Biblia Todo Logo
La Biblia Online
- Anuncios -




DUNGWVNC 32:13 - Hawa Naga Bible 2001

13 Mnvrc waz hez Abraham, Esak nuiyc Yaku kuex rvwvl tvmaung shuiuz. Mnoz rueq tsuingshiq suiuz vsaz htenc kuex raungwawc ruiysuiyq ikhoc tvpux paung shuiux lvmz nuiyc mnoz rueq tuemc khvmc kuq toq mungx htenc kuex tsuingshiq suiuz vsaz htenc rueq pattup lvp wvnc tvkoc bomkhvmc vkuq kuex rvwvl tvmaung shuiuz,” ngoz tueq thoz tueq.

Ver Capítulo Copiar

ASII LAKDAP Bible (BSI)

13 Ümjaq shisetiim Abraham, Isak, kiimaq Jakob ka tsan na tiitsanglaq. Kiimaq ümniiraq tsangshiq ma tsangsaü tsangsetiim ka ra na raiqsaiq diimtlaq kiikha mitiipaha nguta ramram kongphiq kiqkham kuqlaü kra tiimalaq. Kiimaq tsangshiq saüsetiim ma mung ashi ka wiita pattup pat-sa miitu tsangshiq tachong hupsam ma mikuqha nguta kiqkham kuq laü kra tsan na tiitsanglaq.”

Ver Capítulo Copiar




DUNGWVNC 32:13
23 Referencias Cruzadas  

Ngaz rueq mnoz muex msuiuz msaz paunghvlc kuq phaungx, tsuingshiq kuex miqphvnx yunghvlc muex yaungx wvnc tuex. Ngaz rueq mnoz muex ruimruimx kuq ruiux, mmuingc jungc tvyungc kuq phaungx, kvkhoc mnoz kuex kejux jungx waz yaungx tuiux.


Yehowa kuex Abram muex kvkhic kaz vtueq piq muex ngoc, “Vruex mungx kuex msuiuz msaz hez muex ngaz rueq kuq phaungx,” ngoz tueq jungx tueq. Kvkaq Abram rueq piq muex shvmx kvkhic kaz tueq Yehowa tvkoc kvruex baung kvyuq shomrawx tvhungx tueq.


Kvruex yimaq Yehowa rueq Abram rulc bomkhvrc taq tueq. Vpiq rueq, “Ejip mungx ghaqruiy maq Euphrat ruilx nuex httuiuc laz,


Yehowa rueq Abram kuex kvlc htaq nuex shvlx laq vtueq, “Raungx nuex kac vtueq ruiysuiyq htenc kuex wvl shuiuz; mphvnx mmaq kuex kvkhoc paung yaung wvnc tuex,” ngoz tueq jungx tueq.


Kvruex yimaq Yehowa rueq piq muex ngoc, “Ngaz rueq mnoz muex vruex ghaq vraungx kuex kuy tvlanc kuy tvkoc Babelon mungx Ura ghaq wawc mnoz kuex gvlc wvnc jix Yehowa rvtauk,” ngoz tueq jungx tueq.


Majuiuc mnoz wuinshaung waz ikhoc httax vtuiux mungx vruex kuex mnoz nuiyc msuiuz msaz hez muex kuq phaungx. Kanaan mungx lotlaz kuex msuiuz msaz htenc muex kuy tvlanc kuq phaungx, ngaz muinz tsuingshiq Tishox muex yaungx taungx,” ngoz tueq jungx tueq.


“Ngaz rueq ngvy muingc maq kvtuemc vtueq Yehowa rueq jungx yaq vruex yauk shuimc kuex mnoz rueq shuimx kaz vtueq msaz vshiz lauklauk saz kuex ngaz muex kuy khvnnyvnx muq ningkhvnc nuex ngaz rueq mnoz muex hunghtaungx laz ruimruimx kuq phaungx,


msuiuz msaz htenc kuex raungwawc ruiysuiyq htenc, rvmuq ngoz ruiux svmuktvrax kawx wawc kumtsvy htenc ikhoc ngaz rueq mnoz muex kuq phaungx. Msuiuz msaz htenc rueq tsuingshiq ralx htenc kuex khvt taungx gay shuex.


Yehowa htunghtauk raungmungx Tishox rueq iwaz yuimx wawc nuiyc iphvnx imaq mungtan wawc ngaz kuex gvl laq vtueq, isuiuz isaz phvnx muex vruex mungx kuex kuq phaungx ngoz tueq ngaz muex vpiq kvtuemc vtueq bomkhvmc kuq phuex. Mnoz rueq isaz muex miq thuiyx kaz ruiux yuq humc tvkoc vpiq raungkamx waz kuex mmax nuex tvkaz shuex, kvruex wawc isaz tvkoc vyuimx jix nyuiuz kuex humc kuq shuiux.


Ngaz kuex vgvrx vtsvrx htenc wawc palc wvnc jix raungkamx waz rueq vruex nox nueyc vmac ruimrix mkuq shueq! Ngvy muingc, Ijix iwaz Abraham nuiyc Esak muingc kuex tsuinghez rueq mtv-phaungx ngaungx shueq! Tsuingshiq suiuz vsaz phvnx htenc kuex paunghvlc mpux paung wvnc kueq!”


“Yehowa rueq Kanaan miqsaz httax yaq mungx kvyuq nuimshiq kuex shvlc wvnc tvkoc nuimshiq nuiyc nuimshiq jix vwaz tamx muex vpiq rueq daungdaungx bomkhvmc taq tueq. Kvruex mungx kuex nuimshiq muex kuq ruiux yuq,


Yehowa rueq nuimshiq jix vwaz tamx muex kvtuemc khvmc kuq tueq Kanaan, Hitti, Amori, Hiwi nuiyc Jebusi miqsaz htenc httax yaq mungx kuex nuimshiq muex kuq phaungx ngoz tueq. Vpiq rueq tvkaz vtueq puix nuiyc nyaq ngurx dung yaq mungx nuex nuimshiq httuiuc kaz ruiux yuq, wawc tek vphaungc yapix nuex vkhoc moalx kuex moalx wuez shuinz.


Yehowa rueq Moshe muex ngoc, “Mnoz nuiyc mnoz rueq Ejip mungx wawc tvdung shvlx wvnc toq miq htenc kuex vruex hong vmaq kvtenc kaz wvnc vtueq, ngaz rueq Abraham, Esak, Yaku nuiyc tsuingshiq suiuz vsaz muex kuq phaungx ngoz tueq bomkhvmc vkuq mungx kvyuq kaz kuiuz.


Ngaz rueq Yaku, Esak, Abraham rulc bomkhvrc vtaq kuex rvwvl lvp shaungx. Kvruex mungx wawc ngvy miqsaz htenc muex kuq shaungx ngvy bomkhvrc kuex vnyalx tvhungx taq yek shaungx.


Yehowa naungshiq Tishox rueq nuimshiq kuex raungwawc ruiysuiyq htenc ikhoc tvpaung kuq kv-phuinx.


Yuq muinz Yehowa rueq nuimshiq lungwawx vtueq nuimshiq jix vwaz tamx muex bomkhvmc vkuq kuex tv-phaungx ngaungx roc ningkhvnc nuex Ejip hokhvmx waz dax muex yaungx yaq wawc vpiq hungc vlaungc maq nuimshiq kuex tvdung wvnc tueq.


Mnvrc waz tamx Abraham, Esak, Yaku kuex rvwvl tvmaung yek vtueq vruex miq htenc khux tsanz yaq, yoay ngaz yaq nuiyc mvrax yaq wvnc tueq kuex nanx kuq koq.


Tishox rueq Abraham muex bomkhvmc kuq tueq nuex, vpiq bomkhvmc rulc rv-ngvlc piq rueq shuimx tueq lvmz kvtuemc tueq, vpiq htauk nuex jvnc vtueq vyungx vguez shex ningkhvnc nuex vpiq muingc kuex jungx vtueq kvtuemc tueq.


Síguenos en:

Anuncios


Anuncios


¡Síguenos en WhatsApp! Síguenos