DUNGWVNC 32:22 - Hawa Naga Bible 2001

²² Arun rueq, “Ngaz muex nauk khaq vkueq; vruex miq htenc vraq vbac yauk shuimc tvkoc mtanc khvnc lac hangc wvnc tvnx kuex mnoz rueq tuiuz yaq.

ASII LAKDAP Bible (BSI)

²² Kiijiishe Aron raq treto, “Ngi miika naq khiq kiq. Ümniiraq arnok ka abi kiimung miitu kai honghea ngutri asap haü.

DUNGWVNC 32:22 Referencias Cruzadas

RAPHA HIQWA LAK 44:18

Yuda kuex Yosep kox nuex kvnvp vtueq, “Jiyungx waz lex, mnoz muex kvjaz poshiz saz jungx tvtay kuq ix. Ngaz muex nauk khaq vkueq; mnoz kuex hokhvmx waz ikhoc dvyx rvtoq.

Tvtsvmc 36:4

Tsuingshiq kuex woalchuing htauk nuex woalc vtueq honc bac lvmx kuex kvmungx wuez yaq; piq rueq shuimx yaq phvnx htenc kuex vbac phvnx jvnc rvtueq, piq rueq honc vbac phvnx kuex mkaq muinz tvdux gay muq.

DUNGWVNC 14:11

Tsuingshiq rueq Moshe muex ngoc, “Ejip mungx nuex luip ruiuz khux vguez rvtueq haz? Mnoz rueq nuiyhez kumtsvy tvnx vyuq tvthueyc gay muex haz shvlx laq phux? Lawc shuiuz mnoz rueq nuiyshiq kuex Ejip mungx wawc tvdung shvlx wvnc vtueq yvmx lac ruez vphux!

DUNGWVNC 15:24

Miq htenc rueq Moshe muex ngoc, “Nuiyshiq rueq yvmx lac nuingx vshix,” ngoz tueq kvbot wuez tueq.

DUNGWVNC 16:20

Yuq muinz wvyvmc rueq Moshe kvjaz kuex tay muq maq, nvp yix raungnuiyq tvkoc muinz tvjungx taq wuez tueq. Nvp yix raungnvp nuex wanx kvyuq vyung raz tueq nvmx kaz koq tueq, Moshe kuex kvruex hez kvmac khaq tueq.

DUNGWVNC 16:28

Kvruex yimaq Yehowa rueq Moshe muex ngoc, “Ngaz rueq nvr shaungx kvjaz kuex miq htenc rueq mtanc nuex httuiuc laz tvlvlc lac?

DUNGWVNC 32:1

Miq htenc rueq kanx kvyuq Moshe kuex loayc hvlc httax kaz vtueq svt kaz muq shex kuex khiz vtueq, tsuinghez kuex Arun kox nuex komc tuimz rvtuimx kaz vtueq, “Nuiyshiq kuex Ejip mungx wawc tvdungc shvlc lvy jix waz Moshe kuex yvmx khoc wuez yaungx vtvnx nuiyshiq rueq tuiuz miq; kvkhoc rvtueq nuiyshiq muex lvmx shvlc kuy jix tishox vshiz kuex tvhungx guirx kuq koq,” ngoz tueq thoz wuez tueq.

DUNGWVNC 32:21

Moshe rueq Arun muex ngoc, “Mnoz rueq vtanc khvnc yungx yaq mvrax kuex tsuinghez rueq shuimx laz juing, vruex hez rueq mnoz muex yvmx ruec kuy ningkhvnc nuex lac?” ngoz tueq wiz tueq.

TAKSU LAK 4:16

Layx bac jix miqsaz htenc rueq vyaq yauk shuimc kuex shuimx lvp muq ngoz ruiux yuq, tsuingshiq kvtsoalx lvp muq. Miq washiz shiz kuex tvthuiuz sac lvp muq ngoz ruiux tsuingshiq kvtsoalx piauc muq.

TRI CHONGKE 31:27

Tsuingshiq khux tsanz vtueq vkhawc vlvlc thuinz httax yaq kuex ngaz rueq tuiuz vshaungx. Tsuingshiq kuex ngaz max thueyc kaz nuex doc muinz Yehowa muex tsuingshiq rueq khawx lvlx wuez yaq, ngvy thueyc kay yix kuex tsuingshiq rueq pinhtumc khawx lvlx wuez shuex.

TRI CHONGKE 9:24

Nuimshiq kuex ngaz rueq tuiuz wvnc phaungx jauz maq phuex Yehowa muex khawx lvlx vshuinx.

TRI CHONGKE 9:7

“Kumtsvy tvnx nuex httax wvnc tuit ikaq Yehowa nuimshiq Tishox muex tvkhaq tuit kuex mkaq muinz rvwvl tvmaung hvt rvshuinz. Nuimshiq kuex Ejip mungx maq kaz wvnc tuit raungnuiyq maq phaungc vtueq, vruex hong nuex httuiuc kaz tuit raungnuiyq nuex httuiuc laz vpiq muex khawx lvlx wvnc tuit.

1 SAMUEL 15:15

Sholu rueq, “Ngvy miq hez rueq kvruex htenc kuex Amalek miqsaz kox wawc lvmz wvnc wuez tueq. Yehowa m-Tishox muex shomc nawk juing shomc kuy muex ngoz tueq, vhvlx pinhtumc khelx vmanx htenc kuex tsuinghez rueq yoalx taq ruiux, vganc htenc kuex tvsawc ric tvbac gay tiq,” ngoz tueq tvralc tueq.

1 SAMUEL 15:21

Yuq muinz ngvy miq hez kuex tsuinghez rueq vlvp taq vhvlx pinhtumc khelbuenx mansuiux htenc kuex thvt gay muq maq, Yehowa m-Tishox muex shomc nawk juing muex shomc kuy tvkoc Gilgal nuex tsuinghez rueq lvmz wvnc wuez tueq,” ngoz tueq tvralc tueq.

1 SAMUEL 15:24

Sholu rueq, “Rvtueq, ngaz mvrax yaq gay tauk. Ngaz kuex Yehowa rueq nvr yaq kvjaz nuiyc mnoz rueq jungphvnx kuq phux htenc kuex phvnx mauk rvtauk. Ngaz kuex ngvy miqsaz htenc muex hiz vtueq tsuinghez thuinroc tvshuimc gay tauk.