr yaq.

TRI CHONGKE 4:40

Nuimshiq nuiyc nuimshiq suiuz vsaz htenc lotlaz vhvlx maq httax wuez kuinz, majuiuc raungnuiyq ngaz rueq nuimshiq muex kuq vphaungx vpiq tvrac htenc lotlaz kuex phvnx wuez shuinz. Kvkaq Yehowa nuimshiq Tishox rueq nuimshiq muex kuy tvlanc vkuq mungtan kvyuq pattup pat-sac httax wuez tuinx,” ngoz tueq jungx tueq.

TRI CHONGKE 5:32

“Israel miqsaz lex, Yehowa nuimshiq Tishox rueq jungx yaq rulc rv-ngvlc phvnc rax. Vpiq tvrac htenc wawc yvmx yuq muinz yaq mvy muq.

TRI CHONGKE 6:25

Naungshiq kuex Yehowa rueq nvr yaq rulc rv-ngvlc phvnx ruiux yuq, vpiq rueq naungshiq mungtan kuex mkaq muinz tvkhup wungx bvmc kuq vtueq, tv-phoay rungx kuq phuex. Naungshiq rueq Tishox tvrac htenc kuex tv-phvyx miq maq phvnx wuez ruiux yuq, vpiq rueq naungshiq kuex raungc raq phuex,’ ngoz tueq jungx kuq shuinz.

TRI CHONGKE 6:3

Israel miqsaz lex, tay wuez vtueq phvnx wuez shuinz! Kvkhoc ruez ruiux yuq Yehowa naungshiq jix vwaz tamx Tishox bomkhvmc httax yaq rulc rv-ngvlc nuimshiq lotlaz rungwanx wvnc vtueq hungc vlaungc httaz hvlc miqphvnx muex yaungx wvnc ruiux, ghaq vbur phuiuz vsvy juing paunghvlc mungtan nuex httax ngaungc wuez lvp tuinx.

TRI CHONGKE 7:19

Nuimshiq miqmac rueq khiz wvnc tuit vhiz juing thuimkux htenc, vkawc yawc vwangc juing phvnx htenc, nuimshiq tvdungc shvlc lvy jix Yehowa nuimshiq Tishox luimc vkawc nuiyc vpiq yauk phumz kuex rvwvl lvp wuez shuinz. Yehowa rueq Ejip miqsaz htenc tvbac gay tueq kvkhoc, majuiuc nuimshiq hisungx vtuinx miq htenc kvmuinz tvbac gay shuex.

JOSHUA 23:5

Nuimshiq rueq khvt kaz ruiux yuq, Yehowa nuimshiq Tishox rueq tsuingshiq kuex nuimshiq kox wawc tvrv-nyuik wvnc vtueq nuimshiq kox wawc yurc kuq gay kv-phuinx. Yehowa nuimshiq Tishox rueq bomkhvmc httax yaq rulc rv-ngvlc tsuingshiq ghaq kuex nuimshiq rueq khvt lvp wvnc shuinx.