DUNGWVNC 32:25 - Hawa Naga Bible 2001

²⁵ Arun rueq miq htenc kuex tvmaung vguez hungc vlaungc kuy ningkhvnc nuex, tsuingshiq ralx hez khaungkac nuex vruc vngaz ikhoc dok dat yaq kuex Moshe rueq khiz tueq.

ASII LAKDAP Bible (BSI)

²⁵ Kiijiishe Mosheq raq Aron raq mungmaiqse ka penglot mak she thaqbaiqto nguta sapto. Raüta tsangshiq jaqtinok makki na angok anginok miishe jakito nguta sapto.

DUNGWVNC 32:25 Referencias Cruzadas

RAPHA HIQWA LAK 3:10

Piq rueq, “Mnoz sunc nuex httuiuc kaz toq tvruingc kuex ngaz rueq tay vtueq, khoguez khvyguez httax vtix ningkhvnc nuex hisvy thuiuz muex kvhttuiyq vtix,” ngoz tueq tvralc tueq.

1 HOKHVMX 12:28

Kvruex lvmz kuex tvmaung lot yix, kuimshawx maq manx pung vnueyc yac kuex tvyuimx lauz vtueq piq miq htenc muex ngoc, “Yerusalem nuex kaz vtueq nawk palx muex nuimshiq tvkoc lvmx vluz khuemc juing yaungx yaq. Kvkhoc rvtueq Israel miqsaz htenc lex, Ejip mungx wawc nuimshiq tvdungc shvlc wvnc jix nuimshiq tishox htenc kuex vruex yuq httax yaq!” ngoz tueq jungx tueq.

1 HOKHVMX 14:16

Jeroboam kuex mvrax yaq vtueq Israel miqsaz htenc mvrax lvmx nuex shvlc lvy ningkhvnc nuex Yehowa rueq Israel kuex tuip gay shec shuex,” ngoz tueq jungx tueq.

2 KAÜWA WERAÜ 28:19

Yuda Hokhvmx Ahaza kuex piq miqsaz htenc rueq lvp aungx yaq kuex tvsumx gay ruiux Yehowa tvgap gawx ningkhvnc nuex Yehowa rueq Yuda htauk nuex kuilc daz tvhttuiuc kuq tueq.

DUNGWVNC 32:26

Kvkhoc rvtueq piq kuex jerak palx ruk kvyuq jvp vtueq, “Yehowa kox nuex lomx jix miq kuex vnuex kaz luit!” ngoz tueq gvl tueq. Kvkaq Lewi phvnx htenc kuex Moshe kox nuex rvtuimx kaz koq tueq,

TAKSU LAK 29:18

Tishox rueq shvlx yaq lvmx kuex phvnx muq ngoz ruiux yuq, mungtan kuex rvthuip rvkhvt yaungx yaq. Tishox tvrac phvnc jix waz kuex thuinhvlx httax yaq!

ISAIA 47:3

Miq htenc rueq mnoz sawkumx kuex khiz wuez shuex; tsuingshiq rueq mnoz yomnamc gay rvhumc nuiyc yvlc svy rvhumc tuiux kuex khiz shuex. Ngaz rueq mnoz muex murx tvyez phaungx, ngaz kuex tvthauk lot jix vshiz muinz vguez,” ngoz tueq jungx tueq.

JEREMIA 5:5

Ngaz kuex luimc vkawc vhttax jix miq kox nuex kaz vtueq tsuingshiq muex jungx shaungx. Tsuingshiq rueq vsuing Yehowa thuinroc kuex tuiuz yaq, Tishox tvrac lvmz muinz tsuingshiq rueq tuiuz yaq,” ngoz tueq jungx tauk. Yuq muinz tsuingshiq lotlaz rueq Yehowa vpiq vrangx vpangx kuex tvdux gay ruiux vpiq muex tvlvlc gay tueq.

EJEKIEL 16:63

Mnoz rueq shuimx wvnc toq vyaq mvrax lotlaz kuex ngaz rueq dawc kuq phaungx, yuq muinz mnoz rueq kvruex htenc kuex rvwvl lvp wvnc vtueq mnuix tvkac tvkoc doc muinz pinhtumc yvlc svy rvhumc tuiux.” Johvlc Yehowa rueq jungx tueq.

DANIEL 12:2

Vthueyc kay wuez miq paunghvlc muinz kvtenc yuing wvnc wuez tuex: wvyvmc kuex rullungx thuiuzthuic lvp wvnc shuex, wvyvmc kuex pattup yvlc svy rvhumc vtueq kuilc daz tuex.

Hosea 2:3

Kvruex yauk shuimc kuex piq rueq httvr muq ngoz ruiux yuq, ngaz rueq piq khoz vkhvy kuex put gay ruiux piq jawx tueq raungnuiyq ikhoc sawkumx ruez kuq shaungx. Ngaz rueq piq kuex httuiz rawk yaq ghaq sawc htungx ikhoc tvyaungc gay shaungx, piq kuex khvmx svy rueq thueyc wvnc tuex.

Mikha 1:11

Shaphir miqsaz lex, miqyvlc vsac nuiyc sawkumx maq raz tueq vthuq wvnc rvhumc kuinz. Zaanan nuex httax yaq hez tsuingshiq ghaqyungx yuz phic nuex dung kaz khamc muq. Bethezel miqsaz htenc yonzyex tvruingc kuex mnoz rueq tay shuiux nuex, kvruex baung kvyuq kvwungx juing vguez kuex mnoz rueq tuiuz shuiux.

Romans 6:21

Majuiuc nuimshiq yvlc svy rvhumc vtuinx phvnx yauk shuimc htenc kuex mvnnuex nuimshiq rueq shuimx wvnc tuit nuex yvmx vjux lac dung tvnx? Kvruex wawc vlvp kuex vthueyc juing lvmx dvyx rvtueq!

TRI CHONGKE 9:20

Arun kvmuinz thvy gay tvkoc Yehowa kuex pinhtumc khaq tueq, kvkaq dvyx Arun tvkoc muinz ngaz rueq kvmenc jenc thoz tauk.

Revelation 16:15

“Tay shuinz! Ngaz kuex vguiuq ikhoc httuiuc kaz taungx! Kvkhoc rvtueq sawkumx maq khuemshamx vtueq, miq htumc nuex yvlc svy rvhumc muq mruez kueq, kvtsaq hvt maq miqmac khoz vkhvy bvmc jix waz kuex thuinhvlx yaq.”